Epelu 3:5 - Tokelauan New Testament

⁵ Ko Mohe nae kaukauna ma te fakamāoni i loto o te fale o te Atua, ma na ia fakailoagia nā mea na tuku e folafola e te Atua i he taimi i mua.

Epelu 3:5 Referans Kwoze

Epelu 3:2

Nae uhitaki ki te Atua, tē na ia filifiliagia ia ke faia tana gāluega, e vē lava ko te uhitaki o Mohe i te faiga o tana gāluega i loto o te fale o te Atua.

Gāluega 28:23

Oi filifili ai e ki lātou ma Paulo he aho ke feiloaki ai, ma na tokalahi lele nā tino na ōmamai i te aho tēnā, ki te mea nae nofo ai ia Paulo. Mai te taeao ke pa ki afiafipō, nae fakamālamalama lava e Paulo ki a te ki lātou tana fekau e uiga ki te Mālō o te Atua, ma nā taumafai ke ia fakamāonia ki a te ki lātou te tala e uiga ki a Iehu, e ala i nā kupu e ia hiki maia i te Tūlāfono a Mohe, ma nā tuhituhiga a te kau pelofeta.

Epelu 8:5

Ko te gāluega ohitāulaga a lātou e fai, kua nā ko he ata fakatuha ma ko he ataata o nā mea i te lagi. Nae vēnā foki lava te tūlaga nae i ei i te taimi o Mohe. I te kua hāuni o Mohe ke fakatū te Falekie Paia, na lea vē atu te Atua ki ei, “Ke mautinoa e koe ko nā mea uma lele e fua ki te ata na fakahino atu e au ki a te koe i luga o te mauga.”

1 Timoteo 1:12

Ko au e fakafetai ki a Keliho Iehu to tātou Aliki, tē kua ia fōki maia te mālohi ke galue ai au. Ko au e fakafetai ona e ia kiteagia toku fakamāoni ma ia tōfia ai au ke galue mo ia,

Epelu 9:24

Auā ko Keliho e hēki fano ki loto o he Nofoaga Paia na fai i lima o tagata, te ata fakatuha o te mea moni i te lagi. Na fano lava ki te lagi ke fai ma fautua mo ki tātou i mua o te Atua.

Loma 3:21

Kae i te taimi nei, ko te auala e fakalelei ai e te Atua te va o tagata ma ia, kua uma te fakailoa mai. E hēki kui mai i te tūlāfono te mea tēnei, e ui lava na molimau te Tūlāfono a Mohe ma te kau pelofeta ki ei.

Ioane 5:39

E hukehuke koutou ki nā Tuhituhiga Paia ona e vēake koutou, ko te mea ia ka maua ai e koutou te ola e fakavavau. Ko nā Tuhituhiga Paia foki lava iēnei te molimau e uiga ki a te au,

Luka 24:44

Oi vāgana atu ai ki a te ki lātou, “Ko iēnei tonu lava nā mea nae lea atu ai au ka koi māfuta ki tātou: ko nā mea uma lele kua tūhia e uiga ki a te au i nā Tūlāfono a Mohe, nā tuhituhiga a te kau pelofeta ma nā Halamo, e tatau lava ke taunuku.”

Luka 24:27

Oi fakamālamalama ai ki ei e Iehu nā mea kua tākua i nā Tuhituhiga Paia uma, e uiga ki a te ia, e kāmata mai i nā tuhi a Mohe ma nā tuhituhiga a te kau pelofeta uma.

1 Kolinito 4:2

E hē gata la i tēnā, e manakomia nā kaukauna vēnei, ke fakamāoni ki to lātou matai.

Gāluega 7:37

Ko Mohe te tino na lea vē ki tagata Ihalaelu, ‘Ka uga mai e te Atua he pelofeta, e vē lava oi ia uga maia au, he tino lava mai outou tagata.’

Luka 12:42

Kua lea atu te Aliki, “Ko ai la te kaukauna e fakamāoni ma poto? Ko ia tē ka tōfia e tona matai te pule i ana kaukauna, ma fakahoa a lātou meakai i te taimi tatau?

Mataio 25:21

Kua lea atu ki ei tona matai, ‘Mālō ni, te kaukauna lelei ma te fakamāoni, ko koe kua fakamāoni i nā tamā mea. Ka kō tōfia koe ke pule i nā mea e lahi. Ulu mai loa ki loto nei, ta fiafia fakatahi ai!’

Mataio 24:45

“Ko ai la te kaukauna e fakamāoni ma poto? Ko ia tē e tōfia e tona matai ke pule i ana kaukauna, ma fakahoa a lātou meakai i te taimi tatau?

Epelu 1:1

I nā aho kua leva, ko te Atua na tautala ki o tātou tupuna e ala i nā pelofeta. Na ia faia te mea tēnei i ni auala kehekehe e lahi, ma i ni taimi kehekehe.

Epelu 3:4

Ko nā fale takitahi uma lele, e i ei lava te tino na ia faua — ma ko te Atua lava te na fau e ia nā mea uma.

Fakaaliga 15:3

ma pepehe i te pehe a Mohe, te kaukauna a te Atua, ma te pehe a te Punuamāmoe: “Te Aliki te Atua Hilihilikehe te Mālohi, kai te uiga kehe ma te gali o au gāluega! Te Tupu o mālō, kai te hako ma te tonu o nā mea e kē faia!