Epelu 13:8 - Tokelauan New Testament

⁸ Ko Iehu Keliho e tutuha lava i te aho ananafi, te aho nei, ma ke pa lava ki te fakavavau.

Epelu 13:8 Referans Kwoze

Iakopo 1:17

Ko nā meaalofa uma lele e lelei ma kātoatoa, e mai te lagi. E fanaifo ki lalo mai te Atua, tē na faia ia mea pupula uma i te lagi, ma e tūmau pea lava ma hēai hona hūiga, pe he ataata kāfai e liliu.

Fakaaliga 1:8

“Ko au ko te Alefa ma te Ōmeka,” kua vāgana ai te Aliki te Atua Hilihilikehe te Mālohi, tē e ola nei, nae ola pea lava, ma ka haele mai.

Epelu 1:12

Ka fetufetu e koe ki lātou e vē he peleue, ma ka fai ma tahuihui ki lātou e vē ko nā lākei. Kae ka hēai lele he hūiga e pa ki a te koe, ma ko koe ka ola pea lava.”

Fakaaliga 1:4

Mai ia Ioane, ki nā Ekalehia e fitu i Ahia. Ke ia te koutou te alofa tūnoa ma te fīlēmū mai te Atua, tē e ola nei, nae ola pea lava, ma ka haele mai, vēnā foki mai nā agaga e fitu kua i mua o tona nofoāliki;

2 Kolinito 1:19

Auā ko Iehu Keliho, te Ataliki o te Atua, tē nae folafola atu ki a te koutou e ki mātou — e au vēnā ma Hila ma Timoteo, e hē ko he tino e “Io” ma “Hēai” i te taimi e fokotahi, kae e “Io” i taimi uma lava;

Fakaaliga 1:11

E lea vē mai, “Tuhi ki lalo nā mea e kitea e koe ki he tuhi, ma kave ai te tuhi ki nā Ekalehia i nā kakai iēnei e fitu: ko Efeho, ko Himuna, ko Pekamoni, ko Tuateilo, ko Hateihi, ko Filatelefeia, ma Laotikeia.”

2 Kolinito 1:20

auā ko ia ko te “Io” ki folafolaga uma a te Atua. Ko te mea ia e kui atu ai ia Iehu Keliho te tātou “Amene” mo te vīkiga o te Atua.

Iuta 1:25

ke i te Atua e tokatahi to tātou Fakaola, e ala ia Iehu Keliho to tātou Aliki, te vīkiga, te mamalu, te mana ma te pule, mai te kāmataga ke pa mai ki te taimi nei, ma ke pa ki te fakavavau fakavavau lava. Amene.