Epelu 13:5 - Tokelauan New Testament

⁵ Koutou nahe mānumanu ki te tupe, kae talia ma te fiafia nā mea kua maua e koutou. Auā kua vāgana te Atua, “E hē kō tukua lele koutou; ka hē kō tiakia lele koutou.”

Epelu 13:5 Referans Kwoze

Mataio 6:25

“Ko te mea ia e lea atu ai au ki a te koutou, ia koutou nahe popole ki nā ola o koutou, pe ni a te ka kakai ma inu ai koutou; nahe popole foki ki nā tino o koutou, pe ni a te ka kokofu ai koutou. Auā e hē hili atu nei te tāua o te ola i lo nā meakai, ma te tino i lo nā kofu?

Mataio 6:34

Ko te mea ia, koutou nahe popole ki te aho taeao; auā ka popole lava te aho taeao ki a te ia lava. Kua lava lava nā fakafītāuli o te aho mo te aho lava tēnā.

Kolohe 3:5

Fakauma loa la nā manakoga o te lalolagi e pūleagia outou tino, e vē ko te tuinanau ki te tino, faiamio mātagā, nanau, nauloto kino, ma te kaimanako (auā ko te kaimanako e tutuha ma te ifo ki tupua).

Luka 3:14

E i ei foki nā fitafita na fehili vē atu ki ei, “Ka ko ki mātou, he ā te tatau ke ki mātou faia?” Oi tali atu ai ia ki a te ki lātou, “Nahe kave fakamālohia e koutou he tupe a he tino e ala i te fakamataku, pe ko te molimau pepelo, ma e tatau koutou ke mālilie kinā totogi o koutou e maua.”

2 Petelu 2:14

Oioti lava te mea e fano ki ei o lātou māfaufau, ke i ei he avanoa ke fai ai e ki lātou te mulilua; ko to lātou umiti ki te agahala e hē mafai ke uma. E takitaki hehē e ki lātou nā tino e fakahehē gōfie, ma ko o lātou loto e akoako ke iloa oi manako lahi. Kua fakamālaia ki lātou e te Atua.

1 Timoteo 3:3

e hē ko he tino e fiafia oi inu lahi ma konā, e hē fakahāuā kae e agamalū ma tauhi ki te fīlēmū, e hē mānumanu ki te tupe;

Efeho 5:5

Ke mautinoa e koutou iloa te mea tēnei; e hēai he tino e faia ni uiga tuinanau ki te tino, pe ni uiga mātagā pe manako lahi (auā ko te manako lahi e tuha lava kua ifo ki tupua), e maua hona vāega o te tofi i te Mālō o Keliho vēnā ma te Atua.

2 Petelu 2:3

Ko to lātou manako lahi ki nā tupe, ka fakatōhina ai koutou e ki lātou i nā kupu pepelo. Mai te kāloā ke pa mai nei, ko tē e fakamahinoa ki lātou kua nofo hāuni, ma ko tē e fakaumatiagia ki lātou e hē moe lele!

Efeho 5:3

Ko koutou ni tagata e o te Atua, e hē tatau lele la ke tākua i autou talatalanoaga nā uiga tuinanau ki te tino, pe ko nā uiga mātagā, pe ko te manako lahi.

1 Kolinito 5:11

Ko te uiga o taku lea atu, ia koutou nahe fakapipiki ki he tino e lea vē ko ia ko he Kelihiano, kae fai āmio mātagā, pe manatu fakapito, pe ifo ki tupua, pe tau fakakino, pe konā, pe kaihohoa — nahe nonofo foki ki lalo ma kakai fakatahi ma he tino vēnei.

Luka 8:14

Ko nā fatu haito na lūlū ki te mea e ola ai te vao mātuituia, e fakatuha ki nā tino e ki lātou lagona te kupu; kae ko te mānumanu ki koloa ma fiafiaga o te ōlaga, e taomia ma hē mātutua ai ona fua.

Maleko 7:22

te mulilua, te manako lahi, ma te fai o nā itūkāigā āmio kino uma, te talapepelo, te faiamio, te lotokino, te faitala fakakino, te fāfia ma te āmio valea.

Iuta 1:11

Kai te fakaalofa lele o ki lātou auā kua mulimuli ki te auala na kui ai ia Kaino. Kua fakatakitaki ki te mea hehē a Palaama na fai, kae ke lahi ai ni a lātou tupe e maua. Kua fakatuikehe ki lātou e vē ko te fakatuikehe o Kola, ma e fakaumatia ki lātou e te Atua, vē foki lava ko te mea na pa ki a Kola.

1 Kolinito 6:10

pe ko nā tino kaihohoa, pe manatu fakapito, pe ko nā tino konanā, pe faitala fakakino, pe ko nā tino fāomea — e hēai ni tino vēnei e fai mo ki lātou te Mālō o te Atua.

Loma 1:29

Kua tumu ki lātou i ho he itūkāigā uiga hē lelei, ko te āmio kino, ko te manako lahi ma te fai o nā āmio mātagā; e tumu i te loto kino, te tāmate tino, te tauaimiha, te talapepelo ma te tau fakakino. E faitatala

Mataio 6:19

“Nahe fakaputua ni koloa mo koutou i te lalolagi, auā e fakakino e nā mogamoga ma te palatoki, ma oatu nā tino oi kaihohoa.

2 Kolinito 4:9

E maua ho ki mātou i fakahāuāga, kae e hē tuku tiakia lele ki mātou e te Atua. E kini ho ki mātou ma pakukū ki lalo, kae e hē oti ai ki mātou.