Epelu 11:7 - Tokelauan New Testament

⁷ Ko te fakatuatua o Noa te na mafai ai ke lagona e ia te fakatonuga a te Atua e uiga ki nā mea e hē ia kitea kae ka tutupu i he taimi i mua. Na uhitaki ki te Atua, oi fau ai e ia he vaka ma na fakaola ai ia ma tona kāiga. Ona ko te mea tēnei, na fakahalagia ai te lalolagi kae ona ko Noa na uhitaki ki te Atua, na talia ai ia e te Atua ko he tino e faia te mea e tonu.

Epelu 11:7 Referans Kwoze

1 Petelu 3:20

Ko nā agaga iēnei e hēki uhitaki ki te Atua i te taimi ka koi fakatalitali ai ia ma te onohai mo ki lātou, i nā aho nae fau ai te vaka e Noa. E hē tokalahi nā tino nae i luga o te vaka — e toka valu oioti — na fakaola ki lātou e te Atua e ala i te vai.

Loma 4:13

I te folafolaga e te Atua ki a Apelaamo ma ona lāpuna ko te lalolagi ka e o ia, e hēki ia faia te mea tēnei ona ko Apelaamo nae uhitaki ki te Tūlāfono, kae ona nae talitonu, ma na fakaleleia ai te va o ia ma te Atua.

Luka 17:26

E vē ko te mea na tupu i nā aho o Noa, ka vēnā foki lava te mea ka tutupu i nā aho o te Ataliki o te Tagata.

Filipi 3:9

ma ke kātoatoa lelei te māfutaga ma ia. E hēai he mea e mafai ke kō faia ke talia ai au i mua o te Atua, ona ko au e uhitaki ki te Tūlāfono a Mohe. Ko au e talia oioti i mua o te Atua pe kāfai au e fakatuatua ki a Keliho.

Kalatia 5:5

Kae vē la ko ki mātou, ko te mātou fakamoemoe ke fakalelei e te Atua to mātou va ma ia; ma ko te mea tēnei e hakilikili ki mātou ki ei ona ko te mana o te Agaga o te Atua, e galue ia te mātou e ala i to mātou fakatuatua.

Epelu 5:7

I te ōlaga o Iehu i te lalolagi nei, nae tatalo ma ole atu ma te leo lahi ma te maligi o loimata ki te Atua, tē e ia mafaia oi fakahao ia mai te mate. Ona ko Iehu e loto maulalo ma na ofo kātoatoa atu ia mo te Atua, na tali mai ai ki ei te Atua.

Loma 3:22

E fakalelei e te Atua te va o tagata ma ia e ala i te fakatuatua ki a Iehu Keliho. Ko te mea tēnei e fai e te Atua ki nā tino uma e talitonu ki a Keliho, auā ko tagata uma lele e tutuha.

Loma 1:17

Auā e fakaalia i te Tala Lelei te auala e fakalelei ai e te Atua te va o tagata ma ia: e fakalelei i te fakatuatua ma e nā ko te fakatuatua oioti lava. E vē oi lea mai te tuhituhiga paia, “Ko te tino e fakalelei te va o ia ma te Atua e ala i te fakatuatua, ka ola ia.”

Mataio 3:7

Kae i te kitea atuga e Ioane te tokalahi o te kau Falehaio ma te kau Hatukaio kua ōmamai ke papatiho ki lātou e ia, oi lea vē atu ai ki ei, “Koutou fānau a gata — ko ai te na lea atu e mafai koutou ke hao i te fakahalaga a te Atua kua tali pa mai?

2 Petelu 3:6

ma ko te vai foki lava, te vai o te lolo, te na fakaumatia ai te lalolagi i nā aho anamua.

2 Petelu 2:5

E hēki fakahaoa e te Atua te lalolagi i nā aho anamua, kae na ia kaumaia te lolo ki te lalolagi o tagata hē mātataku i te Atua; oioti lava nā tino na fakahao e ia ko Noa, tē nae ia tālakia ki tagata ke ola e tuha ai ma te finagalo o te Atua, fakatahi ai ma iētahi tino e toka fitu.

2 Petelu 1:1

Mai ia Himona Petelu, he kaukauna ma he apohitolo e a Iehu Keliho — Ki nā tino kua fōki ki ei he fakatuatua tāua e vē foki lava ko ki mātou, e ala i te āmiotonu o to tātou Atua ma to tātou Fakaola ko Iehu Keliho:

Epelu 11:1

Ko te fakatuatua ki te Atua e mautū ai to tātou fakamoemoe, ma mautinoa ai nā mea e hē ki tātou kitea.

Loma 10:6

Kae ko te mea e lea mai ai te tuhituhiga paia e uiga ki te fakaleleia o te va ma te Atua e ala i te fakatuatua e vēnei: “Nahe vē ifo koe i tō loto, Ko ai te ka fano ki luga i te lagi?” (ke kavaifo ia Keliho ki lalo).

Loma 4:11

Ko Apelaamo na fātoā pelitome mulimuli, ma ko tona pelitome na fai ma fakailoga ke fakailoa ai ko tona fakatuatua, te na fakalelei ai e te Atua tona va ma ia. Ko Apelaamo la, ko te tamana fakateagaga ia o ki lātou uma e talitonu ki te Atua, ma kua fakalelei e te Atua to lātou va ma ia, e ui lava ko ki lātou ko hēki pelitomea.

Mataio 24:38

Auā i nā aho ka ko hēki tupu te lolo, nae fai lava e tagata nā mea nae māhani ai; nae kakai ma inu, nae āvavaga ia tamāloloa ma fafine, ke pa lava ki te aho na fano ai ia Noa ki luga o te vaka;

Mataio 24:25

Fakalogo lelei mai koutou! Ko au kua lea atu i nā mea iēnei, ka ko hēki pa ki te taimi e tutupu ai.

Loma 9:30

He ā la te uiga o te mea tēnei? Ko tona uiga ko tagata nukukehe nae hē taumafai ke fakalelei to lātou va ma te Atua, kae na fakalelei e te Atua e ala i to lātou fakatuatua;

Mataio 24:15

“Ka kitea e koutou ‘Te Mea Matakutia te Kino ma te Inohia’ e tū i loto o te Nofoaga Paia, e vē oi tākua e te pelofeta ko Tanielu.” (Ke mālamalama te tino faitau ki te uiga o te mea tēnei!)

Mataio 2:12

Oi toe foki ai ki to lātou nuku kui atu i hētahi auala, auā na fakailoa e te Atua ki a te ki lātou i he miti, ke nahe toe olo ki a Helota.

Epelu 8:5

Ko te gāluega ohitāulaga a lātou e fai, kua nā ko he ata fakatuha ma ko he ataata o nā mea i te lagi. Nae vēnā foki lava te tūlaga nae i ei i te taimi o Mohe. I te kua hāuni o Mohe ke fakatū te Falekie Paia, na lea vē atu te Atua ki ei, “Ke mautinoa e koe ko nā mea uma lele e fua ki te ata na fakahino atu e au ki a te koe i luga o te mauga.”

Epelu 12:25

Tautuanā la ma koutou e hē koutou tetekeagia te tino tēia e tautala. Ko nā tino nae teteke ki te tino na kaumaia ki te lalolagi te fekau mai te lagi, e hēki fakahaoa. Ka hē hili atu nei la te hē mafai ona fakahaogia o ki tātou, kāfai ki tātou e teteke ki te tino e tautala hako ifo mai te lagi ki a te ki tātou?