Ko ia ko te ulu o tona tino, ko te Ekalehia tēnā; ko ia ko te puna o te ola mo te Ekalehia. Ko ia ko te Ataliki ulumatua, tē na toe fakatū mai i te oti, kae ke kavea ai ia ma muamua i nā mea uma lele.
Ko Keliho ko te ata fakatuha ia o te Atua, tē e hē mafai ke kitea e he tino. Ko ia ko te Ataliki ulumatua, ma e hilihili lele ia i lo hētahi o mea na gaohia e te Atua.
Na liu tino tagata te Kupu ma nae mau fakatahi ma ki mātou, ma tumu i te alofa tūnoa ma te fakamāoni. Na kikila ki mātou ki tona mamalu, te mamalu o te Ataliki e tokatahi o te Tamana.
ma vēnā foki mai ia Iehu Keliho, te molimau fakamāoni. Ko ia te tino muamua kua fakatū mai i te oti, ma e pule ia i tupu uma o te lalolagi. E alofa mai ia ki a te ki tātou, ma kua ia fakahaolotoagia ki tātou mai te agahala, e ala i tona toto na maligi,
Ko ki lātou kua uma te filifilia e te Atua, kua uma foki te tōfia e ia muamua ke kavea ke vē ko tona Ataliki, kae ke kavea ai te Ataliki e vē ko te ulumatua i he kau uho tokatahi.
Ma kua fakaalia te alofa o te Atua ki a te ki tātou i te kua uga mai e ia o tona Ataliki e fokotahi ki te lalolagi, kae ke maua ai e ki tātou te ola e ala ia te ia.
Ko te mea ia na lea vēnei atu ai ia Keliho ki te Atua i te taimi kua lata ai ki tona haele mai ki te lalolagi, “Ko koe e hē fofou ki nā tāulaga ma nā meaalofa, kae kua hāunia e koe he tino mo ōku.
Auā ko te alofa lahi o te Atua ki te lalolagi, na ia kaumaia ai tona Ataliki e tokatahi, kae ke nahe oti ai ho he tino e talitonu ki ei, kae ke maua e ia te ola e fakavavau.
Auā ko te Atua e hēki lea lele vēnei ki hētahi o ana agelu, “Ko koe ko toku Ataliki i te aho nei ko au kua kavea ma o Tamana.” E hēki lea foki te Atua vēnei e uiga ki hana agelu, “Ko au ka kavea ma ona Tamana ma ka kavea ia ma oku Ataliki.”
Ma ko te Tala Lelei tēnei e uiga ki te Mālō o te Atua, ka tālaki atu ki te lalolagi kātoa ke fai ma fakamāoniga ki mālō uma oi fātoā pa mai ai loa te gataaga.