Efeho 6:19 - Tokelauan New Testament

¹⁹ Tatalo foki mo oku, ke tuku mai e te Atua ki a te au he fekau kāfai au kua lava hāuni ke tautala, kae ke tautala ai au e aunoa ma he mataku, ke fakailoa ki tagata te mea lilo e uiga ki te Tala Lelei.

Efeho 6:19 Referans Kwoze

Kolohe 4:3

Tatalo foki mo ki mātou, ke tatala mai e te Atua ki a te ki mātou he avanoa ke tālaki atu ai tana fekau ki te mealilo e uiga ki a Keliho. Auā ko te mea ia e i te falepuipui ai au i te taimi nei.

Gāluega 4:29

Ma i te taimi nei te Aliki, kikila ki a lātou kupu fakamataku kua fai mai ki a te ki mātou, ma fōki mai ki au kaukauna te avanoa ke folafola ai e ki mātou tau fekau, e aunoa ma he mataku.

2 Tehalonia 3:1

Ko nā toe mea e lea atu ai au ki a te koutou, te kau uho, koutou ke tatalo mo ki mātou, kae ke mafai te fekau a te Aliki ke fakahalalau vave ma talia fiafia e tagata, e vē lava ona talia e koutou ma te fiafia.

1 Tehalonia 5:25

Tatalo foki mo ki mātou, te kau uho.

Epelu 13:18

Nahe uma te koutou tatalo mo ki mātou. Ko o mātou lotofuatia e mamā, ma e taumafai lava ki mātou i taimi uma, ke fai te mea e tonu.

Gāluega 4:31

Kua uma te fai o te lātou tatalo, oi lūlū ai te nofoaga nae maopoopo ai ki lātou. Na fakatumulia ki lātou uma i te Agaga Paia, oi kāmata ai oi tautatala i te fekau a te Atua, e aunoa ma he mataku.

1 Tehalonia 2:2

E iloa e koutou ko ki mātou na pagātia ma fakamahiahi e nā tino i Filipi ka ko hēki āhiāhi atu ai ki mātou ki a te koutou i kinā i Tehalonika. Ma e ui nae tokalahi e teteke mai, kae na fōki mai e te Atua te loto mākeke ke mafai ai e ki mātou oi fakailoa atu ki a te koutou te Tala Lelei mai ia te ia.

2 Kolinito 8:7

Kua tamaokāiga koutou i mea uma: i te fakatuatua, i te folafola, i te iloa ma te loto naunau ke fehoahoani, ma i te koutou alolofa mai ki a te ki mātou. Ma ko ki mātou foki la e fofou ko koutou ke lima fōaki i te gāluega lelei kua feagai ma koutou.

Efeho 1:9

na fakatino ai e te Atua te mea na fofou ia ke fai, ma fakailoa mai ki a te ki tātou tana fuafuaga lilo kua uma te tonu ia te ia ke fakataunuku e ala ia Keliho.

1 Kolinito 4:1

E tatau ke ia te koutou te manatu ko ki mātou ni kaukauna e a Keliho, ni tino kua tōfia ke kikilāgia nā meamoni lilo a te Atua.

Gāluega 28:31

Nae folafola atu e ia te fekau e uiga ki te Mālō o te Atua ma akoako atu e uiga ki te Aliki ko Iehu Keliho, i he agaga hē mataku ma haoloto.

Gāluega 19:8

Na kātoa te tolu māhina ko Paulo nae fano ho ki loto o te hūnako ma tautala ki tagata ma te hē mataku, i ni taumafaiga ke mafai ai ki lātou ke talitonu e uiga ki te Mālō o te Atua.

Gāluega 13:46

Kae kua fakaatili ai te hē mātataku o Paulo ma Panapa ma lea vē atu ki a te ki lātou, “Ko te kupu a te Atua na folafola muamua atu ki a te koutou, ma ko he mea e hako lava. Kae ona ko koutou e teteke ki ei ma i ei outou manatu ko koutou e hē aogā ke maua e koutou te ola e fakavavau, ka tuku ai koutou e ki māua kae olo ki nā tino nukukehe.

Filemoni 1:22

Ko tētahi mea la, hāuni ko he potu mo oku, auā ko au e fakamoemoe ka tali mai te Atua ki autou tatalo, ma ka mafai ai au ke toe fanatu ki a te koutou.

Kolohe 2:2

E fai e au te mea tēnei kae ke fakatumulia ai ki lātou i te loto mākeke ma fuhia fakatahi i te alofa, ma lahi ai te mautinoa o ki lātou e ala i to lātou mālamalama e uiga ki te mealilo a te Atua, ko Keliho tēnā.

2 Kolinito 3:12

Ona kua ia te ki mātou he fakamoemoe vēnei, kua maua ai e ki mātou te loto mālohi.

1 Kolinito 1:5

Auā ko te māfutaga a koutou ma Keliho kua maua ai e koutou te tamaokāiga i ho he mea, e aofia ai nā kupu e tautatala ai koutou ma te mālamalama lautele.

Gāluega 14:3

Na mataloa te taimi na nonofo ai nā apohitolo i kinā. Nae hē mātataku lele oi tautatala e uiga ki te Aliki, tē kua ia fakamāoniagia te moni o te lā fekau e uiga ki tona alofa tūnoa, e ala i te mana na ia tuku akea ki a te ki lāua ke fai ai nā vāvega ma nā mea ofoofogia.

Gāluega 9:27

Kae na fehoahoani ia Panapa ki a Haulo, ma na ia kavea ke feiloaki ma te kau apohitolo. Na fakamālamalama e ia ki a te ki lātou te kiteaga e Haulo o te Aliki i luga o te auala, ma te tautalaga o te Aliki ki ei. Na ia takua foki ki a te ki lātou te hē mataku o Haulo oi tālaki i te igoa o Iehu, ki tagata i Tamaheko.

1 Timoteo 3:16

Kua iloa uma lele e ki tātou, te uiga kehe o te mealilo e uiga ki to tātou talitonuga: Na hau ia i tona tino tagata, na fakamāonia te hako o ia e te Agaga, ma na kitea ia e agelu. Na tālaki e uiga ki a te ia ki nukukehe, na talitonu ki a te ia te lalolagi, ma na kavake ki te lagi e te Atua.

2 Kolinito 7:4

Ko au e talitonu kātoatoa ki a te koutou; e lahi toku fāfia ona ko koutou. E ui i te lahi o nā fakafītāuli e feagai ma ki mātou, ko au e loto tele pea lava; ko au e fakatumulia i te fiafia.

2 Kolinito 1:11

E tatau foki koutou ke fehoahoani mai ki a te ki māua e ala i autou tatalo, kae ke tokalahi ia tagata e fakafetai mo ki māua mo nā fakamanuiaga kua maua e ki māua, ona ko nā tatalo iēnei e lahi.

1 Kolinito 2:7

Ko te poto e folafola e ki mātou ko te poto lilo o te Atua tē e mumuni mai tagata, kae kua uma te ia filifilia ke maua ai e ki tātou ni vīkiga, ka ko hēki faia te lalolagi.

Loma 15:30

Ko au la e fakatagi atu ki a te koutou, oku uho, e ala i te Aliki ko Iehu Keliho ma te alofa e hau mai te Agaga: ke kau fakatahi ki tātou ma tatalo fakatauanau ki te Atua, mo au.

Gāluega 18:26

Na kāmata loa oi tautala atu ia Apolo ma te hē mataku i loto o te hūnako. I te lagonaga e Pihila ma Akula te tautalaga a Apolo, oi kave ai e ki lāua ki to lā fale ma fakamālamalama hako ki ei e uiga te Ala o te Atua.

Gāluega 4:13

Na ofo nā tino o te Taupulega ki nā fakamatalaga a Petelu ma Ioane ona ko te hē mātataku, kae maihe lava i te ki lātou iloaga ko te toka lua tēnei e hē ni tino e lauiloa pe na akoakogia. Oi hāfia ai e ki lātou ko te toka lua tēnei nae ni hoa e o Iehu.

Gāluega 2:4

Na fakatumulia ai ki lātou uma i te Agaga Paia, oi kāmata ai oi tautatala i iētahi gagana, e vē ona tuku atu e te Agaga ki a te ki lātou te mana ke tautatala ai.

Gāluega 9:29

Na ia folafola foki e uiga ki a Iehu Keliho ki nā tino Eleni e tautatala i te gagana Iutaia ma nae fai a lātou fefīnauakiga, kae na taumafai lava ki lātou ke tāmate ia Haulo.

Loma 16:25

Tātou tuku atu te vīkiga ki te Atua. E ia mafaia oi fakamautū te koutou fakatuatua, e tuha ai ma te Tala Lelei e kō tālakia e uiga Iehu Keliho, ma e tuha ai ma te fakailoa maiga o te meamoni lilo nae mumuni i nā tauhaga e lahi lele kua teka.

2 Kolinito 6:11

Te kau uho pele i Kolinito, ko nā kupu kua tautatala atu ai ki mātou e moni lava; ko ki mātou e alolofa lahi atu ki a te koutou.

Efeho 3:9

ma ke fakakikila ia tagata uma ki te fuafuaga lilo a te Atua ma tona fakatinoga. Nae mumuni e te Atua, tē na gaohia ia mea uma, tana fuafuaga lilo mai te kāloā,