Efeho 5:5 - Tokelauan New Testament

⁵ Ke mautinoa e koutou iloa te mea tēnei; e hēai he tino e faia ni uiga tuinanau ki te tino, pe ni uiga mātagā pe manako lahi (auā ko te manako lahi e tuha lava kua ifo ki tupua), e maua hona vāega o te tofi i te Mālō o Keliho vēnā ma te Atua.

Efeho 5:5 Referans Kwoze

Kalatia 5:21

ko te mata pipiko, ko te konā ma te fai pātī ma iētahi mea vēnei. Ko au e lapataki atu i te taimi nei e vē foki ona lapataki atu au muamua: ko nā tino e ki lātou faia nā mea iēnei ka hē faia mo ki lātou te Mālō o te Atua.

Fakaaliga 22:15

Kae i fafo o te kakai, ka i ei ai nā tino e vē ni kulī, nā taulāitu, nā tino e tuinanau ki te tino, nā tino tāmate tino, nā tino ifo ki tupua, nā tino e fiafia oi tala pepelo ma fai nā mea hehē.

Kolohe 3:5

Fakauma loa la nā manakoga o te lalolagi e pūleagia outou tino, e vē ko te tuinanau ki te tino, faiamio mātagā, nanau, nauloto kino, ma te kaimanako (auā ko te kaimanako e tutuha ma te ifo ki tupua).

Efeho 5:3

Ko koutou ni tagata e o te Atua, e hē tatau lele la ke tākua i autou talatalanoaga nā uiga tuinanau ki te tino, pe ko nā uiga mātagā, pe ko te manako lahi.

Fakaaliga 21:8

Kae ko nā tino palakakai, vēnā ma nā tino kua toe liliu kehe mai te Atua, nā tino āmio kino, nā tino tāmate tino, nā tino e tuinanau ki te tino, nā taulāitu, nā tino e ifo ki tupua ma nā tino talapepelo uma lele — ko te nofoaga mo ki lātou ko te vaitūloto e mumū i te afi ma te teiō, ko te oti tēnā tona lua.”

Kalatia 5:19

Ko nā mea e fai e te natula fakatetagata e manino lele. Ko te nanau ki te tino, ko te āmio fakamanu, ma te fai āmio mātagā;

Epelu 13:4

Ke fakamamalu e koutou uma te āvaga fakaipoipo, ma e tatau te tāne ma te fafine kua fakaipoipo, ke fakamāoni tētahi ki tētahi. Ka fakamahinogia e te Atua nā tino e faia nā āmio kino ma te mulilua.

1 Timoteo 6:10

Auā ko te mānumanu ki te tupe, ko te pogai ia o nā mea kino uma. Ko te mānumanu ki te tupe kua ala ai oi olo kehe iētahi tino mai to lātou talitonuga, ma kua tuia ai o lātou fatu i te lahi o mea tīgā.

1 Timoteo 6:17

Kae e vē la ki nā tino e mau koloa i nā mea o te ōlaga tēnei, fakatonu ki ei ke nahe ki lātou fia hihili, kae ke tuku to lātou fakamoemoe, e hē ki nā mea e hē mautinoa e vē ko nā koloa, kae ki te Atua tē e kaumaia nā mea e lahi ke fiafia ai ki tātou.

Gāluega 8:21

E hēai hō avanoa pe ko hō vāega i ta mātou gāluega, auā ko tō loto e hē hako i te kikila a te Atua.

Gāluega 20:32

“Ma i te taimi nei, e kō tuku atua koutou ki lima o te Atua, ma ki te fekau e uiga ki tona alofa tūnoa, e mafai ai ke tuputupu pea te koutou ola fakateagaga ma maua ai e koutou nā fakamanuiaga a te Atua mo ona tagata uma.

Kolohe 1:13

Na ia laveakia ki tātou mai te mālohi o te pōuliuli, ma kaumai ki tātou ma te haogalēmū ki loto o te mālō o tona Ataliki pele,