Efeho 5:4 - Tokelauan New Testament

⁴ E hē tatau foki ke fakaaogā e koutou ni kupu kino, pe ni tala valea, pe ni kupu palapalā. Kae e tatau koutou ke fakafetai ki te Atua.

Efeho 5:4 Referans Kwoze

Kolohe 3:8

Kae nei, kua tatau ke tīaki e koutou nā mea uma iēnei: ko te loto fekai, ko te nauloto ma nā lagona kino. Nahe i ei lele ni kupu fakakino, pe ni kupu palapalā e hau mai outou gutu

Efeho 4:29

Nahe fakaaogā e koe ni kupu e ogohia ai hētahi tino, kae tautala i nā kupu e mafai ke fehoahoani ke ati ake ma maua ai ni fehoahoaniga, kae ke aogā ai autou kupu ki nā tino uma e fakalogo ki ei.

1 Tehalonia 5:18

ma ke maua i te loto fakafetai i nā mea uma e pa koutou ki ei. Ko tēnei te mea e fofou ki ei te Atua mai ia te koutou, i te koutou ōlaga māfuta fakatahi ma Keliho Iehu.

2 Petelu 2:18

E fai e ki lātou nā tala mimita ma te valea, ma fakatōhina e ki lātou e ala i nā tuinanauga o te tino, nā tino fātoā mafai ke olo kehe mai i te ōlaga hehē.

Epelu 13:15

E tatau ai la ke ofo ake pea lava e ki tātou he tāulaga ki te Atua e ala ia Iehu, he tāulaga e ofo ake i nā laugutu kāfai ki tātou e lea vē, “ko ia ko to tātou Aliki.”

Filipi 4:6

Koutou nahe popole ki he mea e fokotahi, kae tatalo ki te Atua ki nā mea uma e fofou koutou ki ei, gogō atu ki a te ia ma te loto fakafetai.

Iuta 1:10

Kae ko nā tino iēnei, e fai kupu fakakino ki ho he mea lava e hē mālamalama ai ki lātou; ma ko nā mea iēnei e ki lātou iloa mai o lātou lagona lilo e vē ko manu vaefa tāvao, e fakaumatia ai foki lava ki lātou.

2 Kolinito 9:15

Tātou fakafetai ki te Atua ona ko tana meaalofa tāua lahi.

Maleko 7:22

te mulilua, te manako lahi, ma te fai o nā itūkāigā āmio kino uma, te talapepelo, te faiamio, te lotokino, te faitala fakakino, te fāfia ma te āmio valea.

Iuta 1:13

E vē ki lātou ko nā galu o he tai hou, ko te takāpia o a lātou āmio mātagā, e togi ake ki te matāfaga. E vē ki lātou ko nā fetu e eva holo, ma kua uma te hāunia e te Atua he nofoaga i te lolotoga o te pōgihā, ke nonofo ai pea ki lātou ke pa ki te fakavavau.

2 Kolinito 1:11

E tatau foki koutou ke fehoahoani mai ki a te ki māua e ala i autou tatalo, kae ke tokalahi ia tagata e fakafetai mo ki māua mo nā fakamanuiaga kua maua e ki māua, ona ko nā tatalo iēnei e lahi.

Loma 1:28

Ona ko nā tino iēnei kua hē fia talia e ki lātou te mālamalama moni e uiga ki te Atua, kua tīaki vē ai ki lātou e te Atua ma o lātou māfaufau pikopiko, kae ke fai ai pea e ki lātou nā mea e hē tatau ke ki lātou faia.

2 Petelu 2:7

Na fakaola e ia ia Lota, he tamāloa āmiotonu nae fakanoanoa lahi lele, ona ko tuinanauga mātagā o tagata holi tūlāfono.

Filemoni 1:8

Ona ko nā mea iēnei, e tatau ai ia te au, tō uho ia Keliho, ke fakatonu atu koe i nā mea e tatau ke fai e koe.

1 Tehalonia 3:9

I te taimi nei, kua tatau ke hiki e ki mātou he fakafetai ki te Atua mo koutou. E fakafetai ki mātou ona ko te fiafia kua maua e ki mātou i tona fakatahi mai, ona ko koutou.

Efeho 1:16

kua hē uma lele toku fakafetai ki te Atua ona ko koutou. Ko koutou e manatua i aku tatalo

Ioane 6:23

Ka ko iētahi vaka mai Tipelia, na tau ake tafapili ki te mea na kakai ai te kaifenua i nā falaoa, ina kua uma te fai o te fakafetai e te Aliki.