Efeho 5:3 - Tokelauan New Testament

³ Ko koutou ni tagata e o te Atua, e hē tatau lele la ke tākua i autou talatalanoaga nā uiga tuinanau ki te tino, pe ko nā uiga mātagā, pe ko te manako lahi.

Efeho 5:3 Referans Kwoze

Kolohe 3:5

Fakauma loa la nā manakoga o te lalolagi e pūleagia outou tino, e vē ko te tuinanau ki te tino, faiamio mātagā, nanau, nauloto kino, ma te kaimanako (auā ko te kaimanako e tutuha ma te ifo ki tupua).

Efeho 5:5

Ke mautinoa e koutou iloa te mea tēnei; e hēai he tino e faia ni uiga tuinanau ki te tino, pe ni uiga mātagā pe manako lahi (auā ko te manako lahi e tuha lava kua ifo ki tupua), e maua hona vāega o te tofi i te Mālō o Keliho vēnā ma te Atua.

1 Tehalonia 4:3

Ko te Atua e fofou, ko koutou ke paia ma ke hē ia te koutou lele nā tuinanauga kino ki te tino.

1 Kolinito 6:18

Kalo kehe ma nā āmioga mātagā. Ko ho hētahi agahala a he tamāloa e fai e hē āfāina ai tona tino; kae ko te tamāloa e faia nā āmioga mātagā, kua agahala ia ki tona lava tino.

1 Tehalonia 4:7

E hēki kalagagia ki tātou e te Atua ke ola i nā uiga kino fakatetino, kae ke ola i nā uiga e paia.

1 Kolinito 6:13

E mafai ke lea vē he tino, “Ko nā meakai e mo te manava, ma ko te manava e mo nā meakai.” Io; kae e fakaumatia e te Atua nā mea uma iēnei e lua. Ko te tino o te tagata e hē fakaaogā mo nā āmioga mātagā, kae e fakaaogā ke tautua ai ki te Aliki; ma e fōki mai e Aliki nā mea e tauhi ai te tino.

Efeho 5:12

(Ko he mea e fakamā lele ke tautala e uiga ki nā mea e fai munimuni e ki lātou.)

Mataio 15:19

Auā e hau mai te loto nā manatu kino e tupu ai te tāmate tino, te mulilua, ma iētahi uiga hē taupulea; te kaihohoa, te talapepelo, ma te fai tala fakakino.

Fakaaliga 2:21

Kua kō tukua ki ei he taimi ke halamō ai i ana agahala, kae e hē fofou ke liliu kehe mai nā tuinanauga mātagā o te tino.

1 Kolinito 10:8

E hē tatau ke fai e ki tātou nā uiga mātagā, e vē ona fai e iētahi o ki lātou — i te aho e fokotahi, e toka luahefulutolu afe ki lātou na pakukū ma feoti.

Fakaaliga 22:15

Kae i fafo o te kakai, ka i ei ai nā tino e vē ni kulī, nā taulāitu, nā tino e tuinanau ki te tino, nā tino tāmate tino, nā tino ifo ki tupua, nā tino e fiafia oi tala pepelo ma fai nā mea hehē.

Fakaaliga 21:8

Kae ko nā tino palakakai, vēnā ma nā tino kua toe liliu kehe mai te Atua, nā tino āmio kino, nā tino tāmate tino, nā tino e tuinanau ki te tino, nā taulāitu, nā tino e ifo ki tupua ma nā tino talapepelo uma lele — ko te nofoaga mo ki lātou ko te vaitūloto e mumū i te afi ma te teiō, ko te oti tēnā tona lua.”

Fakaaliga 2:14

Kae e i ei ni nai mea e hē fiafia ai au ki a te koutou: E i ei nā tino o koutou e mulimuli ki nā akoakoga a Palaama, tēia na ia akoakoa ia Palaka i nā faiga ke takitaki ai ia tagata o Ihalaelu ki te agahala. Na fakaako e ia nā tino ke kakai ki nā meakai kua uma te fakatō mo nā tupua ta, ma fakamālohi te faiga o nā tuinanauga mātagā ki te tino.

1 Kolinito 5:1

Kua tākua mai e i ei nā tino o koutou e faia nā āmioga mātagā, ni āmio e pa ki tagata nukukehe e hē ki lātou faia. Ko te fakamatalaga kua maua e au, e i ei he tamāloa kua nonofo ma tona mātua fai, te āvaga a tona tamana.

Fakaaliga 9:21

E hēki mafai foki ki lātou ke halamō e tuha ai ma a lātou tāmate tino, a lātou mea fakataulaitu, te fai āmio mātagā, pe ko a lātou kaihohoa.

2 Petelu 2:3

Ko to lātou manako lahi ki nā tupe, ka fakatōhina ai koutou e ki lātou i nā kupu pepelo. Mai te kāloā ke pa mai nei, ko tē e fakamahinoa ki lātou kua nofo hāuni, ma ko tē e fakaumatiagia ki lātou e hē moe lele!

Epelu 12:16

Nahe i ei lele he tino e fai āmio mātagā pe hē fakaaloalo ki nā mea e paia e vē ko Ehau, tē na fakafehuiaki e ia tona tofi ko ia ko te ulumatua, mo he meakai e fokotahi.

2 Kolinito 12:21

Ko au e popole auā ia au i nā fakamahiahia e toku Atua i mua o koutou kāfai au e toe pa atu, ma ono tagi ai au ma te fakanoanoa mo nā tino e tokalahi na agahala i te taimi kua teka kae e hēki halamō ia lātou āmio mātagā nae fai — te fai āmio ma te nanau ki te tino.

Tito 2:3

Ke vēnā foki oi fakatonu e koe ia fafine mātutua ke vē a lātou āmio ko nā āmio a ni fafine kua ola i he ōlaga kua fakapaiagia. Nahe faitala tau fakakino pe fai ma pologa a te uaina. E tatau ke akoako e ki lātou nā mea e lelei,

2 Timoteo 3:2

Auā ko tagata ka manatu fakapito ifo lava te tino ki a te ia lava, ka mānumanu ki nā tupe, ka fāfifia ma fiahihili; ka fai kupu fakakino, ka hē uhitaki ki nā mātua, ka hē loto fakafetai ma hē āmio mamalu,

Gāluega 15:20

Kae e tatau ke fai he tātou tuhi ki ei, ma lea ki ei ko ki lātou nahe kakai ki nā meakai e hē mamā i nā itū tau tāpuakiga, ona na ofo ma tāulaga ki nā tupua; ke kalo kehe ma tuinanauga kino ki te tino; ke nahe kakai ki he manuvaefa na titina, pe ho he toto.

2 Petelu 2:14

Oioti lava te mea e fano ki ei o lātou māfaufau, ke i ei he avanoa ke fai ai e ki lātou te mulilua; ko to lātou umiti ki te agahala e hē mafai ke uma. E takitaki hehē e ki lātou nā tino e fakahehē gōfie, ma ko o lātou loto e akoako ke iloa oi manako lahi. Kua fakamālaia ki lātou e te Atua.

2 Petelu 2:10

kae maihe lava ki lātou e mulimuli ki o lātou tuinanauga mātagā ki te tino, ma teteke lahi ki te pule a te Atua. Ko nā faiakoga pepelo iēnei e hē popoi lele pe mātataku oi fāifāi ki nā agelu mamalu.

1 Petelu 5:2

ke kavea koutou e vē ni leoleomāmoe ma tauhi te lafu māmoe a te Atua kua tuku atu ke koutou kikilagia. Ke koutou faia te mea tēnei ma te loto kātoatoa e vē ona fofou ki ei te Atua, kae nahe faia ma he loto hē kātoatoa. Ke kavea tautou tautua ko he mea e fofou moni koutou ke koutou faia, kae nahe vē ko he mea ke maua ai ni autou tupe.

Tito 1:11

Ko nā tino iēnei e tatau ke tāofi, auā ko a lātou mea e fai kae ke maua ai ni a lātou tupe, ma e fakalotovāivai lele ki nā kau kāiga kātoa ona e fai e ki lātou nā akoakoga e hē tatau ke ki lātou faia.

Tito 1:7

Auā ko te takitaki o he Ekalehia e kikila e ia te gāluega a te Atua, ma e tatau ke lelei tana āmio. E hē tatau ke fakamaualuga pe māitaita, pe konā, pe fakahāuā, pe maetupe.

1 Timoteo 3:3

e hē ko he tino e fiafia oi inu lahi ma konā, e hē fakahāuā kae e agamalū ma tauhi ki te fīlēmū, e hē mānumanu ki te tupe;

1 Timoteo 2:10

kae teteu ia lātou gāluega lelei e vē oi tatau ke fai e fafine, kua ia te ki lātou te fakatuatua faka-Kelihiano.

Filipi 1:27

Ko te mea la e tāua, ke olo tutuha te ōlaga e ola ai koutou ma nā mea e lea mai ai te Tala Lelei a Keliho, ma e tuha lava pe fanatu au pe hēai, ka iloa e au ko koutou e tutū fakatahi, ma e tahi te fakamoemoe ma tahi te lagona e tau ai koutou mo te Tala Lelei.

Loma 16:2

Talia ko e koutou i te igoa o te Aliki, e vē ona tatau ke fai e tagata o te Atua, ma fehoahoani ki ei i ho he mea e fofou ki ei; auā e tokalahi na kavea ia ma o lātou fehoahoani, e vēnā foki ona fehoahoani mai ia ki a te au.

Loma 6:13

Nahe tuku atua foki he itūtino o outou tino ke fakaaogā e vē ni mea faigāluega mo nā mea kino. Kae e tatau ke tuku atu koutou mo te Atua, e vē ko nā tino kua toe fakatutū mai te oti ki te ola, ma tuku kātoa atu outou tagata, ke fakaaogā ma mea faigāluega mo nā mea lelei.

Loma 1:29

Kua tumu ki lātou i ho he itūkāigā uiga hē lelei, ko te āmio kino, ko te manako lahi ma te fai o nā āmio mātagā; e tumu i te loto kino, te tāmate tino, te tauaimiha, te talapepelo ma te tau fakakino. E faitatala

Gāluega 20:33

E hēki kō manakomiagia ni hiliva, pe ni aulo, pe ni kofu mai he tino.

Luka 16:14

I te lagona atuga o nā mea uma iēnei e te kau Falehaio, oi fai ai a lātou kupu fakatauemu ki a Iehu, auā ko ki lātou ni tino e fiafia ki nā tupe.

1 Timoteo 6:10

Auā ko te mānumanu ki te tupe, ko te pogai ia o nā mea kino uma. Ko te mānumanu ki te tupe kua ala ai oi olo kehe iētahi tino mai to lātou talitonuga, ma kua tuia ai o lātou fatu i te lahi o mea tīgā.

Luka 12:15

Oi lea atu ai ia Iehu ki te kaifenua uma, “Kikila lelei ma ia koutou ke fakaeteete i te mānumanu; auā ko te ola o te tagata e hē fua fakatataua ki te lahi o ana koloa.”