Efeho 5:2 - Tokelauan New Testament

² E tatau nā ōlaga o koutou ke pūlea e te alofa, e vē ko te alofa o Keliho ki a te ki tātou ma na fōki ai tona ola mo ki tātou, ke fai ma tāulaga manogi e fiafia ki ei te Atua.

Efeho 5:2 Referans Kwoze

Ioane 13:34

Ma i te taimi nei, e kō tuku atua ki a te koutou he fakatonuga fou: ke alofa tētahi ki tētahi. E vē ona alofa atu au ki a te koutou, ke vēnā foki ona alofa tētahi ki tētahi.

Kalatia 2:20

kae ke nahe ko au te ola, kae ko Keliho e ola i loto ia te au. I te ōlaga tēnei e ola ai au i te taimi nei, ko au e ola ona ko toku fakatuatua ki te Ataliki o te Atua, tē e alofa mai ki a te au ma na fōki tona ola kae ke ola ai au.

Kolohe 3:14

Ma ke fakaopoopo ki nā uiga lelei uma iēnei te alofa, tēia e ōpoi fakatahia nā mea uma, ma kātoatoa lelei ai.

2 Kolinito 2:15

Auā ko ki mātou e vē ko he meamanogi manaia kua ofo atu e Keliho ki te Atua, e fakahalalau ki a te ki lātou e fakaolagia ma ki lātou e hē fakaolagia.

Tito 2:14

Na ia tuku atua ia mo ki tātou, ke fakahao ai ki tātou mai nā mea kino uma, ma kavea ai ki tātou ma ona tagata, e mamā ma naunau ke fai nā mea e lelei.

1 Kolinito 16:14

Fai autou gāluega uma i te alofa.

Mataio 20:28

e vē ko te Ataliki o te Tagata e hēki hau kae ke kaukauna ake ai ia tagata ki a te ia, kae na hau ke kaukauna ki tagata ma tuku atu tona ola ke fakaola ai te tokalahi.”

1 Petelu 4:8

Kae fakahilihili ai, ke tūmau pea lava te alofa o tētahi ki tētahi, auā ko te alofa e kave kehea ai te lahi o agahala.

2 Kolinito 8:9

Auā kua koutou iloa te alofa tūnoa o to tātou Aliki ko Iehu Keliho; e ui lava nae tamaokāiga, kae na mativa ona ko koutou, kae ke tamaokāiga ai koutou, e ala i tona mativa.

1 Ioane 3:16

Ko tēnei te mea e iloa ai e ki tātou te mea e takua ko te alofa: Ko Keliho na fōki tona ola mo ki tātou. Ko ki tātou foki la, e tatau ke fōki o tātou ola mo iētahi uho Kelihiano!

Fakaaliga 1:5

ma vēnā foki mai ia Iehu Keliho, te molimau fakamāoni. Ko ia te tino muamua kua fakatū mai i te oti, ma e pule ia i tupu uma o te lalolagi. E alofa mai ia ki a te ki tātou, ma kua ia fakahaolotoagia ki tātou mai te agahala, e ala i tona toto na maligi,

Epelu 9:26

auā ka na he mea na fai e ia te mea tēnei, e vēnei ake e lahi lele nā taimi na puapuagā ai ia talu te foafoaga o te lalolagi. Kae i te taimi nei kua tafapili ai ia mea uma ki te ikuga, kua hau mo te taimi lava tēnei e fokotahi, ke ia kave kehea ia agahala a tagata e ala i te ofo atu o ia lava ma tāulaga.

Epelu 9:14

Ona ko te mea tēnei e moni, ka hē hili lele atu nei la te lahi o nā mea e mafai ke fakataunuku i te toto o Keliho? Na ia ofo atua ia ia lava ma tāulaga ki te Atua e kātoatoa te lelei, e ala i te Agaga o te Atua e tūmau pea lava ke pa ki te fakavavau. Ko tona toto ka fakamamā ai o tātou lotofuatia mai nā faiga e hēai he aogā, kae ke mafai ai ki tātou ke tautua ki te Atua e ola pea lava.

1 Timoteo 2:6

na ia ofo atua tona ola, ke fakahaoloto ai ia tagata uma mai te agahala ma te oti. Ko te fakamāoniga tēnā i te taimi tatau, ko te Atua e fofou ke fakaola ia tagata uma.

Efeho 4:15

Kae ko ki tātou e tatau ke tautatala i te meamoni ma te agaga alofa o tētahi ki tētahi. Ko Keliho ko te ulu o te Ekalehia, e tatau ai la ki tātou ke tuputupu ake ke vē ko ia i ho he itū.

1 Ioane 3:23

Ko te Atua e fofou ko ki tātou ke talitonu ki tona Ataliki ko Iehu Keliho, ma ke alofa tētahi ki tētahi. Ko tēnei foki lava te mea na fakatonu mai e Keliho ke fai e ki tātou.

1 Timoteo 4:12

Nahe i ei he tino e fakatauemu atu ona ko koe e tamaiti, kae ke kavea koe ma fakatakitakiga ki nā tino kua talitonu, e ala i tau tautala, tau āmio, tō alofa, tō fakatuatua, ma tō mamā kātoatoa.

1 Tehalonia 4:9

E hē tatau ki mātou ke tuhi atu e uiga ki te koutou alolofa ki outou uho Kelihiano. Kua uma lava te akoako atu o koutou e te Atua i te mea tēnei;

Efeho 4:2

Ke maua pea koutou i taimi uma i te lotomaulalo, te agamalū, ma te onohai. Fakaali te koutou alofa e ala i te talia o nā uiga o tētahi e tētahi.

Efeho 3:17

ma ko au e tatalo ko Keliho ke mau i nā loto o koutou e ala i te koutou fakatuatua. Ko au e tatalo ke mautū lelei te koutou fakavae i luga o te alofa,

Kalatia 1:4

Na fakataunuku e Iehu Keliho te finagalo o to tātou Atua te Tamana, ma ofo atu tona ola mo a tātou agahala, kae ke maua ai e ki tātou te haolotoga mai tēnei lalolagi kino.

Fakaaliga 5:9

Na uhu te lātou pehe fou e vē: “E ia te koe te pule ke kave ai te tuhitākai ma ke tatala ona fakamaufakailoga. Auā ko koe na tāmate, ma ko tō toto na totogi ai nā tino ke haoloto ke kavea ki lātou mo te Atua, nā tino mai nuku uma, mai gagana uma, mai mālō uma, mai lanu uma.

Epelu 9:23

Ko nā mea iēnā, nā ata fakatuha o nā mea i te lagi na gaohia muamua, e tatau ke fakamamā i te faiga tēnei. Kae ko nā mea lava ia o te lagi, e manakomia ni tāulaga e hili atu te lelei.

Efeho 3:19

Io, ko au e tatalo ke iloa e koutou tona alofa, e ui lava e hē mafai ke iloa kātoatoa te uiga kehe o tona alofa — ma ke fakatumulia kātoatoa ai koutou i te natula o te Atua.

Loma 8:3

Na fai e te Atua te mea e hēki mafai e te Tūlāfono, ona ko te vāivai o te natula fakatetagata. Na taku halagia e ia te agahala i te natula fakatetagata, i te uga maiga e ia o tona Ataliki, tēia na hau ma he natula agahala fakatetagata e vē foki lava ko ki tātou, ke fakauma ai te agahala.

Efeho 5:25

Koutou tāne, alolofa ki autou āvaga e vē foki lava oi alofa ia Keliho ki te Ekalehia, ma na ia tuku atua ai tona ola mo te Ekalehia.

1 Kolinito 5:7

E tatau ke koutou kave kehea te mea fakafefete tuai o te agahala, kae ke mamā kātoatoa ai koutou. Oi ka vē ai koutou he paluga fou e hēai he fefete i ei, e vē ona mautinoa e au ko koutou e vēnā. Auā ko Keliho, te tātou punuamāmoe o te Kaiga o te Pāheka, kua uma te ofo atu ma tāulaga.

Loma 4:25

Ona ko a tātou agahala, na tuku atu ai ia e te Atua ke oti, ma na toe fakatū mai ki te ola, kae ke fakalelei ai to tātou va ma ia.

Ioane 6:51

Ko au ko te falaoa o te ola na fanaifo mai te lagi. Kāfai koutou e kakai ki ei, e maua e koutou te ola e fakavavau. Ko te falaoa ka fōki atu e au, ko toku kanofi, e fōki atu kae ke fakaola ai te lalolagi”

Loma 8:37

Hēai. I nā mea uma iēnei, kua kātoatoa to tātou manumālō e ala i tē kua alofa ki a te ki tātou!

Loma 15:16

ke kavea ai au ma kaukauna a Keliho Iehu ke galue mo tagata nukukehe. Ko au e tautua e vē he ohitāulaga i te tālakiga o te Tala Lelei mai te Atua, kae ke ofo atu ai e te Agaga Paia ia tagata nukukehe ma tāulaga e fiafia ai te Atua.

2 Kolinito 2:14

Kae fakafetai ki te Atua, auā i te māfutaga ma Keliho ko ki mātou e takitakia pea lava e ia e vē ni pagotā, i te holo e fakailoa ai te manumālō o Keliho. Ko ki mātou e fakaaogā e te Atua ke fakahalalaua te tala ki a Keliho ke vē he meamanogi manaia, ki ho he koga.

Efeho 1:4

Ka ko hēki fakavaea te lalolagi ka kua uma te filifilia o ki tātou e te Atua ke fai mo ia, e ala i te tātou hokotaga ma Keliho, kae ke paia ai ki tātou ma hēai ni hehē i mua o ia. Ona ko tona alofa

Efeho 5:15

Kikila lelei la pe ko he ā te itūkāigā ōlaga e ola ai koutou. Koutou nahe ola e vē ko nā tino e hē iloa he mea, kae ola e vē ko nā tino popoto.

Filipi 4:18

Kua maua e au te totogi kātoatoa, ma e hili atu foki ki luga — ma kua hēai lele hētahi mea e kō manakomia, talu te hau o Epafolotito ma nā meaalofa mai ia te koutou. Ko autou meaalofa e vē ni tāulaga mea manogi e ofo atu ki te Atua, ma e talia ma fiafia ia ki ei.

Epelu 8:3

Ko nā Ulu Ohitāulaga uma e tōfia ke ki lātou ofo atua ki te Atua nā meaalofa ma nā tāulaga e fai i nā manu. Ko to tātou Ulu Ohitāulaga foki la, e tatau ke i ei hana tāulaga ke ofo atu.