Efeho 5:14 - Tokelauan New Testament

¹⁴ auā ho he mea e kitea manino e fai tēnā ma mālamalama. E vē oi tūhia, “Ala ake koe tēnā e moe, ma tū ki luga mai te mate, ma ka huhulu atu te mālamalama o Keliho ki a te koe.”

Efeho 5:14 Referans Kwoze

1 Tehalonia 5:6

Ko te mea ia, ko ki tātou e hē tatau ke momoe e vē ko iētahi tino; ko ki tātou e tatau ke āla ma ke hako te māfaufau.

2 Kolinito 4:6

E lea mai nā Tuhituhiga paia, “Na fakatonu e te Atua te mālamalama ke huhulu i loto o te pōuliuli.” Nei kua fakahuhulu e te Atua tona mālamalama i loto o nā loto o ki tātou, ke iloa ai e ki tātou tona huhulu pupula i fōliga o Keliho.

Kolohe 3:1

Kua uma te fakatutū o koutou mai te oti ki te ola fakatahi ma Keliho. Ke fakatāua la i nā loto o koutou nā mea i te lagi, te mea e nofo ai ia Keliho i tona nofoāliki, i te itū taumatau o te Atua.

Loma 6:13

Nahe tuku atua foki he itūtino o outou tino ke fakaaogā e vē ni mea faigāluega mo nā mea kino. Kae e tatau ke tuku atu koutou mo te Atua, e vē ko nā tino kua toe fakatutū mai te oti ki te ola, ma tuku kātoa atu outou tagata, ke fakaaogā ma mea faigāluega mo nā mea lelei.

Ioane 9:5

Ka koi i te lalolagi au, ko au ko te mālamalama o te lalolagi.”

Ioane 8:12

Kua toe vāgana atu ia Iehu ki te kau Falehaio, “Ko au ko te mōlī mo tagata uma o te lalolagi. Ko te tino e mulimuli mai ki a te au, ka hē havali lele i te pōuli, kae ka maua e ia te mālamalama e takitakia ai ki te ola moni.”

Efeho 2:5

na toe fakaola ai e ia ki tātou fakatahi ma Keliho, e ui lava ko ki tātou na feoti i te fakateagaga. Ko te alofa tūnoa o te Atua te na fakaola ai koutou.

1 Kolinito 15:34

Toe tuku tonu lelei outou māfaufau, ma ke nahe toe faia e koutou te agahala. Auā e i ei nā tino o koutou e hē ki lātou iloa te Atua. Ko au e lea vēnei atu kae ke lagona ai e koutou te mā.

2 Timoteo 1:10

kae nei kua fakaalia ki a te ki tātou, e ala i te haele mai o to tātou Fakaola ko Keliho Iehu. Kua fakauma e ia te mālohi o te oti, ma fakailoa mai e ala i te Tala Lelei, te ola e hē uma.

2 Timoteo 2:26

ma ka mafai ki lātou ke hōhola kehe mai te māilei a te Tiāpolo, tē na ia pukea ki lātou ke mulimuli ake ki te mea e fofou ia ki ei.

Gāluega 13:47

Auā ko tēnei te fakatonuga a te Aliki kua tuku mai ki a te ki māua, ‘Kua kō faia koe ma mōlī ki tagata nukukehe, kae ke kave ai e koe te fakaolataga ki te gataga o te lalolagi.’ ”

Luka 1:78

Ko te tātou Atua e alofa ma e agamalū. Ka fakatafa e ia ia ata o te mālama o te fakaolataga ki o tātou luga,

Luka 15:24

Auā ko toku ataliki tēnei, na oti kae kua toe ola mai; na galo, kae nei kua toe maua.’ Oi kāmata ai loa te lātou kaiga fiafia.

Efeho 2:1

I nā aho kua teka, ko koutou nae ni tino kua feoti i te fakateagaga, ona ko koutou nae hē uhiuhitaki ma fai e koutou te agahala.