Efeho 3:21 - Tokelauan New Testament

²¹ ke i te Atua nā vīkiga a ala i nā Ekalehia ma Keliho Iehu, i nā aho uma lele, ke pa ki fakavavau fakavavau lava! Amene.

Efeho 3:21 Referans Kwoze

Iuta 1:25

ke i te Atua e tokatahi to tātou Fakaola, e ala ia Iehu Keliho to tātou Aliki, te vīkiga, te mamalu, te mana ma te pule, mai te kāmataga ke pa mai ki te taimi nei, ma ke pa ki te fakavavau fakavavau lava. Amene.

Loma 11:36

Auā ko nā mea uma lele na ia faia, e ala ia te ia, ma e mo ia. Ke vīkia pea lava te Atua ke pa ki te hēgata! Amene.

2 Petelu 3:18

Kae ke tupu olaola pea koutou i te alofa tūnoa ma te mālamalama mai to tātou Aliki ma to tātou Fakaola ko Iehu Keliho. Ke ia te ia nā vīkiga, nei ma ke pa lava ki te fakavavau! Amene.

1 Petelu 5:11

Ke ia te ia te mālohi e fakavavau fakavavau lava. Amene.

Filipi 4:20

Ke vīkia to tātou Atua te Tamana ke pa lava ki te fakavavau! Amene.

Loma 16:27

Ke vīkia te Atua e tokatahi, ko ia oioti te poto, e ala ia Iehu Keliho, ke pa lava ki te fakavavau! Amene.

1 Petelu 2:5

Ōmamai ko koutou foki ni fatu e ola pea lava, ke fakaaogā koutou i te fauga o te mālumalu fakateagaga, te mea ka tautua ai koutou e vē ni ohitāulaga paia, ke ofo atu nā tāulaga e fiafia ki ei te Atua e ala ia Iehu Keliho.

Filipi 2:11

ma ka takutaku atu e ki lātou uma lele ko Iehu Keliho ko te Aliki, ke vīkia ai te Atua te Tamana.

Kalatia 1:5

E o te Atua nā vīkiga ke pa lava ki te fakavavau! Amene.

2 Timoteo 4:18

Ma ka laveakia au e te Aliki mai nā faiga kino uma, ma ia kavea au ma te haogalēmū ki tona Mālō i te lagi. Ke ia te ia te vīkiga ke pa lava ki te fakavavau! Amene.

Filipi 1:11

Ka fakatumulia outou ōlaga i nā uiga e lelei kātoatoa e ala ia Iehu Keliho, kae ke ifo ma viviki ake ai ia tagata ki te Atua.

Efeho 1:6

Tātou viviki atu ki te Atua ona ko tona alofa tūnoa ma te meaalofa fōki fua mai e ia mo ki tātou — ko tona Ataliki fakapelepele.

Luka 2:14

“Ko te vīkiga ki te Atua Hilihilikehe, ma te fīlēmū i te lalolagi, mo ki lātou kua fiafia ia ki ei!”

Efeho 2:7

Na fai e ia te mea tēnei ke fakaalia ai mo taimi uma lele koi mua, te tūkehe o te lahi o tona alofa tūnoa, e ala i te agalelei o Keliho Iehu ki a te ki tātou.

Mataio 6:13

Ma nahe takitakia ki mātou ki nā fakaohoohoga, kae laveaki ki mātou mai te kino.’

Efeho 4:1

Ko au la, tē kua kavea ma pagotā ona ko au e tautua ki te Aliki, e fakatagi atu ki a te koutou: ola ko i he ōlaga e talafeagai ma te tāua o te kalaga kua kalagagia ai koutou e te Atua.