Efeho 3:20 - Tokelauan New Testament

²⁰ Ki a te ia, tē e galue i loto ia te ki tātou e ala i tona mana, ma faia nā mea e hili lele atu te lahi i lo nā mea e gogō atu ki tātou ki ei, pe māfaufau foki ki ei:

Efeho 3:20 Referans Kwoze

2 Kolinito 9:8

Ma e mafai e te Atua oi fōki atu nā fakamanuiaga e lahi atu lele mo koutou, kae ke maua ai e koutou nā mea uma e manakomia e koutou, ma lava ma totoe mo iētahi gāluega lelei.

Loma 4:21

Na mautinoa lelei lava e Apelaamo e mafai e te Atua oi fakataunuku te mea kua uma te ia folafolagia.

Iuta 1:24

Ke i te Atua, tē e ia puipuia koutou ke nahe pakukū, ma e ia kaumaia koutou ki tona mamalu, e aunoa ma ni hehē ma nā loto kua tumu i te fiafia —

1 Kolinito 2:9

Kae vē oi lea mai te tuhituhiga paia, “Ko te mea e hēai lele he tino na kua ia kitea pe lagona, ma e hēki i ei lele he tino na manatu e ono tutupu, ko te mea ia kua hāunia e te Atua mo ki lātou e alolofa ki a te ia.”

Efeho 1:19

ma te uiga kehe o te lahi o tona mana e galue i loto ia te ki tātou kua talitonu. Ko te mana e galue i loto ia te ki tātou, e tutuha lava ma te mālohi lahi

Epelu 7:25

Ma e ia mafaia la, i te taimi nei ma taimi uma, ke fakaola ki lātou e ōmamai ki te Atua kui ia te ia, auā ko ia e ola pea ke pa ki te fakavavau, ke fautua ki te Atua mo ki lātou.

Efeho 3:7

Ko au na kavea ma kaukauna a te tala lelei e ala i te alofa tūnoa, te meaalofa fōaki fua a te Atua, na ia fakagaluegia i loto ia te au e ala i tona mana.

Loma 16:25

Tātou tuku atu te vīkiga ki te Atua. E ia mafaia oi fakamautū te koutou fakatuatua, e tuha ai ma te Tala Lelei e kō tālakia e uiga Iehu Keliho, ma e tuha ai ma te fakailoa maiga o te meamoni lilo nae mumuni i nā tauhaga e lahi lele kua teka.

Kolohe 1:29

Ko tēia e galue mālohi ma tauivi ai nei au, ma fakaaogā e au te mālohi mai ia Keliho, tēia e galue i loto ia te au.

Ioane 10:10

Ko te tino kaihohoa e hau oioti ke kaihohoa, ke tāmate ma ke fakatāugā. Ko au na hau kae ke maua ai e ki lātou te ola — te ola e kātoatoa i mea uma.

Iakopo 4:12

E fokotahi oioti lava te faitūlāfono ma te fakamahino, ko te Atua. Nā ko ia oioti te ia mafaia oi laveakia he tino pe fakahala. Ko ai la koe, ke fakamahino ai e koe hētahi tino?

1 Timoteo 1:14

Na fakatumulia au i te alofa tūnoa o to tātou Aliki ma ia fōki maia ki a te au te fakatuatua ma te alofa, e ala i te māfutaga ma Keliho Iehu.

Epelu 11:19

Nae mautinoa lava e Apelaamo e mafai e Atua oi toe fakatutū nā tino mai te oti — ma i hētahi itū, na toe fakafoki lava e te Atua ki a Apelaamo tona ataliki ko Ihaako.

2 Petelu 1:11

ma ka ia te koutou te aiā kātoatoa ke ulufale ai ki te Mālō e fakavavau o to tātou Aliki ma to tātou Fakaola ko Iehu Keliho.

Mataio 3:9

Ma ia koutou lele nahe kāmata oi lea vē tētahi ki tētahi, ‘ko Apelaamo he tupuna e o ki mātou’; auā e lea atu au ki a te koutou, e mafai e te Atua oi fakaliu tino nā fatu iēnei ke fai ma lāpuna o Apelaamo.