Efeho 2:5 - Tokelauan New Testament

⁵ na toe fakaola ai e ia ki tātou fakatahi ma Keliho, e ui lava ko ki tātou na feoti i te fakateagaga. Ko te alofa tūnoa o te Atua te na fakaola ai koutou.

Efeho 2:5 Referans Kwoze

Loma 3:24

Kae ona ko te alofa tūnoa o te Atua, tana meaalofa fōki fua mai, kua fakalelei ai te va o ki tātou uma ma ia, e ala i te togihala kua hāunia e Keliho Iehu, ke maua ai e ki tātou te haolotoga.

Efeho 2:8

Auā ko te alofa tūnoa o te Atua te kua fakaola ai koutou e ala i te fakatuatua. E hē ona ni gāluega e a koutou lava na fai, kae ko he meaalofa mai te Atua kae ke nahe fāfia tauanoa ai he tino.

Loma 5:10

Ko ki tātou nae fili ki te Atua, kae na ia faia ki tātou ma ana uō, e ala i te oti o tona Ataliki. Nei la ko ki tātou ni uō e a te Atua, ka hē hili atu nei la te mautinoa ko ki tātou ka fakahao e ala i te ola o Keliho?

Loma 5:8

Ka kua fakaalia e te Atua tona alofa ki a te ki tātou — ko te taimi ka koi i te agahala ai ki tātou, na oti ai ia Keliho mo ki tātou.

Gāluega 15:11

Hēai! Ko ki tātou kua talitonu ma e fakaolagia e ala i te alofa tūnoa o te Aliki ko Iehu Keliho, e vē foki lava ko ki lātou.”

Efeho 2:1

I nā aho kua teka, ko koutou nae ni tino kua feoti i te fakateagaga, ona ko koutou nae hē uhiuhitaki ma fai e koutou te agahala.

Loma 8:2

Auā ko te tūlāfono a te Agaga o te Atua, tēia e maua ai e ki tātou te ola i te māfutaga ma Keliho Iehu, kua maua ai e au te haolotoga mai te tūlāfono o te agahala ma te oti.

Tito 2:11

Auā kua fakaalia e te Atua tona alofa tūnoa e ala i te fakaolataga kua ia hāunia mo tagata uma.

Efeho 5:14

auā ho he mea e kitea manino e fai tēnā ma mālamalama. E vē oi tūhia, “Ala ake koe tēnā e moe, ma tū ki luga mai te mate, ma ka huhulu atu te mālamalama o Keliho ki a te koe.”

Loma 4:16

Ma ko te folafolaga la na fakavae i te fakatuatua, kae ke fakamautū ai te folafolaga, ko he meaalofa fōki fua e a te Atua ki lāpuna uma o Apelaamo — e hē nā mo ki lātou e uhitaki ki te Tūlāfono, kae vēnā foki ki lātou e talitonu e vē ko Apelaamo. Auā ko Apelaamo, ko te tamana fakateagaga ia o ki tātou uma lele;

Tito 3:5

ma kua fakaola ai ki tātou. E hē ona ni gāluega lelei na ki tātou faia, kae ona ko tona alofa fakahao mo ki tātou. E ala i te mana o tona Agaga na ia fakamamāgia ai ki tātou ma mafai ai ke toe fanaufougia ki tātou ma maua ai e ki tātou te ola fou.

Loma 5:6

Auā ka koi vāivai ki tātou ma hē mafaia he mea, ko Keliho na oti mo ki tātou nā tino kino, i te taimi na filifili lava e te Atua.

Loma 16:20

Ma ko te Atua, te puna o te fīlēmū, ka tuki pala e ia ia Hātani i lalo o outou vae, i he taimi pili mai. Ke ia te koutou te alofa tūnoa o to tātou Aliki ko Iehu.

Ioane 6:63

Ko te Agaga o te Atua te maua ai te ola; ko te mālohi o te tagata e matuā hēai lava he aogā. Ko nā kupu kua tautala atu ai au ki a te koutou, e maua ai e koutou te ola mai te Agaga o te Atua.

Ioane 5:21

E vē ona fakatutū e te Tamana nā tino kua oti ma fōki ki ei te ola, e vēnā foki ona fōki atu e te Ataliki te ola, ki nā tino e loto ia ke ki lātou maua.

Fakaaliga 22:21

Ke ia te ki tātou uma te alofa tūnoa o te Aliki ko Iehu. Amene.

Luka 15:24

Auā ko toku ataliki tēnei, na oti kae kua toe ola mai; na galo, kae nei kua toe maua.’ Oi kāmata ai loa te lātou kaiga fiafia.

Kolohe 2:13

Ko koutou na i ei te taimi na pa ai koutou ki te oti i te itū fakateagaga, ona ko autou agahala ma e ona ko koutou ni tagata nukukehe ma nae hē koutou iloa te Tūlāfono. Ka kua toe kaumai koutou e te Atua ki he ōlaga fou fakatahi ma Keliho. Kua fakamāgalo ki tātou e te Atua mai ia tātou agahala uma lele;