Efeho 2:2 - Tokelauan New Testament

² I nā aho iēnā, ko koutou nae mulimuli ki nā uiga kino o te lalolagi; ko koutou nae uhitaki ki te pule o agaga i te vānimonimo, tē e ia pūlea nā tino e hē uhitaki ki te Atua.

Efeho 2:2 Referans Kwoze

Efeho 6:12

Auā ko ki tātou e hē tau ma tagata, kae ko ki tātou e fakahaga tau ki nā pūlega kino fakateagaga i te lagi, ki nā tupu, nā taupulega, ma nā mālohiaga i te vāteatea o te tupulaga pōgihā tēnei.

1 Ioane 5:19

E iloa e ki tātou ko ki tātou e o te Atua e ui lava ko te lalolagi kātoa e i lalo o te pule a te Tino Kino.

Efeho 2:3

Ko te mea moni lava, ko ki tātou uma lele nae vē foki lava ko ki lātou. Ko ki tātou nae ola e tuha ai ma o tātou manakoga fakatetagata, ma nae mulimuli ki ho he mea e nanau ki ei o tātou tino ma o tātou māfaufau. I to tātou natula tēnei, ko ki tātou e vē foki lava ko iētahi tino uma lele, na tuku e pa ki ei te tōkahā o te Atua.

Ioane 12:31

Ko tēnei te taimi e fakamahino ai te lalolagi; ko tēnei te taimi e fakatōkilalo ai te pule o tēnei lalolagi.

Efeho 5:6

Ia koutou nahe fakahehēa e he tino i ni kupu e hēai ni uiga; ko nā mea iēnei te ka pakū ai te tōkahā o te Atua ki luga o ki lātou e hē uhitaki ki a te ia.

Ioane 8:44

Ko koutou ko nā fānau a te koutou tamana, te Tiāpolo, ma e fofou lava koutou ke fai te mea e fofou ia ki ei. Mai te kāmataga, ko ia ko he fahioti tagata ma nae hē fofou lele ki te meamoni, ona e hēai he meamoni e ia te ia. Kāfai e tautala i te pepelo, e fai lava e ia te mea kua māhani ai, auā ko ia ko he tino talapepelo, ma ko te tamana o talapepelo uma.

Efeho 4:22

Ko te mea ia, tīaki loa outou uiga tuai nae ola ai koutou muamua — nā uiga tuai e fakaumatia ai koutou ona e maua mai ai e koutou nā tuinanauga e fakahehē ai.

1 Kolinito 6:11

Ko iētahi o koutou nae vēnei. Kae ko koutou kua uma te fakamamāgia mai te agahala; ko koutou kua uma te ofo atu mo te Atua; kua uma te fakalelei o te koutou va ma te Atua e te Aliki ko Iehu Keliho ma te Agaga o to tātou Atua.

2 Kolinito 4:4

Ko nā tino iēnei e hē talitonu, auā kua fakapoulitia o lātou māfaufau e Hātani, te atua kino o te lalolagi. E ia tāofiofia ki lātou ke nahe ki lātou kiteagia te mālamalama e huhulu ake ki a te ki lātou, te mālamalama e hau mai te Tala Lelei e uiga ki te mamalu o Keliho, tē e vē lava ko te Atua.

1 Ioane 5:4

auā ho he fānau a te Atua e mafai e ia oi fakatōkilalo te lalolagi. Ma ko te manumālō e fakatōkilalo ai te lalolagi e maua e ki tātou e ala i to tātou fakatuatua.

1 Ioane 3:10

Ko tēnei la te mea e kehekehe ai nā fānau a te Atua ma nā fānau a te Tiāpolo: ko nā tino uma e hē ki lātou faia te mea e hako pe hē alolofa ki iētahi tino, e hē ni fānau e a te Atua ki lātou.

1 Petelu 1:14

Uhitaki ki te Atua, ma nahe pūlea outou ōlaga e nā manatu nae ia te koutou kae ko hēki koutou iloa ai te Tala Lelei e uiga ki a Iehu Keliho.

Fakaaliga 20:2

Kua puke e ia te tālako, te gata mai te kāloā — ko tētahi ona igoa ko te Tiāpolo pe ko Hātani — ma haihai i te filifili mo he afe tauhaga.

1 Ioane 4:4

Kae ko koutou taku fānau, e o te Atua koutou, ma kua fakatōkilalo e koutou nā pelofeta pepelo, auā ko te Agaga e ia te koutou e mālohi lele atu ia i lo te agaga e i nā tino o te lalolagi.

1 Petelu 4:3

Kua lava nā taimi nae mulimuli ai koutou i nā taimi kua teka, ki nā mea e fiafia ki ei nā tino fakapaupau. Nae fai e koutou nā āmio mātagā, nā manakoga fakatetagata, te konā, āmio hē pūlea, fai pātī ma nā uiga holi tūlāfono ko te ifo ki tupua.

Kolohe 1:21

E i ei te vāitaimi na mamao lele ai koutou ma te Atua ma na kavea ai koutou ma ona fili, ona ko nā āmioga kino a koutou nae fai vēnā ma outou māfaufauga kino.

Kalatia 1:4

Na fakataunuku e Iehu Keliho te finagalo o to tātou Atua te Tamana, ma ofo atu tona ola mo a tātou agahala, kae ke maua ai e ki tātou te haolotoga mai tēnei lalolagi kino.

Loma 12:2

Koutou nahe mulimuli ki faiga a te lalolagi, kae ke līua koutou e ala i te hūia kātoatoa e te Atua o outou māfaufau. Oi ka iloa tonu ai e koutou te finagalo o te Atua — te mea e gali ma e fiafia ai ia, ma e kātoatoa te lelei.

Iakopo 4:4

Ko koutou e vē ni tino kua mulilua. E hē koutou iloa ko te fakauō ma te lalolagi ko te teteke tēnā ki te Atua? Ko nā tino e fofou ke kavea ki lātou ma uō a te lalolagi, kua ki lātou faia lava ki lātou ma fili o te Atua.

1 Kolinito 5:10

Ko au e hē lea atu ko nā tino fakapaupau uma o te lalolagi e hē ni Kelihiano e fai āmio mātagā, pe manatu fakapito, pe kaihohoa, pe ifo ki tupua. Heiloga koutou ke olo kehe uma mai te lalolagi oi fātoā hē koutou maua ai ni tino vēnei.

Gāluega 5:3

Oi lea atu ai ia Petelu ki ei, “Anania, he ā te kua fakataga ai e koe ia Hātani ke pule ki a te koe ma kua pepelo ai koe ki te Agaga Paia, i te kua kē tāofia o he vāega o te tupe na maua mai i tō fenua?

Ioane 15:19

Kāfai koutou e o te lalolagi, e alolofa atu foki te lalolagi ki a te koutou, ona ko koutou ni tōtino e o ia. Kae na kō filifiliagia koutou mai te lalolagi, ma ko koutou e hē o te lalolagi; ko te mea ia e inoino atu ai te lalolagi ki a te koutou.

Ioane 14:30

Ka hē toe mafai ke fai atu ni aku tala ki a koutou, auā te pule o te lalolagi nei kua hau. E hē ia mafaia oi pule mai ki a te au,

2 Petelu 2:14

Oioti lava te mea e fano ki ei o lātou māfaufau, ke i ei he avanoa ke fai ai e ki lātou te mulilua; ko to lātou umiti ki te agahala e hē mafai ke uma. E takitaki hehē e ki lātou nā tino e fakahehē gōfie, ma ko o lātou loto e akoako ke iloa oi manako lahi. Kua fakamālaia ki lātou e te Atua.

Ioane 16:11

ma e hehē to lātou tāofi e uiga ki te fakamahinoga, auā ko te pule o te lalolagi kua uma te fakamahinogia e te Atua.

Ioane 13:27

Ko te taimi na tago ai ia Iuta ki te mea falaoa, ko te taimi foki tēnā na ulu ai ia Hātani ki a te ia. Kua lea atu ki ei ia Iehu, “Fai vave loa tau mea e tatau ke fai!”

Ioane 13:2

I te taimi tēnā ko Iehu ma ona hoko nae fai te lātou katiga o te afiafi. Kua uma ai foki te galuegia e te Tiāpolo te loto o Iuta te ataliki o Himona Ihikaliota, ke fakalata e ia ia Iehu.

Ioane 8:23

Kua tali atu ia Iehu, “Ko koutou e o lalo nei, kae ko au e mai lugā. Ko koutou e ōmamai i te lalolagi, kae ko au e hē hau mai te lalolagi.

Ioane 7:7

Ko te lalolagi e hē inoino atu ki a te koutou, kae e inoino mai ki a te au, auā ko au e molimau ki te kino o ana gāluega e fai.

Mataio 13:38

ko te fatoaga ko te lalolagi; ko nā fatu haito lelei ko nā tino iēnā e o te Atua; ko nā vao kino ko nā tino iēnā e o Hātani;

Fakaaliga 13:8

Ko tagata uma i te lalolagi ka ifo atu ki a te ia, vaganā ai ki lātou na tūhia o lātou igoa ki te tuhi o te ola, ka ko hēki faia te lalolagi. Ko te tuhi o te ola e a te Punuamāmoe, tē na tāmate.

1 Ioane 3:8

Ko ai lava e ia faia pea lava te agahala, ko ia tēnā e o te Tiāpolo, auā ko te Tiāpolo na agahala mai lava i te kāmataga. Ko tēnei tonu lava te mea na hula mai ai te Ataliki o te Atua, ke fakahēaogā nā gāluega a te Tiāpolo.

Iakopo 1:7

Ko te tino e vēnā, e hē ia mafaia oi fai he tonu ma e hē mautū tona māfaufau i nā mea uma e ia faia. E hē tatau he tino vēnei ke manatu e maua hana mea mai te Aliki.

2 Timoteo 4:10

Ko Temahi kua fiafia ki nā mea o te lalolagi nei, ma kua ia tiakia au kae fano ki Tehalonika. Ko Keleoke kua fano ki Kalatia, ka ko Tito kua fano ki Talamatia.

Gāluega 19:35

Mulimuli ake oi fakatotoka ai te kaifenua e te failautuhi o te kakai. Kua lea vē atu ia, “Oku uho Efeho, e iloa e tagata uma ko te kakai o Efeho te ia kikilagia te mālumalu o te atua ko Atemito, vēnā ma te fatu tapu na pakū ifo mai te lagi.

Luka 22:31

“Himona, Himona! Kikila, kua ia Hātani te fakatagaga mai te Atua ke ia tofotofoa ai koutou uma, ma tuku kehekehe nā tino lelei mai nā tino kino, e vē oi tuku kehekehe e te faifatoaga te haito mai te atigi haito.

Luka 16:8

“Ona ko te mea tēnei, na fakamālō ai te matai ki tana kaukauna pule, ona ko tona potokino; auā e hili atu te popoto faitogafiti o nā tino o nā aho nei i te kikilaga o a lātou mea, i lo nā tino o te mālamalama.”

Mataio 11:19

I te hauga o te Ataliki o te Tagata, nae kai ma inu ki te uaina, oi lea vē ai nā tino, ‘Kikila ki te tagata tēnei! E kai fakaatuatuvale ma konā i te uaina, he uō e a nā aolāfoga ma iētahi tino inohia!’ Ka ko te poto o te Atua e fakaalia te moni, i ana gāluega.”

Fakaaliga 16:17

Oi liligi ai e te agelu tona fitu tana tānoa ki loto o te ea, ma na fanaifo ai he leo lahi mai te nofoāliki i loto o te mālumalu e lea vē, “Kua taunuku!”

Fakaaliga 13:14

Ma na ia fakahehēa ia tagata uma e nonofo i te lalolagi i nā fakailoga na fakataga ke fai e ia i mua o te manu fekai muamua. Na fakatonu ki lātou e te manu fekai ke fau he fakatuha o te manu fekai tēia na manuka i te pelu, kae na ola lava.

Fakaaliga 12:9

Oi togi ai te tālako ki fafo — te gata mai te kāloā e fakaigoa ko te Tiāpolo, pe ko Hātani, tē e fakahehēa ia tagata i te lalolagi kātoa. Na togi ifo ki lalo ki te lalolagi, fakatahi ma ana agelu uma.

Mataio 13:22

Ko nā fatu haito na pakukū ki te mea e ola ai nā vao mātuituia, e fakatuha ki nā tino e ki lātou lagona te fekau a te Atua; kae ko popōlega o te ōlaga ma te mānumanu ki koloa o te lalolagi, kua taomia ai te fekau ma hē fua mai ai ni fua.

Maleko 4:19

kae ko popōlega o te ōlaga ma te mānumanu ki koloa o te lalolagi ma iētahi mea uma e naunau ki ei, kua tumu ai te loto ma kua taomia ai te fekau ma hē fua mai ai ni fua.

Efeho 1:21

E pule ia Keliho i kinā ki nā aliki uma o te lagi, nā taupulega, nā mālō ma aliki; e hili lele atu te maualuga ma te tāua o tona tūlaga, i lo nā tūlaga uma lele i te lalolagi nei ma te ōlaga i mua.

Efeho 2:11

Ke manatua ko koutou na fānanau mai ni tagata nukukehe — nae takua “ni tino hē pelitomea” e nā tino Iutaia nae ki lātou takua ki lātou “ni tino kua pelitome” (he mea e fai ki te tino i nā lima).

Efeho 2:13

Kae nei, i te māfutaga ma Keliho Iehu, ko koutou nae mamao ma te Atua ka kua kaumai ke pili ki te Atua e ala i te toto o Keliho.

Efeho 4:17

I te igoa la o te Aliki e lapataki atu ai au ki a te koutou: koutou nahe toe ola e vē ko tagata fakapaupau ma o lātou manatu e hēai he aogā

Efeho 5:8

Ko koutou foki nae māhani oi ola i te pōuliuli, kae talu lava te kavea o koutou ma tagata o te Aliki, ko koutou kua i te mālamalama. Ko koutou la e tatau ke ola e vē ko nā tino o te mālamalama,

Iakopo 1:27

Ko te mea e mamā i mua o te Atua ma ko te tāpuakiga moni ia, ko tēnei: ko te fehoahoani ki tamaiti mātua oti ma fafine kua feoti a lātou tāne, i nā mea e puapuagā ai, ma ke nahe pīhia lele koutou i nā uiga kino o te lalolagi.