Efeho 2:1 - Tokelauan New Testament

¹ I nā aho kua teka, ko koutou nae ni tino kua feoti i te fakateagaga, ona ko koutou nae hē uhiuhitaki ma fai e koutou te agahala.

Efeho 2:1 Referans Kwoze

Kolohe 2:13

Ko koutou na i ei te taimi na pa ai koutou ki te oti i te itū fakateagaga, ona ko autou agahala ma e ona ko koutou ni tagata nukukehe ma nae hē koutou iloa te Tūlāfono. Ka kua toe kaumai koutou e te Atua ki he ōlaga fou fakatahi ma Keliho. Kua fakamāgalo ki tātou e te Atua mai ia tātou agahala uma lele;

Loma 8:2

Auā ko te tūlāfono a te Agaga o te Atua, tēia e maua ai e ki tātou te ola i te māfutaga ma Keliho Iehu, kua maua ai e au te haolotoga mai te tūlāfono o te agahala ma te oti.

Efeho 4:18

ma e pōuliuli o lātou māfaufau. E hēai ho lātou tofi i te ola e fōki mai e te Atua, auā e matuā hē mālamalama lava ma, e loto makaka.

Ioane 5:21

E vē ona fakatutū e te Tamana nā tino kua oti ma fōki ki ei te ola, e vēnā foki ona fōki atu e te Ataliki te ola, ki nā tino e loto ia ke ki lātou maua.

1 Ioane 3:14

E iloa e ki tātou ko ki tātou kua olo kehe mai i te tūlaga nae vē ai ki tātou kua oti, ki te ola, auā ko ki tātou e alolofa ki o tātou uho Kelihiano. Ko ai lava la he tino e hē alofa, koi lalo lava ia o te pule a te oti.

Ioane 14:6

Oi tali mai ai ia Iehu ki ei, “Ko au ko te ala ma te meamoni ma te ola; e hēai he tino e fano ki te Tamana, vaganā e kui mai ia te au.

Efeho 5:14

auā ho he mea e kitea manino e fai tēnā ma mālamalama. E vē oi tūhia, “Ala ake koe tēnā e moe, ma tū ki luga mai te mate, ma ka huhulu atu te mālamalama o Keliho ki a te koe.”

1 Timoteo 5:6

Kae ko he fafine kua oti tana āvaga kae e fano oioti tona māfaufau ki nā mea fakafiafia o te ōlaga, kua oti, e ui lava koi ola.

Ioane 5:25

E takutino atu e au ki a te koutou te meamoni; e hau te taimi — kua i kinei te taimi tēnā — ka lagona ai e tagata oti te leo o te Ataliki o te Atua, ma ko nā tino e fakalogo ki ei, ka ola ki lātou.

1 Kolinito 15:45

Auā e lea mai te tuhituhiga paia, “Ko te uluaki tagata, ia Atamu, na gaohia ma tagata ola”; ka ko te Atamu mulimuli, na kavea ma Agaga e puna mai ai te ola.

Ioane 10:10

Ko te tino kaihohoa e hau oioti ke kaihohoa, ke tāmate ma ke fakatāugā. Ko au na hau kae ke maua ai e ki lātou te ola — te ola e kātoatoa i mea uma.

Fakaaliga 3:1

“Tuhi vēnei ki te agelu o te Ekalehia i Hateihi: “Ko tēnei te fekau mai tē e pule i nā agaga e fitu o te Atua ma nā fetu e fitu. E iloa e au autou gāluega e fai; e iloa e au ko koutou e lauiloa i te mālohi o te koutou fakatuatua, kae ko te meamoni ko koutou e vē ni tino kua feoti i te fakateagaga.

Luka 15:32

Kae kua tatau ki tātou ke kakai ma fiafia, auā ko tō uho na mate, ka kua toe ola mai; na galo, ka kua toe maua.’ ”

Luka 15:24

Auā ko toku ataliki tēnei, na oti kae kua toe ola mai; na galo, kae nei kua toe maua.’ Oi kāmata ai loa te lātou kaiga fiafia.

Mataio 8:22

Kae kua tali atu ia Iehu, “Mulimuli mai ki a te au kae tuku vē nā tino oti ke tanu e ki lātou o lātou lava tino oti.”

2 Kolinito 5:14

Ko ki mātou e pūlea e te alofa o Keliho, ona kua mautinoa e ki mātou, kāfai na oti he tokatahi mo tagata uma, ko ki tātou uma foki la na oti.