Efeho 1:5 - Tokelauan New Testament

⁵ na tonu ai muamua i te Atua, ke fai ki tātou ma ana fānau e auala ia Iehu Keliho — ko te mea tēnei na fiafia ma fofou ia ke fai.

Efeho 1:5 Referans Kwoze

Efeho 1:11

Ko nā mea uma e fakatino e tuha ai ma te fuafuaga vēnā ma te finagalo o te Atua; ma kua filifilia ki tātou e te Atua ke fai ma ona tagata i te hokotaga ma Keliho, ona ko te mea lava ia na fofou ia ki ei mai te kāmataga.

1 Ioane 3:1

Kikila ki te lahi lele o te alofa o te Tamana ki a te ki tātou! Ko te lahi o tona alofa kua takua ai ki tātou ni fānau e a te Atua — ma e moni lava te mea tēnei. Ko te mea ia e hē iloa ai e te lalolagi ki tātou, ona e hē ki lātou iloa te Atua.

Ioane 1:12

Kae ko ki lātou uma na taliagia ia ma talitonu ki ei; na ia tuku atua ki ei te haolotoga, ke kavea ai ki lātou ma fānau a te Atua.

Loma 8:23

Kae e hē nā ko nā mea na gaohia e te Atua te ōi; ko ki tātou kua ola i te Agaga, te uluaki meaalofa a te Atua, e ōi foki i loto o ki tātou lava, ka koi fakatalitali ki te Atua ke kavea ki tātou ma ana fānau ma fakahaoloto ai o tātou tagata kātoa.

Kalatia 3:26

Ko te fakatuatua te mafai ai oi kavea koutou uma ma fānau a te Atua, i te hokotaga ma Keliho Iehu.

2 Kolinito 6:18

Ka fai au ma outou tamana, ma ko koutou ni ataliki ma ni afafine e ōku, kua vāgana ai te Aliki Hilihilikehe.”

Fakaaliga 21:7

Ko nā tino e maua e ki lātou te manumālō, ka maua e ki lātou te mea tēnei mai ia te au, ma ka fai au ma o lātou Atua, ma fai ki lātou ma aku fānau.

Efeho 1:9

na fakatino ai e te Atua te mea na fofou ia ke fai, ma fakailoa mai ki a te ki tātou tana fuafuaga lilo kua uma te tonu ia te ia ke fakataunuku e ala ia Keliho.

Ioane 11:52

ma e hē nā mo nā tino Iutaia oioti, kae ka vēnā foki ona fakamāopoopo e ia nā tino uma o te Atua e takape i atunuku kehekehe, ke kavea e vē ko he tino e tahi.

2 Tehalonia 1:11

Ko te mea ia e tatalo ai pea lava ki mātou mo koutou. Ko ki mātou e tatalo ki to tātou Atua, ke kavea koutou ma tagata e tatau ma onomea mo te itūkāigā ōlaga kua ia kalagagia ai koutou ke ola ai. Ke fakataunuku e ia i tona mana, outou manakoga uma lele mo nā mea lelei, ma fakataunuku autou gāluega e fai ona ko te koutou fakatuatua.

Luka 10:21

I te taimi lava tēnā, na fakatumulia ai ia Iehu e te Agaga Paia i te fiafia lahi ma lea vē ake ai, “Te Tamana, te Aliki o te lagi ma te lalolagi! Ko au e fakafetai atu ki a te koe, auā kua kē fakailoa ki a te ki lātou e hēki akoakoagia, nā mea kua kē mumunia mai ia te ki lātou e popoto ma kua akoakogia. Io, te Tamana, ko te mea lava tēnei na fofou koe ke fai.

1 Kolinito 1:21

Auā ko te poto o te Atua na ia faia ai ke nahe iloa ia e tagata i ho lātou lava poto. Kae e ala i te fekau e folafola e ki mātou, tēia e lea nā tino e “valea,” na tonu ai i te Atua ke fakaola ki lātou e talitonu.

Ioane 20:17

Kua vāgana atu ia Iehu ki a Malia “Koe nahe paki mai ki a te au, auā ko au ko hēki fanake ki toku Tamana. Kae fano ki nā uho o oku oi lea ki ei, ko au ka fanake ki toku Tamana ma te koutou Tamana, ki toku Atua ma te koutou Atua.”

Mataio 11:26

Io, te Tamana, ko te mea lava tēnei na fofou koe ke fai.

Luka 11:32

I te Aho Fakamahino, ka tutū mai ia tagata o Nineva oi mōlia te tupulaga tēnei ke fakahala, auā ko ki lātou na liliu kehe mai ia lātou agahala i te ki lātou lagonaga o te tālakiga a Iona; kae lea atu au ki a te koutou, ei kinei te mea, e hili atu ia i lo Iona!

Filipi 2:13

auā ko te Atua e galue pea lava i taimi uma i loto ia te koutou, ke mafai ai ke i ei outou loto ma uhitaki ki te mea e finagalo ia ki ei.

1 Kolinito 1:1

Mai ia Paulo, tē na kalagagia e tuha ai ma te finagalo o te Atua ke kavea ma apohitolo a Keliho Iehu, ma to tātou uho ko Hohetene —

Mataio 1:25

Kae ko hēki uhu ia Iohefa ki a Malia, kae kua fānau e Malia he ataliki; oi fakaigoa ai e Iohefa ki a Iehu.

Luka 12:32

“Koutou nahe mātataku, taku lafu māmoe tokaititi, auā ko te koutou Tamana, e fiafia ke fōki atu ki a te koutou te Mālō.

Gāluega 13:48

I te lagonaga o te mea tēnei e tagata nukukehe, na fiafia lele ki lātou ma vīkia e ki lātou te fekau a te Aliki; ma ko nā tino kua filifilia e te Atua ke maua e ki lātou te ola e fakavavau, kua talitonu.

Kolohe 1:19

Auā e a te Atua lava te fuafuaga ke i te Ataliki lava ia te natula kātoatoa o ia.

Epelu 2:4

I te taimi foki lava tēnā, na fakaopoopo e te Atua tana molimau ki nā molimau a nā tino iēnei, e ala i nā itūkāigā vāvega ma nā mea ofoofogia kehekehe na ia faia, ma te tufatufaga o nā meaalofa a te Agaga Paia, e tuha ai ma te mea kua finagalo ia ki ei.