2 Timoteo 4:2 - Tokelauan New Testament

² ke tālaki te fekau. Ke fai pea lava e koe te mea tēnei, e tuha lava pe he taimi e talafeagai pe hēai. Fakahako nā tino ma fakailoa ki ei o lātou hehē. Fakamālohi ki a te ki lātou i au akoakoga ma ke lava tō onohai.

2 Timoteo 4:2 Referans Kwoze

1 Tehalonia 5:14

Ko ki mātou e ole atu ki a te koutou, te kau uho, ko koutou ke lapataki mālohi atu ki nā tino e nonofo tauanoa e hēai ni gāluega e faia, fakamākeke atu ki nā tino matamumuli, fehoahoani atu ki nā tino vāivai, ma ke lava te koutou onohai ki tagata tau tokatahi uma.

Tito 2:15

Akoako ki tagata nā mea iēnei ma fakaaogā tau pule kātoa ke fakamālohi ma fakatonu ai ki lātou. Nahe i ei lele he tino e hē fakaaloalo atu ki a te koe.

1 Timoteo 4:13

Ka ko hēki fanatu au, ke mautinoa e faitau e koe nā Tuhituhiga Paia ki tagata, ma lāuga ma akoako atu ki a te ki lātou.

Fakaaliga 3:19

Ko nā tino e alofa au ki ei, e akoaki ma fakahala e au; koutou la ke mataala ma liliu kehe mai autou agahala.

2 Timoteo 2:21

Ko nā tino e ki lātou fakamamāgia ki lātou mai nā mea kino uma iēnā, ka fakaaogā ki lātou mo nā mea fakapitoa, auā kua uma te fakapaiagia o ki lātou ma e aogā mo to lātou Matai, ma kua hāuni ke fakaaogā ki ho he gāluega lelei.

Kalatia 6:6

Ko te tino kua uma te akoakogia i te fekau faka-Kelihiano, e tatau ke fakaaogā fakatahi e ia nā mea lelei a ia kua maua, ma tona faiakoga.

Loma 12:12

Ke kavea te koutou fakamoemoe ma mea e fiafia ai pea lava koutou, onohai i nā puapuagā, ma tatalo i taimi uma.

2 Timoteo 3:10

Kae kua kē kitea te faiga o aku akoakoga, taku āmio, ma te mea e fakamoemoe au ki ei i toku ōlaga; kua kē kitea toku fakatuatua, toku fakapalepale, toku alofa, toku onohai,

1 Timoteo 5:20

Tautalagia i mua o te Ekalehia nā tino uma e faia pea lava te agahala, kae ke lagona ai e iētahi tino te mātataku, ma hē fakatakitaki ai ki lātou ki ei.

Kolohe 1:25

Ma ko au kua tōfia e te Atua ke fai ma kaukauna ki te Ekalehia, ma ia fōki maia te gāluega tēnei ke fai mo te koutou lelei. Ko te gāluega tēnei, ko te folafolaga kātoatoa o tana fekau,

Loma 10:15

Ma, e mafai vēhea ke folafola te fekau, pe kāfai e hē uga atua nā kavefekau? E vē oi lea mai te tuhituhiga paia, “Kai te gali o te haeleele mai o nā kavefekau e folafolagia te tala lelei!”

Gāluega 20:7

I te afiafipō o te Aho Tonai, na maopoopo ai ki mātou mo te kaiga fakatahi a te kau Kelihiano. Na tautala ia Paulo ki tagata ma na talatalanoa ai lava ki ei ke pa lava ki te tūlua o pō, ona ko te aho alafaki e tuku e fano kehe ai.

Gāluega 16:13

I te Hāpati na olo ai ki mātou ki fafo o te kakai ki te kautafa o te vai, ki he koga na iloa e ki mātou e māhani lava oi maopoopo ki ei nā tino Iutaia ke fai talohaga ai. Na nonofo ki mātou ki lalo ma talanoa ki nā fafine kua maopoopo i kinā.

Luka 9:60

Kua tali atu ia Iehu, “Tuku vē nā tino oti ke tanu e ki lātou o lātou lava tino oti. Ka ko koe, fano oi tālaki atu ki tagata te Mālō o te Atua.”

Luka 7:4

Oi ōmamai ai nā tino iēnei ki a Iehu, kua fakatagi vē atu ki ei ma te agaga naunau, “Ko te tino tēnei he tino lelei, ma e tatau koe ke fehoahoani ki ei.

1 Tehalonia 5:20

nahe koutou inoino ki nā fekau mai te Atua e kui mai i nā tino kua ia tōfia.

Luka 7:23

Amutia nā tino e hē māhalohalo mai ki a te au!”

2 Timoteo 2:25

e fakatonu mālie atu ki nā tino e fīnau mai. Ka ono tuku atu e te Atua ki a te ki lātou te avanoa ke halamō ai, ma ki lātou iloa ai te meamoni,

Epelu 13:22

Ko au e talohaga atu ki a te koutou te kau uho, ko koutou ke fakalogo lelei ki te fekau tēnei e fakamālohi atu ki a te koutou; auā ko te tuhi tēnei e pukupuku.

Gāluega 28:16

I te taunuku atuga o ki mātou ki Loma, na fakataga ia Paulo ke nofo nā ko ia kae leoleo e he fitafita auā ei na hola kehe.

Gāluega 13:5

Kua pa atu te toka lua ki Halamini, oi tālaki ai e ki lāua te kupu a te Atua i loto o nā hūnako o tagata Iutaia. Nae ia te ki lāua ia Ioane Maleko ke fehoahoani ki te gāluega.

Kolohe 4:3

Tatalo foki mo ki mātou, ke tatala mai e te Atua ki a te ki mātou he avanoa ke tālaki atu ai tana fekau ki te mealilo e uiga ki a Keliho. Auā ko te mea ia e i te falepuipui ai au i te taimi nei.

1 Tehalonia 1:6

Ko koutou na mulimuli ki nā fakatakitakiga a ki mātou ma te Aliki; ma e ui na puapuagā lahi ai koutou, kae na talia e koutou te fekau i te fiafia e maua mai i te Agaga Paia.