2 Timoteo 2:3 - Tokelauan New Testament

³ Ko koe he fitafita fakamāoni e a Keliho Iehu, ke talia la e koe tō vāega o nā puapuagā.

2 Timoteo 2:3 Referans Kwoze

Iakopo 1:12

Amutia nā tino e onohai i nā taimi o tofotofoga, auā kāfai e manumālō ki lātou i nā tofotofoga vēnei, ka ki lātou maua te taui, ko te ola tēia kua uma te folafola e te Atua mo nā tino e alolofa ake ki a te ia.

2 Timoteo 4:5

Kae e tatau koe ke pūlea ki a te koe lava i taimi uma; onohai i nā puapuagā, ma fai tau gāluega tālaki ke uma.

2 Timoteo 1:8

Ia koe la nahe mā oi molimau e uiga ki to tātou Aliki; ia koe foki nahe mā ona ko au, he pagotā ona ko Keliho. Kae ke talia e koe tō vāega o nā puapuagā mo te Tala Lelei, e vē ona fōki atu e te Atua te mālohi ki a te koe, ke fai ai e koe te mea tēnei.

Epelu 10:32

Māfaufau ki te tūlaga nae i ei koutou i nā aho kua teka. I nā aho iēnā, kua uma ai te huhulu atu o te mālamalama o te Atua ki a te koutou, e lahi nā mea nae pagātia ai koutou, kae ko koutou nae onohai lava.

2 Timoteo 2:10

Ma ko au e onohai i nā mea uma iēnei mo te lelei o nā tino kua filifilia e te Atua, kae ke mafai ai foki ke ki lātou maua te fakaolataga e ala ia Keliho Iehu ma maua ai nā vīkiga e fakavavau.

1 Timoteo 1:18

Timoteo, toku ataliki, e tuku atu e au te fakatonuga tēnei ki a te koe, e tuha ai ma nā kupu o te vāloaga i nā aho kua teka e uiga ki a te koe. Fakaaogā nā kupu iēnā ma meatau, ke tau ai te taua lelei,

2 Timoteo 3:11

nā fakahāuāga na pa au ki ei, ma oku puapuagā. Kua kē iloa nā mea uma na tutupu ki a te au i Anitioka, Ikononu, ma Luotala, nā fakahāuāga mātuiā na pa au ki ei! Kae na laveaki au e te Aliki mai nā mea uma iēnei.

2 Kolinito 1:6

Kāfai ki māua e maua i nā puapuagā, e mo he koutou fehoahoani ma he fakaolataga; kāfai e ki mā maua he fehoahoani, oi ka vēnā foki oi maua e koutou he fehoahoani, vēnā ma te mālohi ke tūmau ai te onohai i nā puapuagā, e vē ona onohai ai foki ki māua.

Epelu 11:27

Ko te fakatuatua o Mohe te na ia tukua ai ia Aikupito. Na ia kiteagia te Atua lilo, ma na kavea tēnā ma mea e hēki mataku ai i te tōkahā o te tupu.

Epelu 6:15

Ko Apelaamo nae onohai, ma na maua e ia nā mea na folafola e te Atua.

1 Kolinito 13:7

Ko te alofa e hē fiu gōfie; ma e hē uma lele tona fakatuatua, tona fakamoemoe, ma tona onohai.

1 Kolinito 9:7

Ko ai ni fitafita e totogi lava e ki lātou nā mea e ola ai ma nā mea e fakaaogā e ki lātou? Ko ai ni faifatoaga e hē kakai lele ki ni vine mai o lātou lava tōvine? Ko ai ni leoleomāmoe e hē ki lātou fakaaogā nā huāhuhu mai a lātou lava māmoe?

2 Timoteo 1:1

Mai ia Paulo, he apohitolo a Keliho Iehu na filifilia e te Atua, ke fakailoa ki tagata te ola moni kua uma te ia folafolagia, e ala i te māfutaga ma Keliho Iehu —

2 Timoteo 2:9

Ona e kō tālakia te Tala Lelei, kua maua ai au i nā puapuagā, ma noanoa i nā filifili ukamea e vē he tino holi tūlāfono. Kae ko te kupu a te Atua e hē noanoagia i ni filifili ukamea.

Filemoni 1:2

ma te Ekalehia e fai tāpuakiga i tō fale; ma te tuafafine ki a Afia, ma ki a Alihipo to mātou hoātau e vē he fitafita:

Gāluega 23:31

Na fakataunuku e nā fitafita o lātou fakatonuga. Na kave e ki lātou ia Paulo i te pō tēnā ma na pa lava te mamao o te malaga ki Anitapatelia.