1 Timoteo 5:1 - Tokelauan New Testament

¹ Nahe munaia e koe he tamāloa kua matua, kae apoapoaki ki ei e vē ko he tamana ki a te koe. Ke vē nā tamāloa talavou ni uho ki a te koe i au faiga e fai ki ei,

1 Timoteo 5:1 Referans Kwoze

Tito 2:2

Fakatonu nā tamāloa mātutua ke nahe konanā, ke popoto ma ola pūlea; ke mautū i to lātou fakatuatua, ke alolofa ma ke onohai.

1 Petelu 5:1

Ko au he toeaina, ma e molimau au e uiga ki nā puapuagā na pa ki ei ia Keliho, ma ka i ei fakatahi au ma ia i tona mamalu i te taimi ka fakaalia ai. Ko au la e aioi atu ki a te koutou nā toeaina o te Ekalehia,

Kalatia 6:1

Te kau uho, kāfai he tino e ia faia ho he itūkāigā āmio kino, e tatau koutou iēnā kua takitakia e te Agaga, ke fakatonu ki a te ia i te agaga maualalo. Ma ko koutou foki ke mataala, nā meake ka fakaohoohogia ai foki koutou.

Tito 2:6

Ke vēnā foki oi fakamālohi ki taulelea talavou ke ola pūlea.

Mataio 23:8

Kae ko koutou e hē takua lele ni ‘Faiakoga,’ auā e tutuha uma koutou, ma e fokotahi oioti lava te koutou Faiakoga.

1 Timoteo 5:17

Ko nā takitaki toeaina e lelei te faiga o a lātou gāluega, e tatau ke fakaluaina o lātou totogi e maua, kae maihe lava ki lātou e gālulue fītā i te lāuga ma te akoako atu.

Loma 13:7

Totogi la nā tupe e nofo kaitālafu ai koutou ki ei; totogi ki ei nā itūkāigā lāfoga uma e tatau ke koutou totōgia, ma kavatu ki a te ki lātou uma te fakaaloalo ma te āva e tatau ai.

Gāluega 15:4

Na tali fiafia mai ki lātou e te Ekalehia, te kau apohitolo ma toeaina, i te taunuku atuga o ki lātou ki Ieluhalema, ma na ki lātou fakailoa ki ei nā mea uma na fai e te Atua e ala ia te ki lātou.

Gāluega 14:23

Na tōfia e ki lāua ni toeaina mo nā Ekalehia takitahi, ma i na kua uma ona tatalo ki te Atua ma fakalāina, oi ofo atu ai ki lātou ki te Aliki, tē kua tuku atu ki ei to lātou fakamoemoe.

Fakaaliga 4:4

E hiko fakatāmilo te nofoāliki e iētahi nofoāliki e lua hefulufa, ma e nonofo i luga nā toeaina e toka lua hefulufa, e kokofu i nā kofu paepae ma fai o lātou pale aulo.

3 Ioane 1:1

Mai te Toeaina — Ki a Kaio te uō pele, e alofa lahi au ki ei.

2 Ioane 1:1

Mai te Toeaina — Ki te Fafine pele ma tana fānau, e alofa lahi au ki ei. Ma e hē nā ko au oioti, kae ko ki lātou uma e iloa te meamoni, e alolofa atu ki a te koutou,

Iakopo 5:14

E i ei ni tino o koutou e tauale? E tatau koutou ke lea ki nā toeaina o te Ekalehia ke ōmamai ke tatalo mo koutou, ma uku koutou i te lolo, i te igoa o te Aliki.

Iakopo 3:17

Kae ko te poto mai te lagi e mamā, ma e fakatupuagia te fīlēmū, te agamalū ma te loto fiafia; e tumu i te tīgā alofa ma e fua mai ai nā fua o nā gāluega lelei e lahi; e hē i ei he loto kino ma hē fakagutugutulua.

Gāluega 20:17

I to mātou taunuku atuga ki Mileto, oi uga ai e Paulo he tino ma he faifekau ki nā toeaina o te Ekalehia i Efeho, ko ia e fia feiloaki ma ki lātou kāfai ia e taunuku ake.

Gāluega 15:6

Oi maopoopo ai te kau apohitolo ma nā toeaina ke talanoa ki te mea tēnei.

1 Timoteo 5:2

ko fafine mātutua ke vē ni mātua, ma fafine talavou ke vē ni tuafafine, ma tō loto mamā kātoatoa.