1 Timoteo 3:4 - Tokelauan New Testament

⁴ e tatau ke ia mafaia oi kikila lelei tona kāiga, ma akoako tana fānau ke iloa uhitaki ma fakaaloalo.

1 Timoteo 3:4 Referans Kwoze

Tito 1:6

ko te tino e tōfia ma toeaina e tatau ke lelei tana āmio; e tatau ke fokotahi oi oti tana āvaga, ma tatau tana fānau ke talitonu ki te Atua kae nahe ola i he ōlaga hē pūlea pe fakalogogatā.

1 Timoteo 3:12

Ko te tiākono e tatau ke fokotahi oioti tana āvaga, ma ia mafaia oi kikila lelei tana fānau ma tona kāiga.

Tito 2:2

Fakatonu nā tamāloa mātutua ke nahe konanā, ke popoto ma ola pūlea; ke mautū i to lātou fakatuatua, ke alolofa ma ke onohai.

Gāluega 10:2

He tino e mataku i te Atua; ko ia ma tona kāiga kātoa e tāpuaki ki te Atua. E lahi foki ana mea nae fai ke fehoahoani ai ki nā tino Iutaia mātitiva, ma nae tatalo pea lava ki te Atua.

Tito 2:7

E tatau koe ke kavea ma fakatakitakiga ki tagata i taimi uma lava, e tuha ai ma te faiga o nā gāluega lelei. E tatau koe ke fakamāoni ma loto naunau lahi i au akoakoga e fai.

Filipi 4:8

Ko aku toe kupu te kau uho, ni a lava ni mea e lelei ma maua ai he vīkiga, ni mea e moni, ni mea e mamalu, ni mea e tonu, ni mea e mamā, ni mea e gali, ni mea e lelei kātoatoa, koutou ke māfaufau pea lava ki ei.

Efeho 5:24

Ko te mea ia e tatau ai nā fafine ke tuku atu kātoatoa ki lātou ki a lātou tāne, e vē foki lava oi tuku atu kātoatoa te Ekalehia ki a Keliho.