1 Timoteo 3:13 - Tokelauan New Testament

¹³ Ko nā tiākono e lelei te faiga o a lātou gāluega, e taku leleia ma fakaaloalogia, ma ki lātou mafaia oi tautatala mālohi, e uiga ki to lātou fakatuatua ki a Keliho Iehu.

1 Timoteo 3:13 Referans Kwoze

Mataio 25:21

Kua lea atu ki ei tona matai, ‘Mālō ni, te kaukauna lelei ma te fakamāoni, ko koe kua fakamāoni i nā tamā mea. Ka kō tōfia koe ke pule i nā mea e lahi. Ulu mai loa ki loto nei, ta fiafia fakatahi ai!’

Epelu 6:10

Ko te Atua e fai meatonu. E hē mafai ke puli ia te ia autou gāluega nae fai, pe ko te koutou alolofa ki a te ia e ala i te koutou fehoahoani ki iētahi uho Kelihiano ke pa mai lava ki te taimi nei.

2 Timoteo 2:1

Ko koe la toku ataliki, ke fakamākeke e ala i te alofa tūnoa kua maua e ki tātou i te māfutaga ma Keliho Iehu,

1 Tehalonia 2:2

E iloa e koutou ko ki mātou na pagātia ma fakamahiahi e nā tino i Filipi ka ko hēki āhiāhi atu ai ki mātou ki a te koutou i kinā i Tehalonika. Ma e ui nae tokalahi e teteke mai, kae na fōki mai e te Atua te loto mākeke ke mafai ai e ki mātou oi fakailoa atu ki a te koutou te Tala Lelei mai ia te ia.

Filipi 1:14

Kua kavea toku i te falepuipui ma mea e mautū ai te talitonu o te tokalahi o te kau uho Kelihiano ki te Aliki, ma ka ātili tupu ai pea to lātou fakamālohi ki te tālakiga o te fekau e aunoa ma he mataku.

1 Kolinito 16:15

E iloa e koutou ia Hetefana ma tona kāiga; ko ki lātou nā tino muamua na liliu ma Kelihiano i Akaia, ma kua ofo atu ki lātou ke tautua ki tagata o te Atua. Ko au e fakamālohi atu ki a te koutou te kau uho,

Gāluega 21:35

Na pa atu lava ki lātou ki nā fakahitepu, oi hiki loa e nā fitafita ia Paulo ona ko te vevehi lahi o te kaifenua.

Gāluega 6:15

Ko ki lātou uma nae i loto o te fono kua kikila lava ki a Hetefano, ma ki lātou kitea atu ai ko ona mata kua vēia ni mata e o he agelu.

Gāluega 6:8

Ko Hetefano ko he tino na fakamanuiagia lahi e te Atua ma nae ia te ia te mana. Na fai e ia nā vāvega uiga kehe ma nā mea ofoofogia i te mea e i ei ia tagata.

Gāluega 6:5

Na fiafia uma lele te fakapotopotoga ki te mea tēnei kua lea ake ai te kau apohitolo; oi na filifili ai e ki lātou ia Hetefano, he tino kua fakatumulia i te fakatuatua ma te Agaga Paia, vēnā ma Filipo, ko Pelokolona, ko Nikanola, ko Timona, ko Pamena, ma Nikolao, he tagata nukukehe mai Anitioka na liliu ki te tāpuakiga Iutaia.

Luka 19:17

Ma kua lea atu te aliki, ‘Mālō ni, te kaukauna lelei! Ona ko koe kua fakamāoni i nā tamā mea, ka kō tōfia ai koe ke pule i nā kakai e hefulu.’

Mataio 20:28

e vē ko te Ataliki o te Tagata e hēki hau kae ke kaukauna ake ai ia tagata ki a te ia, kae na hau ke kaukauna ki tagata ma tuku atu tona ola ke fakaola ai te tokalahi.”

1 Timoteo 3:14

Ko au e fakamoemoe e fanatu i he taimi lata mai, kae kua tuhi atu e au nā mea iēnei mo koe,