1 Timoteo 1:9 - Tokelauan New Testament

⁹ E tatau lava ke manatua, ko nā tūlāfono e hē faia mo nā tino e lelei, kae e fai mo nā tino holi tūlāfono ma hē uhitaki, nā tino agahala ma hē talitonu ki te Atua, nā tino e hē tāpuaki ki te Atua ma fakakinoa tona igoa, nā tino e ki lātou tāmatea o lātou tamana pe ko nā mātua, nā tino tāmate tino,

1 Timoteo 1:9 Referans Kwoze

Kalatia 3:19

Ko he ā la te na fai ai he Tūlāfono? Ko te Tūlāfono na fakaopoopo ki te feagaiga, kae ke iloa ai ko ki tātou e agahala, ma ko te mataloa e aogā ai, na fuafua lava ki te taimi e haele mai ai te lāpuna o Apelaamo, tēia na fai ki ei te folafolaga. Ko te Tūlāfono na tukulima ifo e nā agelu ki he tino na kavea ma hokotaga ma tagata.

1 Petelu 4:18

E vē oi lea mai te tuhituhiga paia, “E faigatā lele nā tino lelei ke fakaolagia; he ā nei la te ka pa ki ei nā tino agahala ma hē talitonu ki te Atua?”

Loma 5:20

Ko te Tūlāfono na tuku mai ke fakaatili ai te lahi o te holi tūlāfono; kae kāfai e lahi te agahala, ka hili atu la te lahi o te alofa tūnoa o te Atua.

Kalatia 5:23

te loto maulalo, ma te loto pūlea. E hēai he tūlāfono e teteke ki nā mea vēnei.

Tito 3:3

Auā ko ki tātou foki nae vālelea, hē uhitaki ma nae hehē. Ko ki tātou nae fai ma pologa ki manakoga ma tuinanauga kehekehe. Ko ki tātou nae ola i he ōlaga tau fakakino ma te fuā; nae inohia ki tātou e tagata ma nae inoino foki ki tātou ki a te ki lātou.

Loma 6:14

Nahe kavea te agahala ma pule o koutou; auā ko koutou e hē ola i lalo o te tūlāfono, kae e ola i lalo o te alofa tūnoa o te Atua.

Loma 1:30

ma tau mūimui; e inoino ki te Atua, e fakamā tino, e fia hili ma gugutu; e fatufatu meakino; e hē uhitaki ki o lātou mātua;

Fakaaliga 22:15

Kae i fafo o te kakai, ka i ei ai nā tino e vē ni kulī, nā taulāitu, nā tino e tuinanau ki te tino, nā tino tāmate tino, nā tino ifo ki tupua, nā tino e fiafia oi tala pepelo ma fai nā mea hehē.

Fakaaliga 21:8

Kae ko nā tino palakakai, vēnā ma nā tino kua toe liliu kehe mai te Atua, nā tino āmio kino, nā tino tāmate tino, nā tino e tuinanau ki te tino, nā taulāitu, nā tino e ifo ki tupua ma nā tino talapepelo uma lele — ko te nofoaga mo ki lātou ko te vaitūloto e mumū i te afi ma te teiō, ko te oti tēnā tona lua.”

Tito 1:16

Ko nā tino vēnei e lea e ki lātou iloa te Atua, kae e kitea ia lātou mea e fai te hē hako o tēnei fakakupuga. Ni tino e inohia ma hē fakalogo ki te Atua, ma e hē ki lātou mafaia oi fai he mea lelei e fokotahi.

1 Petelu 3:20

Ko nā agaga iēnei e hēki uhitaki ki te Atua i te taimi ka koi fakatalitali ai ia ma te onohai mo ki lātou, i nā aho nae fau ai te vaka e Noa. E hē tokalahi nā tino nae i luga o te vaka — e toka valu oioti — na fakaola ki lātou e te Atua e ala i te vai.

Epelu 11:31

Ko te fakatuatua te na hēki oti ai ia Lahapa te fafine talitāne ma nā tino nae hē uhitaki ki te Atua, auā na fakafeiloaki ma te fiafia e ia nā hipai Ihalaelu.

2 Tehalonia 2:8

Oi ka fakailoa mai ai te Tino Kino, kae kāfai te Aliki ko Iehu e haele mai, ka ia tāmatea te Tino Kino i te mānava mai tona gutu ma fakaumatia i te pupula o tona fakatahi mai.

Loma 4:13

I te folafolaga e te Atua ki a Apelaamo ma ona lāpuna ko te lalolagi ka e o ia, e hēki ia faia te mea tēnei ona ko Apelaamo nae uhitaki ki te Tūlāfono, kae ona nae talitonu, ma na fakaleleia ai te va o ia ma te Atua.

Mataio 10:21

“Ka tuku atu e te uho tona uho ke tāmate, ka vēnā foki oi fai e tamana ki a lātou fānau. Ka fakahaga tau ia fānau ki o lātou mātua ma tuku atu e ki lātou ke tāmate,

1 Petelu 2:7

Ko te fatu tēnei e tāua lahi lele mo koutou kua talitonu, kae mo ki lātou e hē talitonu: “Ko te fatu na tīaki e nā faufale e hē aogā na iku ake ko te fatu ia e pito hili ona tāua.”

Epelu 12:16

Nahe i ei lele he tino e fai āmio mātagā pe hē fakaaloalo ki nā mea e paia e vē ko Ehau, tē na fakafehuiaki e ia tona tofi ko ia ko te ulumatua, mo he meakai e fokotahi.

Kalatia 5:21

ko te mata pipiko, ko te konā ma te fai pātī ma iētahi mea vēnei. Ko au e lapataki atu i te taimi nei e vē foki ona lapataki atu au muamua: ko nā tino e ki lātou faia nā mea iēnei ka hē faia mo ki lātou te Mālō o te Atua.

Kalatia 5:18

Kāfai koutou e takitakia e te Agaga, ko koutou la e hē āfāina i te Tūlāfono.

1 Timoteo 4:7

Kae tau mamao ma nā tala fāgogo mai anamua, auā e hē paia ma hēai he aogā. Tokaga oi koleni ke maua e koe he ōlaga e fiafia ki ei te Atua.

1 Timoteo 6:20

Timoteo, tauhi lelei ki te mea kua fōki atu e te Atua ke kikila e koe. Ia koe nahe fakalogo ki nā tino e faia nā fakamatalaga valea ma hē mīgao, iē e lea iētahi tino ko te “poto.”

2 Timoteo 2:16

Tau mamao ma nā talanoaga valea ma hēai he aogā, auā e nā ko te tuli kehe ai o tagata ke mamao ma te Atua.

2 Timoteo 3:2

Auā ko tagata ka manatu fakapito ifo lava te tino ki a te ia lava, ka mānumanu ki nā tupe, ka fāfifia ma fiahihili; ka fai kupu fakakino, ka hē uhitaki ki nā mātua, ka hē loto fakafetai ma hē āmio mamalu,

Tito 1:6

ko te tino e tōfia ma toeaina e tatau ke lelei tana āmio; e tatau ke fokotahi oi oti tana āvaga, ma tatau tana fānau ke talitonu ki te Atua kae nahe ola i he ōlaga hē pūlea pe fakalogogatā.

Tito 1:10

Auā e tokalahi nā tino, kae maihe lava ki lātou nae i te tāpuakiga faka-Iutaia, e teteke ma fakahehē ki iētahi tino, i nā kupu e hēai ni uiga e tautatala ai.

Iuta 1:15

ke fakamahino ia tagata uma, ma ke fakahalagia ki lātou uma mo o lātou uiga hē mātataku i te Atua ma nā kupu kino uma na tautatala ai nā tino agahala, e teteke ai ki te Aliki.”