1 Timoteo 1:10 - Tokelauan New Testament

¹⁰ nā tino fai āmio mātagā, nā tamāloa e nanau ki nā tino o iētahi tamāloa, nā tino e pukea fakamālohi iētahi tino, nā tino tala pepelo ma molimau pepelo, pe faia foki ho he mea e teteke ki ei nā akoakoga moni faka-Kelihiano,

1 Timoteo 1:10 Referans Kwoze

2 Timoteo 4:3

Auā e hau nā taimi ka hē toe fia fakalogo ai nā tino ki nā akoakoga moni, kae ka mulimuli lava ki o lātou tuinanauga, ma fakamāopoopo ai mo ki lātou lava ni faiakoga ke ki lātou taku akea nā mea e fia fakalogo ki ei o lātou taliga.

Loma 1:26

Ona e ki lātou faia nā mea iēnei, kua tīaki ai ki lātou e te Atua ke fai pea o lātou tuinanauga mātagā. E pa foki lava ki fafine, kua hē fia fakaaogā o lātou tino e vē ko te natula i te va o te fafine ma te taulelea, kae kua fakaaogā i ni auala e hē tuha ma te natula.

Fakaaliga 21:27

Kae ka hēai lele he mea e hē mamā e fakaulu ki loto o te kakai, pe he tino e fai āmio mātagā pe talapepelo. Nā ko nā tino lava e tūhia o lātou igoa i te tuhi o te ola a te Punuamāmoe, te ka mafai oi ulufale ki loto o te kakai.

1 Timoteo 6:3

Ko ai lava e ia akoakoa he talitonuga e kehe mai i nā kupu moni a to tātou Aliki ko Iehu Keliho ma nā akoakoga a te tātou talitonuga faka-Kelihiano,

Iuta 1:7

E manatua e koutou ia Hotoma ma Komolo ma nā kakai nae pili ki ei? Nae vē foki lava nā mea nae fai e nā agelu iēnei. Nae fai e ki lātou nā uiga mātagā ma tuinanauga ki te tino e hē tuha ai ma te natula; kua pakia ki lātou i te fakahalagia i te afi e hē mate lele, ke fakamanatu ai ki tagata uma, ke nahe ki lātou faia nā uiga iēnei.

Tito 1:9

E tatau ke tāofi mau e ia te kupu moni e vē ona akoakogia ai ia, kae ke ia mafaia oi fakaako ia tagata i te talitonuga moni ma fakailoa te hehē o nā tino e teteke ki ei.

Fakaaliga 21:8

Kae ko nā tino palakakai, vēnā ma nā tino kua toe liliu kehe mai te Atua, nā tino āmio kino, nā tino tāmate tino, nā tino e tuinanau ki te tino, nā taulāitu, nā tino e ifo ki tupua ma nā tino talapepelo uma lele — ko te nofoaga mo ki lātou ko te vaitūloto e mumū i te afi ma te teiō, ko te oti tēnā tona lua.”

Epelu 13:4

Ke fakamamalu e koutou uma te āvaga fakaipoipo, ma e tatau te tāne ma te fafine kua fakaipoipo, ke fakamāoni tētahi ki tētahi. Ka fakamahinogia e te Atua nā tino e faia nā āmio kino ma te mulilua.

Fakaaliga 22:15

Kae i fafo o te kakai, ka i ei ai nā tino e vē ni kulī, nā taulāitu, nā tino e tuinanau ki te tino, nā tino tāmate tino, nā tino ifo ki tupua, nā tino e fiafia oi tala pepelo ma fai nā mea hehē.

2 Timoteo 1:13

Pipiki mau ki nā kupu moni na akoako atu ai koe e au ke fai ma takiala ki a te koe, ma tūmau i te fakatuatua ma te alofa e maua e ki tātou i te māfutaga ma Keliho Iehu.

Ioane 8:44

Ko koutou ko nā fānau a te koutou tamana, te Tiāpolo, ma e fofou lava koutou ke fai te mea e fofou ia ki ei. Mai te kāmataga, ko ia ko he fahioti tagata ma nae hē fofou lele ki te meamoni, ona e hēai he meamoni e ia te ia. Kāfai e tautala i te pepelo, e fai lava e ia te mea kua māhani ai, auā ko ia ko he tino talapepelo, ma ko te tamana o talapepelo uma.

Fakaaliga 18:13

ko nā hinamona, nā mea fakamanogi meakai, nā meamanogi, nā mulo, ma nā lipano; ko nā uaina ma nā lolo, nā falaoa mata ma nā haito ko hēki tukia, nā povi ma nā māmoe, nā holofanua ma nā tāvale holofanua, nā pologa, ma nā tino kua puke fakatagata-o-taua.

1 Timoteo 4:6

Kāfai e tuku atu e koe nā fakatonuga iēnei ki nā tino kua talitonu, ka kavea koe ma kaukauna lelei a Keliho Iehu. Ka fakaalia e koe ko koe kua matua i nā akoakoga e uiga ki to tātou talitonuga ma nā takitakiga kua mulimuli koe ki ei.