1 Kolinito 4:9 - Tokelauan New Testament

⁹ Auā e fōliga kua tuku e te Atua ki mātou te kau apohitolo ki te tūlaga e pito maualalo, e vē ni tino kua fakahalagia ke feoti i mua o tagata, e vē he mataaga mo te lalolagi kātoa o te kau agelu ma o tagata ola uma.

1 Kolinito 4:9 Referans Kwoze

Epelu 10:33

E i ei nā taimi nae fakamātagā ma fakahāuāgia ai koutou i mua o tagata, ma e i ei foki iētahi taimi nae fiafia lava koutou oi olo ke puapuagā fakatahi koutou ma nā tino nae fai ki ei nā faiga iēnei.

Loma 8:36

E vē oi lea mai te tuhituhiga paia, “Ona ko ki mātou e tautua ki a te koe, kua lamatia ai o mātou ola i taimi uma; ko ki mātou e vē ko nā māmoe kua hāuni ke tāmate.”

Epelu 1:14

Ko nā agelu la ni a? Ni agaga e tautua ki te Atua ma e uga atu e ia ke fehoahoani ki nā tino ka fakaolagia.

Epelu 11:36

Ko iētahi nae fakatauemu ki ei ia tagata ma kini, ma ko iētahi nae haihai i nā filifili ukamea ma togi ki te falepuipui.

1 Tehalonia 3:3

kae nahe i ei he tino o koutou e toe holomuli ona ko nā fakahāuāga. E iloa lelei lava e koutou ko nā fakahāuāga ko he vāega lava tēnā o te finagalo o te Atua mo ki tātou.

2 Kolinito 6:9

Ko ki mātou e vē ni tino e hē iloa e tagata, oi kae e iloa e tagata uma ki mātou; e vē ki mātou ni tino kua feoti, kae e vē oi koutou kitea, ko ki mātou e ola lava. E ui e kini ki mātou, kae e hē oti ai ki mātou;

Gāluega 19:31

Ko iētahi o takitaki o te fenua, ni uō e a Paulo, na kave foki te lātou fakatagi ki a Paulo ke nahe fano ki te malae.

Gāluega 19:29

Kua halalau te vevehi ki te kakai kātoa. Oi puke ai e te kaifenua ia Kaio ma Alihitako, ni tino Maketonia nae malaga fakatahi ma Paulo, ma kave ki te malae e maopoopo ki ei ia tagata o te kakai.

1 Kolinito 15:19

Kāfai ko to tātou fakamoemoe ki a Keliho e lelei oioti mo te ōlaga tēnei, ko tona uiga ka hili atu te fakaalofa o te tūlaga e i ei ki tātou i lo iētahi tino uma i te lalolagi.

2 Kolinito 11:23

Ni kaukauna nei ki lātou e a Keliho? Ko au e vē he vale — kae ko au he kaukauna e hili lele atu ia te ki lātou! E hili atu toku galue mālohi, e lahi atu nā taimi nae i te falepuipui ai au, e lahi atu nā taimi na kini ai au, ma e lahi atu nā taimi na mea e mate ai au.