1 Kolinito 3:6 - Tokelauan New Testament

⁶ Na totō e au te fatu, na fakahūhū e Apolo, kae ko te Atua te na ia fakaola te lākau.

1 Kolinito 3:6 Referans Kwoze

1 Kolinito 1:30

Kae kua kaumai koutou e te Atua ki te māfutaga ma Keliho Iehu, ma faia e te Atua ia Keliho ke kavea ma o tātou poto. Ona ko Keliho, kua mafai ai ke fakalelei to tātou va ma te Atua; kua fai ai ki tātou ma tagata o te Atua, ma kua maua ai e ki tātou te haolotoga.

1 Kolinito 9:1

E hē ia te au nei te haolotoga? E hē ko au nei he apohitolo? E hēki kō kitea nei ia Iehu to tātou Aliki? E hē ko koutou nei kua vēnā ona ko taku gāluega mo te Aliki?

Gāluega 19:1

I te taimi ka koi i Kolinito ai ia Apolo, na faimalaga ai ia Paulo kui loto o te kogāfenua o Kalatia ma Fulugia, ma taunuku atu ki Efeho. Na maua e ia i kinā ni tino Kelihiano,

Gāluega 11:18

Kua fakalogo atu ki lātou ki te mea tēnei, oi uma ai foki te lātou fakaheā, kae kua viviki ake ki te Atua, ma lea vēia “Kua tuku atu foki la e te Atua te avanoa ki tagata nukukehe ke halamō, ma ke maua ai e ki lātou te ola.”

1 Tehalonia 1:5

Auā ko te Tala Lelei e hēki ki mātou kavatua ki a te koutou i nā kupu oioti, kae na kavatu foki i te mana o te Agaga Paia, ma te kātoatoa o te mautinoa ki te moni o te fekau. E iloa e koutou te ōlaga nae ola ai ki mātou ka koi māfuta fakatahi ai ki tātou, e mo te lelei o koutou.

Loma 15:18

Ko au ka hē popoi lele ma ka tautala oioti lava ki nā mea kua fai e Keliho kui mai ia te au, ke takitaki ai ia tagata nukukehe ke uhitaki ki te Atua. Kua fai e ia te mea tēnei e ala i nā kupu ma nā gāluega fakatino,

Gāluega 21:19

Na fakafeiloaki atu ki lātou e Paulo, ma kavatu ki a te ki lātou he līpoti kātoatoa o nā mea uma na fai e te Atua ki tagata nukukehe, e ala i tana gāluega.

Gāluega 18:24

I te taimi tēnā na fano ai ki Efeho ia Apolo, he tino Iutaia na fānau i Alehania. He tino poto tautala, ma mālamalama lelei i nā Tuhituhiga Paia.

Gāluega 16:14

Ko tētahi o fafine na ia lagona a mātou tala ko Litia, e hau mai Tuateilo, he tino fakatau koloa i nā kie violē taugatā. Ko he fafine nae tāpuaki ki te Atua, ma na tatala ai e te Aliki tona māfaufau ke mālamalama i te mea nae tautala ai ia Paulo.

Gāluega 14:27

Kua pa atu ki lāua ki Anitioka, oi fakapotopoto ai e ki lāua ia tagata o te Ekalehia, ma fakamatala ai ki ei nā mea na fai e te Atua ki a te ki lāua, ma te auala na ia hāuniagia ke mafai ai ia tagata nukukehe ke talitonu.

1 Kolinito 1:12

Ko te uiga o taku lea atu: Ko koutou tau tokatahi, e kehekehe nā mea e tautatala ai koutou. E lea tētahi, “Ko au e mulimuli ki a Paulo”; ko tētahi, “Ko au e mulimuli ki a Apolo”; ko tētahi, “Ko au e mulimuli ki a Kepa”; ma tētahi, “Ko au e mulimuli ki a Keliho.”

1 Kolinito 3:7

Ko te tino na ia totōa ma te tino na ia fakahūhūa e hē tāua. Kae ko te Atua te tāua, auā na fakaola e ia te lākau.

1 Kolinito 3:22

pe ko Paulo, pe ko Apolo, pe ko Kepa, pe ko te lalolagi nei, pe ko te ola pe ko te oti, pe ko te taimi nei pe ko te lumanaki — ko nā mea uma iēnei e a koutou,

Efeho 3:17

ma ko au e tatalo ko Keliho ke mau i nā loto o koutou e ala i te koutou fakatuatua. Ko au e tatalo ke mautū lelei te koutou fakavae i luga o te alofa,