1 Ioane 3:3 - Tokelauan New Testament

³ Ko nā tino uma e i ei to lātou fakamoemoe ia Keliho, ka fakamamā pea lava ki lātou e ki lātou, e vē foki lava ko Keliho e mamā.

1 Ioane 3:3 Referans Kwoze

2 Kolinito 7:1

Te kau uho pele, ko nā folafolaga iēnei kua uma te fai e te Atua mo ki tātou. Ko te mea ia, fakamamā loa ki tātou mai nā mea uma e hē mamā ai o tātou tino ma o tātou agaga, ma ke paia kātoatoa ki tātou e ala i te mataku i te Atua.

1 Ioane 2:6

ko te tino la e lea ko ia e tūmau i te māfutaga ma te Atua, e tatau ke fakatakitaki ki nā mea nae fai e Iehu Keliho.

2 Petelu 3:14

Ko te mea ia te kau uho pele, ka koi fakatalitali koutou ki te Aho tēnā, taumafai mālohi ke mamā ma hēai he mea e kino ai koutou i te kikila a te Atua, ma ke i ei koutou i te fīlēmū ma ia.

Mataio 5:48

E tatau koutou ke lelei kātoatoa — ke vē ko te koutou Tamana i te lagi e kātoatoa tona lelei.

Epelu 12:14

Taumafai ke maua te fīlēmū i te va o koutou ma iētahi tino uma lele, ma taumafai oi ola e vē ko nā tino kua ofo atu o lātou tagata mo te Atua, auā e hēai he tino e mafai ke kikila ki te Aliki kāfai e hē ia faia te mea tēnei.

Epelu 7:26

Ko Iehu la ko te Ulu Ohitāulaga e maua ai e ki tātou te fehoahoani i ho he mea e fofou ki tātou ki ei. E lelei lava ia i te kikila a te Atua, e hēai hona hehē pe he agahala; kua tuku kehe ia mai tagata agahala ma hiki ake e te Atua ki te lagi.

Kolohe 1:5

I te taimi muamua na pa atu ai te fekau moni ki a te koutou, ko te Tala Lelei tēnā, na fakalogo koutou ki te fakamoemoe e folafola mai ai. Ko te koutou fakatuatua la ma te koutou alofa, e fakavae i te mea kua fakamoemoe koutou ki ei, tēia e teu malu mo koutou i te lagi.

Gāluega 15:9

E hēki fakakehekehea e ia ki tātou ma ki lātou; na fakamāgalo e ia a lātou agahala ona kua talitonu.

Tito 3:7

kae ke mafai ai ke fakalelei te va o ki tātou ma te Atua e ala i tona alofa tūnoa, ma maua ai e ki tātou te ola e fakavavau tēia e fakamoemoe ki tātou ki ei.

2 Petelu 1:4

E ala i nā mea uma iēnei, kua ia fōki maia ai ki a te ki tātou nā meaalofa tāua lahi na ia folafola maia, kae ke fai tēnā ma auala ke hao ai koutou mai nā tuinanauga kino o te lalolagi e fakatāugā ai ia tagata, ma mafai ai koutou ke kavea ma tagata e faia te finagalo o te Atua.

Luka 6:36

Koutou la ke agalelei ki iētahi tino, e vē ko te koutou Tamana e agalelei.

1 Ioane 4:17

Ko te alofa kua kātoatoa te lelei i loto ia te ki tātou, kae ke ia te ki tātou ai te loto mautinoa i te Aho Fakamahino; ma ka mautinoa e ki tātou, auā ko to tātou ola i te lalolagi nei, e vē foki lava ko te mea na pa ki ei ia Keliho.

Epelu 6:18

Ko nā mea la iēnei e lua, e hē mafai ke toe huia ma e hē mafai te Atua ke pepelo e uiga ki ei. Ko ki tātou la iē kua maua te haogalēmū i te Atua, ka ātili mautū ai to tātou pipiki ki te fakamoemoe kua ia kaumaia ki a te ki tātou.

2 Tehalonia 2:16

Ke fōki mai ki a te ki tātou i te alofa tūnoa o to tātou Aliki ko Iehu Keliho ma te Atua to tātou Tamana, tē e alofa mai ki a te ki tātou, te fakamāfanafanaga tūmau ma te fakamoemoe mautū,

Loma 15:12

Oi lea mai foki ia Ihaia, “Ka hau he lāpuna o Iehe ka hau ke pule ki tagata nukukehe, ma ka tuku atu ki ona luga to lātou fakamoemoe.”

Ioane 17:19

Ona ko ki lātou, e ofo kātoatoa atu ai au mo koe, kae ke mafai ai foki ke ofo kātoatoa atu ki lātou mo koe, ma te fakamāoni.

Iakopo 4:8

Fakatafapili ki te Atua, oi fakatafapili mai ai ia ki a te koutou. Fafano outou lima, koutou nā tino agahala! Fakamamā outou loto, koutou nā tino fakagutugutulua!

1 Petelu 1:3

Ke vīkia te Atua ma te Tamana o to tātou Aliki ko Iehu Keliho! Ona ko te lahi o tona alofa fakahao na ia fōki maia ai ki a te ki tātou te ola fou, e ala i te toetū o Iehu Keliho mai te oti. Ko ki tātou kua fakatumulia i he fakamoemoe e ola pea lava,

1 Petelu 1:15

Kae ke fakapaiagia outou tagata i nā mea uma e fai e koutou, e vē foki lava ko te Atua na filifiliagia koutou, e paia.