1 Ioane 1:8 - Tokelauan New Testament

⁸ Kāfai ki mātou e lea e hēai ni a mātou agahala, kua pepelo lava ki mātou ki a te ki mātou, ma e hēai he meamoni ia te ki mātou.

1 Ioane 1:8 Referans Kwoze

Loma 3:23

Ko ki tātou uma lele kua agahala, ma kua hē ki tātou mafaia ai oi fakailoa atu te mamalu o te Atua.

Iakopo 3:2

Ko ki tātou uma e tofu ma te hehē. Kae kāfai he tino e hēai lele hona hehē i nā kupu e tautala ai, ko te tino tēnā e kātoatoa te lelei ma e ia mafaia foki oi pūlea tona tino kātoa.

1 Ioane 2:4

Ko te tino e lea e ia iloa te Atua, kae e hē uhitaki ki te mea e fakatonu mai e te Atua, ko te tino tēnā e talapepelo ma e hē i loto ia te ia te meamoni.

1 Ioane 1:10

Kāfai ki mātou ka lea ko ki mātou e hēki agahala, ka taku pepelogia e ki mātou te Atua, ma ko tana kupu e hē i loto ia te ki mātou.

Kalatia 6:3

Kāfai he tino e manatu e tāua atu ia i lo hētahi tino, kae ko te meamoni e hē ko he tino e tāua, ko tona uiga kua fakahehē lava ia e ia.

Iakopo 1:26

Kāfai he tino o koutou e manatu ko ia ko he tino tāpuaki ki te Atua kae hē tāofiofia tona laulaufaiva, e hēai lele he aogā o tau tāpuakiga, ma e fakahehē lava koe e koe.

1 Timoteo 6:5

ma te tauaikupu o nā tino kua hē lelei nā māfaufau, ma kua hē toe ia te ki lātou te meamoni. Ko nā tino iēnei e vēakē ko nā mea tau tāpuakiga e maua ai ni koloa e lahi.

1 Kolinito 3:18

Ia koutou lele nahe fakahehēagia. Kāfai he tino o koutou e manatu ko ia e poto i nā mea o te lalolagi nei, e tatau i te tino tēnā ke kavea ma vale, kae ke poto moni ai ia.

2 Ioane 1:2

auā ko te meamoni tēnei e tūmau i loto ia te ki mātou ma ka i ei pea ia te ki mātou ke pa ki te hēgata.

1 Ioane 1:6

Kāfai la ki mātou e lea atu ko ki mātou e māfuta ma ia, kae ko ki mātou e nonofo i te pōuliuli, ko ki mātou la kua pepelo ia mātou kupu ma a mātou gāluega e fai.

Iakopo 1:22

E tatau ke fakatino e koutou te kupu a te Atua, kae hē nā ko te fakalogo oioti ki ei, auā ko te mea ia te ka fakahehē ai koutou.

2 Timoteo 3:13

ma ko nā tino āmio kino ma tau fakahehē, ka fakaatili te kino o a lātou mea e fai, i te fakahehēga o tagata ma te fakahehēga foki lava o ki lātou.

3 Ioane 1:3

Ko au na fiafia lahi lele i te taunuku maiga o ni uho Kelihiano, ma ki lātou molimaugia te pipiki o koe ki te meamoni — e vē lava ona ola ai koe i aho uma, i te meamoni.

2 Petelu 2:13

ma ka toe tauia lava ki lātou i nā puapuagā mo nā puapuagā na ki lātou fakatupuagia. He fiafiaga e o ki lātou te fai pātī i te ao teatea; te fakamā ma te fakatakuvalea kāfai e kakai fakatahi ma koutou, ma e fiafia pea lava oi fai o lātou uiga tau fakahehē.

Ioane 8:44

Ko koutou ko nā fānau a te koutou tamana, te Tiāpolo, ma e fofou lava koutou ke fai te mea e fofou ia ki ei. Mai te kāmataga, ko ia ko he fahioti tagata ma nae hē fofou lele ki te meamoni, ona e hēai he meamoni e ia te ia. Kāfai e tautala i te pepelo, e fai lava e ia te mea kua māhani ai, auā ko ia ko he tino talapepelo, ma ko te tamana o talapepelo uma.

Loma 3:10

E vē oi lea mai nā Tuhituhiga Paia; “E hēai lele he tino kua fakaleleia tona va ma te Atua,

1 Ioane 4:20

Kāfai ki tātou e lea ko ki tātou e alolofa ki te Atua kae inoino ki o tātou uho ma o tātou tuafafine, ko ki tātou ni tino tala pepelo. Auā e hē mafai ki tātou ke alolofa ki te Atua e hē ki tātou kiteagia, kāfai ki tātou e hē alolofa ki o tātou uho ma o tātou tuafafine e kitea e ki tātou.