1 Ioane 1:5 - Tokelauan New Testament

⁵ E vēnei la te fekau kua fakailoa mai e tona Ataliki ki a te mātou: Ko te Atua ko te mālamalama, ma e hēai lele he pōuliuli ia te ia.

1 Ioane 1:5 Referans Kwoze

Ioane 8:12

Kua toe vāgana atu ia Iehu ki te kau Falehaio, “Ko au ko te mōlī mo tagata uma o te lalolagi. Ko te tino e mulimuli mai ki a te au, ka hē havali lele i te pōuli, kae ka maua e ia te mālamalama e takitakia ai ki te ola moni.”

Iakopo 1:17

Ko nā meaalofa uma lele e lelei ma kātoatoa, e mai te lagi. E fanaifo ki lalo mai te Atua, tē na faia ia mea pupula uma i te lagi, ma e tūmau pea lava ma hēai hona hūiga, pe he ataata kāfai e liliu.

Ioane 1:9

Ko te mālamalama moni tēnei — ko te mālamalama e hau ki te lalolagi ma huhulu atu ki tagata uma, kae ke ki lātou kitea ai te meamoni.

Ioane 1:4

Ko te Kupu ko te puna o te ola, ma ko te ola tēnei na kaumaia te mālamalama ki tagata.

Ioane 9:5

Ka koi i te lalolagi au, ko au ko te mālamalama o te lalolagi.”

Fakaaliga 22:5

Ka hē toe i ei he pō, ma ka hē toe manakomia e ki lātou ni mōlī pe ko te huhulu o te la, auā ko te Aliki te Atua ka fai ma o lātou mōlī, ma ka ia te ki lātou te pule fakatupu ke pa ki te fakavavau.

Fakaaliga 21:23

Kua hē toe manakomia e te kakai te la ma te māhina, auā ko te pupula o te mamalu o te Atua e huhulu ki ei, ma ko te Punuamāmoe ko tona mōlī ia.

1 Timoteo 6:16

Nā ko ia lava te ola pea lava; e nofo ia i te mālamalama e pupula lahi e hē mafai ke kikila ki ei he tino, ma e hēai he tino na kua ia kitea, pe mafai foki ke ia kitea. Ke ia te ia te vīkiga ma te mana e fakavavau! Amene.

1 Ioane 3:11

Ko te fekau na fakalogo koutou ki ei mai te kāmataga ko tēnei: e tatau ki tātou ke alofa tētahi ki tētahi.

1 Kolinito 11:23

Auā ko nā akoakoga na kō kavatua ki a te koutou, na tuku mai e te Aliki ki a te au: i te pō na fakalata ai te Aliki ko Iehu, na tago ai ki he falaoa,

Ioane 1:19

Ko tēnei te molimau a Ioane, i te uga atuga e nā takitaki o Iutaia i Ieluhalema ni ohitāulaga ma ni ha-Levī ke fehili vē ki ei, “Ko ai koe?”