1 Ioane 1:2 - Tokelauan New Testament

² I te fakailoa maiga o te ola tēnei, na kitea e ki mātou; ko ki mātou la e molimau ki te mea na kikila ki mātou ki ei, ma fakailoa atu ki a te koutou e uiga ki te ola e hē gata nae i ei ma te Tamana, ma na fakailoa mai ki a te ki mātou.

1 Ioane 1:2 Referans Kwoze

1 Ioane 5:20

E iloa e ki tātou ko te Ataliki o te Atua kua hau ma kua ia fakailoa maia te Atua moni. Ko ki tātou e ola i te māfutaga ma te Atua moni — i te māfutaga ma tona Ataliki ko Iehu Keliho. Ko tēnei te Atua moni, ma ko tēnei te ola e hē gata.

Ioane 1:4

Ko te Kupu ko te puna o te ola, ma ko te ola tēnei na kaumaia te mālamalama ki tagata.

1 Timoteo 3:16

Kua iloa uma lele e ki tātou, te uiga kehe o te mealilo e uiga ki to tātou talitonuga: Na hau ia i tona tino tagata, na fakamāonia te hako o ia e te Agaga, ma na kitea ia e agelu. Na tālaki e uiga ki a te ia ki nukukehe, na talitonu ki a te ia te lalolagi, ma na kavake ki te lagi e te Atua.

Ioane 17:3

Ma ko te uiga o te ola fakavavau, ko te iloa o koe, te Atua moni e tokatahi, ma te iloa o Iehu Keliho, tē na uga mai e koe.

1 Ioane 5:11

Ko tēnei te molimau: Kua fōki mai e te Atua ki a te ki tātou te ola e hē gata, ma ko te ola tēnei e maua e ala i tona Ataliki.

1 Ioane 3:8

Ko ai lava e ia faia pea lava te agahala, ko ia tēnā e o te Tiāpolo, auā ko te Tiāpolo na agahala mai lava i te kāmataga. Ko tēnei tonu lava te mea na hula mai ai te Ataliki o te Atua, ke fakahēaogā nā gāluega a te Tiāpolo.

Tito 1:2

iē e fakavae i luga o te fakamoemoe mo te ola fakavavau. Ko te Atua e hē pepelo, ma na ia folafola maia te ola fakavavau tēnei ka ko hēki faia te lalolagi,

Ioane 14:6

Oi tali mai ai ia Iehu ki ei, “Ko au ko te ala ma te meamoni ma te ola; e hēai he tino e fano ki te Tamana, vaganā e kui mai ia te au.

1 Ioane 3:5

E iloa e koutou ko Keliho na hau ke kave kehe nā agahala, ma e hēai lele hana agahala.

2 Timoteo 1:10

kae nei kua fakaalia ki a te ki tātou, e ala i te haele mai o to tātou Fakaola ko Keliho Iehu. Kua fakauma e ia te mālohi o te oti, ma fakailoa mai e ala i te Tala Lelei, te ola e hē uma.

Kalatia 4:4

Kae i te pa maiga o te taimi tonu na fuafuagia, oi uga mai ai e te Atua tona lava Ataliki. Na fānau mai i he fafine, ma na ola ake i lalo o nā Tūlāfono Iutaia,

Ioane 15:27

Ma ko koutou foki, ka molimau e uiga ki a te au, auā nae fakatahi lava koutou ma au mai te kāmataga.

Gāluega 3:15

Na tāmate e koutou te tino e takitaki e ia ia tagata ki te ola moni, kae kua toe fakatū e te Atua mai te oti — ma ko ki mātou ni molimau ki te mea tēnei.

1 Petelu 5:1

Ko au he toeaina, ma e molimau au e uiga ki nā puapuagā na pa ki ei ia Keliho, ma ka i ei fakatahi au ma ia i tona mamalu i te taimi ka fakaalia ai. Ko au la e aioi atu ki a te koutou nā toeaina o te Ekalehia,

Loma 8:3

Na fai e te Atua te mea e hēki mafai e te Tūlāfono, ona ko te vāivai o te natula fakatetagata. Na taku halagia e ia te agahala i te natula fakatetagata, i te uga maiga e ia o tona Ataliki, tēia na hau ma he natula agahala fakatetagata e vē foki lava ko ki tātou, ke fakauma ai te agahala.

Gāluega 10:41

e hē ki tagata uma, kae ki a te ki mātou oioti kua uma te filifilia e te Atua, ki mātou iēnei na kakai ma inu fakatahi ma Iehu talu tona toetū mai te oti.

Gāluega 5:32

Ko ki mātou ni molimau ki nā mea iēnei — ki mātou ma te Agaga Paia, tē kua fōki e te Atua mo ki lātou e uhitaki ki a te ia.

Gāluega 2:32

Kua toe fakatū mai i te oti e te Atua te Iehu lava tēnei, oi ko ki mātou uma iēnei ni molimau ki te mea tēnā.

Ioane 21:14

Ko te fakatolu tēnei o taimi kua fakailoa ai ia Iehu ki ona hoko, talu tona toetū mai te oti

Ioane 17:5

Te Tamana, fakailoa ko i te taimi nei e ala i tō fakatahi ma au, toku mamalu, te mamalu nae ia te au fakatahi ma koe, ka ko hēki faia te lalolagi.

Ioane 16:28

Ko au na hau mai te Tamana ki te lalolagi; ma i te taimi nei, ka kō tukua te lalolagi kae fano ki te Tamana.”

Ioane 8:38

Ko au e tautala i nā mea kua fakahino mai e toku Tamana ki a te au, e vē lava ona koutou faia nā mea e lea atu ai te koutou tamana ki a te koutou.”

Ioane 7:29

kae e kō iloa, auā ko au na hau mai ia te ia ma, na ia uga maia au.”

Ioane 3:13

E hēai he tino na kua fanake ki te lagi, vaganā ai te Ataliki o te Tagata, na fanaifo mai te lagi.”

Ioane 1:18

E hēai he tino na kua ia kitea te Atua. Ka ko te Ataliki e tokatahi e nofo i tafa o te Tamana, ko ia te kua ia fakailoa maia te Atua.

1 Ioane 1:1

Ko ki mātou e tuhi atu ki a te koutou e uiga ki te Kupu o te ola, tēia nae i ei mai lava i te kāmataga. Kua fakalogo ki mātou ki ei, ma kua kikila o mātou mata ki ei; io, kua kitea e ki mātou, ma kua paki ki ei o mātou lima.

Ioane 10:28

E kō fokia ki a te ki lātou te ola e fakavavau, ma ka hē fakaumatiagia lele ki lātou. E hē mafai e he tino oi hamu kehe atu ki lātou mai taku tauhiga.

Ioane 19:35

Ko tē na kikila ki ei kua takutino e ia, kae ke talitonu ai foki koutou. Ko tana takutinoga e hako, ma e ia iloa ko ia e tautala i te meamoni.)

1 Ioane 2:25

Ma ko tēnei te mea na folafola mai e Keliho lava ia mo ki tātou — ko te ola e hē gata.

1 Ioane 4:2

Ko tēnei te mea ka koutou iloa ai pe ko te agaga e mai te Atua: ho he tino e takutino e ia ko Iehu Keliho na hau e vē he tagata ola, ko te tino tēnā e ia te ia te Agaga e hau mai te Atua.

1 Ioane 4:14

Ma kua ki tātou kiteagia ma ki tātou takutinoa ki iētahi tino, ko te Tamana te na ia uga mai tona Ataliki ke kavea ma Fakaola o te lalolagi.

1 Ioane 5:13

Ko au e tuhi atu vēnei ki a te koutou kae ke koutou iloa kua maua e koutou te ola e hē gata — koutou iēnā kua talitonu ki te Ataliki o te Atua