1 Ioane 1:1 - Tokelauan New Testament

¹ Ko ki mātou e tuhi atu ki a te koutou e uiga ki te Kupu o te ola, tēia nae i ei mai lava i te kāmataga. Kua fakalogo ki mātou ki ei, ma kua kikila o mātou mata ki ei; io, kua kitea e ki mātou, ma kua paki ki ei o mātou lima.

1 Ioane 1:1 Referans Kwoze

Ioane 20:27

Oi vāgana atu ai ki a Toma, “Tuku mai tō muamuālima ki eī, ma kikila ki oku lima; papae mai tō lima ki te māila i toku itū. Ia koe la nahe toe māhalohalo, kae talitonu.”

Gāluega 4:20

Auā e hē kimā mafaia oi hē tautatala e uiga ki nā mea kua kikila ma fakalogo ki māua ki ei.”

1 Ioane 4:14

Ma kua ki tātou kiteagia ma ki tātou takutinoa ki iētahi tino, ko te Tamana te na ia uga mai tona Ataliki ke kavea ma Fakaola o te lalolagi.

Ioane 5:26

Auā ko te Tamana lava ia te puna o te ola, ma kua vēnā foki oi kavea e ia tona Ataliki, ke fai ma puna o te ola.

Luka 24:39

Kikila mai ki oku lima ma oku vae, e koutou kitea ai ko au tēnei. Tago mai ki toku tino, oi iloa ai e koutou, auā ko te agaga e hēai ni ona kanofi ma ni ona ivi, e vē ko au.”

Ioane 8:58

Kua tali mai ia Iehu, “E takutino atu e au ki a te koutou te meamoni, ka ko hēki fānau mai ia Apelaamo, ka kua i ei Au Ko Au Lava Au.”

Fakaaliga 1:8

“Ko au ko te Alefa ma te Ōmeka,” kua vāgana ai te Aliki te Atua Hilihilikehe te Mālohi, tē e ola nei, nae ola pea lava, ma ka haele mai.

Ioane 19:35

Ko tē na kikila ki ei kua takutino e ia, kae ke talitonu ai foki koutou. Ko tana takutinoga e hako, ma e ia iloa ko ia e tautala i te meamoni.)

Gāluega 1:3

I nā aho e fahefulu talu te mate o Iehu, na ia fakakitea ia ki a te ki lātou i ni taimi e lahi, ma i ni auala e fakamāonia lelei ai ko ia kua toe tū mai i te oti. Na ki lātou kitea ia Iehu, ma na tautala ia Iehu ki a te ki lātou e uiga ki te Mālō o te Atua.

Fakaaliga 19:13

Ko te kofu tatao o ia e fai, e galo i te toto. Ko tona igoa “Ko te Kupu a te Atua.”

Fakaaliga 2:8

“Tuhi vēnei ki te agelu o te Ekalehia i Himuna: “Ko te fekau tēnei mai tē e takua ko te muamua ma te mulimuli, na mate kae na toe ola mai.

Luka 1:2

Na tūhia e ki lātou nā mea na fakailoa mai ki a te ki mātou e nā tino nae i ei i te kāmataga ma nae ki lātou folafolagia te fekau.

Fakaaliga 1:11

E lea vē mai, “Tuhi ki lalo nā mea e kitea e koe ki he tuhi, ma kave ai te tuhi ki nā Ekalehia i nā kakai iēnei e fitu: ko Efeho, ko Himuna, ko Pekamoni, ko Tuateilo, ko Hateihi, ko Filatelefeia, ma Laotikeia.”

1 Ioane 5:7

E toka tolu ia molimau:

Epelu 2:3

E vēhea nei la ona mafai ke fakahao ki tātou mai te fakahalaga, kāfai e hē ki tātou taliagia te fakaolataga tāua tēnei? Ko te Aliki lava ia te ia mua folafola maia te fakaolataga tēnei, ma ko ki lātou na fakalogo ki ei na ki lātou fakamāonia mai ki a te ki mātou, te hako o tēnei mea.