Yudas 1:7 - En Taar Weru a nunuwu' é Tontemboan

⁷ Taniitu ka'i eng kota Sodom wo eng Gomora wo sé kota an sangkumna. Sé tou a mangé mbitu mengaéma' sé meputé wo im pinengaéma' é malaékat itu, ampa'paan séra mengabersina wo maéma' ing kasalé'an in owak sé ra'ica loor. Ampa'paan in itu séra makéré in ukuman an api si ra'ica mape'de-pe'del akar ing kauré-uré, en itu mamuali popokéi a sé pakasa in tou.

Yudas 1:7 Referans Kwoze

2 Petrus 2:6

Tanu siitu ka'i si Amang Kasuruan imukum sé tou sé ra'ica makiit ing kasalé'an-Na ang kota Sodom wo Gomora. Eng kota éra niukum-Na in api, akar séra im baya makatunu-tunu. Niéma'-Na taniitu wosama' séra mamuali tata'néi a sé tou sa, sé ra'ica makiit ing kasalé'an-Na.

Lukas 17:29

Taan an tutuw si Lot kumesot ang kota Sodom, tumumpa mai en uran api wo walélang an langit owo wo méma' séra im baya maté.

Matius 25:41

Wo icua-Na oka ka'i a sé tou ang ka'biri-Na, ‘Kamu itu sé tou kinutuko. Tumayango mangé kamu an dior-Ku wo mangé muntep an api ra'ica mape'de-pe'del akar ing kauré-uré an tampa si aitu'tulo torona i kikiiten é sétang wo sé makiit sia.

1 Korintus 6:9

Ra'ipé' réén kailekan iow sapaoka sé tou mengaéma' sé ra'ica wutul séra ra'ica mamuali tou i Amang Kasuruan ang Kakolanoan-Na? Ampa'paan in itu tioo kamu kauwakan. Sé tou cabul, maapo' a sé opo-opo', sé tou mabersina wo si ra'ica penanaanna, mengacabul wo sé kakélé tuama,

2 Petrus 3:7

Taan en langit wo eng kayo'baan intarépé' pakatéirané' i nunuwu'-Na itu, en tunun in api sa. Intarépé' en langit wo eng kayo'baan pakatéirané' akar asi endo sé tou léwo' akimen wo patén-Na.

Matius 11:24

Taan icua-Ku mangé ai camu: Asi endo kaka'puan ing kayo'baan, en ukuman iow lébé uterai wo in ukuman é tou an Sodom itu.”

Matius 10:15

En ulitna icua-Ku mangé ai camu, asi endo kaka'puan ing kayo'baan sé tou ang kota Sodom wo ang Gomora lébé porakai en ukumanna wo taré sé tou ang kota itu.”

2 Tesalonika 1:7

Émaan-Na oka ka'i kamu wo icami cawekar an okoi wo ang kawenduan an tutuw si Apo' Yesus tumumpa mai a mangé en sorga owo. En itu mamuali an tutuw i Apo' Yesus mapaturu' in owak-Na mewali-wali wo sé malaékat-Na si wuta ing kawasa.

2 Tesalonika 1:8

Wo ukumen-Na oka sé tou sé ra'ica kiim mengkatuusan wo si Amang Kasuruan wo ra'ica kiim kumiit in Abar Kaaruien andumoro' i Yesus Kristus Apo'ta.

2 Petrus 2:2

Wo kelian sé tou kumiit oka ing katouan é guru ra'ica wutul itu sé makiit ing kasalé'an in owak sé ra'ica loor. Wo ampa'paano sé pinengaéma' éra itu, kelian tou mojat oka in sususuien wutul i Amang Kasuruan.