Yohanes 9:16 - En Taar Weru a nunuwu' é Tontemboan

¹⁶ Wo icua é piraan tou Farisi walina, “Si tou mengaéma' in itu, ra'ica asi Amang Kasuruan owo, ampa'paan sia ra'ica makiit in atoran in endo Sabat.” Taan icua é tou walina, “Si tou anio' ra'ica tou iméma' ing kamesé-meséaan. Ampa'paan sé tou iméma' ing kamesé-meséaan ra'ica kaémaan éra en tuus kakaya'kaan tanu siitu.” Wo iséra wo iséra ra'io mengkakiitan.

Yohanes 9:16 Referans Kwoze

Yohanes 10:19

Kelinga é tou Yahudi si Yesus kumua in taniitu, séra meindo-indoano roma'. Kelian ai séra makua,

Yohanes 7:43

Wo sé tou itu tumo'tolo meindo-indoan roma' in andumoro' i Yesus.

Yohanes 7:12

Wo keli tou mengkeng-kewitan i esa wo sé walina andumoro' Sia. Awéan sé makua, “Sia itu tou sama'.” Awéan ka'i sé makua, “Ra'ica, Sia si mengasélé'kow sé tou keli.”

Yohanes 3:2

Asi sangawengi sia mai an tampa i Yesus, wo icuana ai Sia, “Guru, kailekan ami si Guru ayutus i Amang Kasuruan en sumusui ai cami. Ampa'paan, ra'ica wana tou e ro'na méma' sé kakaya'kaan kaputé sé niéma' i Guru, sa si Amang Kasuruan ra'ica mewali-wali wo isia.”

Matius 12:2

Keséré é tou Farisi in itu, icua éra a si Yesus, “Séréno, sé murit-Mu mengaéma' si ra'ica toro émaan asi endo Sabat.”

Yohanes 15:24

Sa ra'ica niéma'-Ku en tuu-tuus kakaya'kaan sé ra'ica kawisa émaan é tou walina, tantu séra ra'ica iméma' ing kamesé-meséaan. Taan intarépé' mandé ka'i sinéré érao pakasa sé niéma'-Ku, taan Yaku wo Si Amang-Ku kasake' ipasuu-suut éra.

Yohanes 14:11

Percayano mai si aicua-Ku, Yaku meesao ang karapi i Amang wo si Amang imeesao wo Yaku. Sa ra'ica percayan iow sé ipakua-Ku, percayano mai Aku ampa'paan sé tawo-tawoien niéma'-Ku.

Yohanes 9:24

Wo towan éra ing kumarua si tou si indior wola itu wo icua éra ai sia, “Musti icuamu im butul an dior i Amang Kasuruan. Kailekan ami si tou isumama' ico itu tou ang kamesé-meséaan.”

Yohanes 6:52

Kelinga in itu, sé tou Yahudi meindo-indoan roma' séra wo iséra. Icua éra, “Tambisa réén Sia ro'na méé in owak-Na eng kanenta?”

Yohanes 5:36

Taan eng kasairian-Ku en lébé wangko' mai wo ing kasairian i Yohanes. Eng kasairian-Ku sapaoka en tawoien-Ku an uner iow intarépé', siituo en tawoien si aiwéé i Amang a Yaku. Sé tawoien pengaémaan-Ku itu méé tuus sapaoka Yakuo si ayutusai i Amang.

Kisah Para Rasul 14:4

Taan sé tou keli ang kota itu mamuali rua ngareru'. Awéan sé marapit a sé tou Yahudi ra'ica maéman, wo awéan ka'i sé marapit a sé rua ruru'du'an itu.

Matius 12:10

Am bitu awéan si esa tou eng kamana esa imapalaio, wo am bitu awéan ka'i piraan tou Farisi sé maéré-éré ing kaséaan i Yesus. Séra mamuéi ai Sia, “Ro'na réén sumama' si tou sumakit an endo Sabat?”

Lukas 13:14

Taan si kikiiten am balé paapo'an é agama Yahudi itu mae'bow a si Yesus ampa'paan isumama' in tou an endo Sabat. Wo icuana a sé tou keli, “Awéan enem ngando em pengatawoi, ampa'paan in ituo mayo mapasama' ai Sia asi esa endo patawoi itu, tioo asi endo Sabat!”

Yohanes 2:11

Niéma' i Yesus eng kakaya'kaan-Na kataré itu ang Kana an sangkum ing Galilea. Am bitu aituru'-Na eng kawangko'-Na, ampa'paan in ituo sé murit-Na mercaya ai Sia.

Yohanes 5:10

Ampa'paan in ituo, sé kikiiten é agama Yahudi kumua a si tou si makasama'pé' itu, “Si endo anio' endo Sabat. Sa kumiit in atoran é agama Yahudi, ico ra'ica toro mangkai in tepému.”

Yohanes 7:23

Anaé, sa kamu sumunat in tou asi endo Sabat wosama' kamu le'tek asi ukum i Musa, kéitu réén Aku icae'bow iow asalo isumama' in owak i esa tou asi endo Sabat?