Yohanes 8:12 - En Taar Weru a nunuwu' é Tontemboan

¹² Kekawus in itu, icua i Yesus sumawel a sé tou keli in tana'i, “Yakuo en sendot ing kayo'baan. Si séi eng kumiit Yaku, sia itu ra'io menonou ang kariréimbengan, taan sia menonou an sendot si méma' isia menonou akar ing kauré-uré.”

Yohanes 8:12 Referans Kwoze

Yohanes 12:46

Yaku mayo ang kayo'baan anio' e mamuali sendot a sé tou, wosama' sé tou maéman a Yaku ra'ica mento' ang kariréimbengan.

Yohanes 9:5

Ang kauré-Ku ang kayo'baané', Yakuo en sendot ing kayo'baan.”

Yohanes 12:35

Icua i Yesus ai séra, “Ra'io uré en témpona en sendot itu mewali-wali wo icamu. Anaé, maya'o mangé ang karoro'an en sendot itu awéané' wosama' eng kariréimbengan ra'ica kumawasa icamu. Si séiké' mangé si mawaya' ang kariréimbengan, ra'io kailekanna am bisa en angéanna.

Matius 5:14

Icamuo en sendot ing kayo'baan. Eng kota am bawo ing kuntung ra'ica kawisa icaenep.

Yohanes 3:19

Si anioo e mangémai si Amang Kasuruan mukum sé tou ang kayo'baan anio': En sendot mayo ang kayo'baan, taan sé tou masalé'ke' ing kariréimbengan, ra'ica masalé' in sendot itu, ampa'paan séra masalé-salé'ke' mengaéma' ing kaléwo-léwo'an.

2 Petrus 2:4

Sé malaékat indior sé mengaéma' ing kamesé-meséaan ra'ica ampungan i Amang Kasuruan, taan iténdél-Na séra an api si ra'ica mape'de-pe'del akar ing kauré-uré. Séra yuntep ang kepal rarem wo riréimbeng en se'sek am bitu akar asi endo Sia mai makim pakasa in tou.

Kisah Para Rasul 13:47

Ampa'paan si Amang Kasuruan e merénta icami, ‘Sinisir-Kuo ko, wosama' ko ro'na mangé kumua in abar kalowiran a sé tou ra'ica Yahudi akar an tempok ing kayo'baan. Wo in taniitu, ico mamuali kaputé in sosoloan si sumendot iséra.’ ”

Kisah Para Rasul 26:23

En aicua éra sapaoka si Mesias musti mamuléng ing keli kawenduan wo maté, taan Siao eng kataré-taré tumou sumawel. Sia oka ka'i e maali mai in sendot ing kalowiran a sé tou Yahudi wo ka'i a sé tou ra'ica Yahudi.”

Yohanes 14:6

Wo icua i Yesus, “Yakuo en lalan maangé a si Amang Kasuruan, Yaku ka'i si mengakua in sususuien wutul andumoro' i Amang Kasuruan, wo Yaku ka'i si mengawéé mai ing katouan akar ing kauré-uré. Ra'ica wana esake' tou e maai a si Amang sa ra'ica ipakawali-Ku.

Yohanes 7:17

Sa si tou masalé' maéma' ing kasalé'an i Amang Kasuruan, kakailekanna oka en sususuien-Ku anio' asi Amang Kasuruan owo kuma'pa mai a Yaku owo in esa.

Wahyu 21:24

Wo sé bangsa maya' oka an sendot itu, wo paalin oka é kolano ang kayo'baan eng kasiyaan éra ang kota itu,

Lukas 2:32

Wo Sia tanu in sendot si aiwéé i Amang Kasuruan en tumélang in até é tou walina wosama' séra ro'na mai a si Amang Kasuruan, wo ka'i en sendot itu e méma' sé tou-Mu Israel ro'na irayo é tou walina.”

Yudas 1:13

Séra itu tanuoka in sempa' wangker si tumela'u in lewa' wo i noo an ta'sic. Séra itu ka'i tanuoka sé sumesendot sé ra'ica metu'tul si asalo mengéra-ngéra en tampana. En tampa é tou itu tinu'tulo i Amang Kasuruan asi tampa uli-ulit riréimbeng akar ing kauré-uré.

2 Petrus 2:17

Sé guru ra'ica wutul itu, tanuoka im palemboian in dano imaperao kuma'pa tanuoka ing kambung riréimbeng iwalike' in deges repet. Séra itu aitu'tulo i Amang Kasuruan tampa ang kariréimbengan ulit.

Yudas 1:6

Taniitu ka'i wo sé malaékat sé lumébéo maké ing kakawasaan si aitantuo ai séra wo itumela'uo im patawoian éra. Séra yuntep asi tampa si uli-ulit riréimbeng, am bitu séra wina'kes i ranté si ra'ica kawukaan akar ing kauré-uré. Séra tinang am bitu akar asi endo pengaakiman en akimen asi endo wangko' itu.

Yohanes 12:36

Anaé, ang karoro'an in sendot mewali-walipé' wo icamu, musti percayan iow en sendot itu wosama' kamu mamuali toya-toyaang in sendot.” Kekawus i Yesus kumua in taniitu, Sia mangé an tampa si ra'- ica kailekan é tou keli.

1 Yohanes 1:6

Sa icuata sapaoka kita menonou meesao wo Sia taan eng katouanta ang kariréimbenganné', kita itumowoo wo ra'ica mengaéma' in sususuien wutul.