Yohanes 7:7 - En Taar Weru a nunuwu' é Tontemboan

⁷ Sé tou ang kayo'baan anio' ra'ica masuut icamu, taan Yaku icasuut éra ampa'paan pengakua-Ku em paémaan éra léwo'.

Yohanes 7:7 Referans Kwoze

Yohanes 3:19

Si anioo e mangémai si Amang Kasuruan mukum sé tou ang kayo'baan anio': En sendot mayo ang kayo'baan, taan sé tou masalé'ke' ing kariréimbengan, ra'ica masalé' in sendot itu, ampa'paan séra masalé-salé'ke' mengaéma' ing kaléwo-léwo'an.

Galatia 4:16

Taan kéitu réén intarépé' nianggap iow aku tanu kaséké' miow? Ampa'paano réén aku icumuao in sususuien wutul andumoro' i Kristus ai camu?

1 Yohanes 4:5

Sé nabi ra'ica wutul itu ang kayo'baan owo, ampa'paan ituo em pakua éra asaloke' andumoro' ing kayo'baan. Wo sé tou menonou ang kayo'baan sé ra'ica makatuus si Casuruan asaloke' mengalinga iséra.

Yakobus 4:4

Éi camu, sé tou ra'ica le'tek! Tantu kailekano miow sa kamu makiit ing kasalé'an ing kayo'baan, kamu imamualio kaséké' i Amang Kasuruan. Si séike' si masalé' mekarapi wo ing kayo'baan anio', niéma'nao en owakna mekaséké'an wo si Amang Kasuruan.

Yohanes 17:14

En Taar i Amang aicua-Kuo ai séra, wo pinercaya éra en Taar itu. Ampa'paan in ituo sé tou ra'ica mercaya in Taar i Amang masuut séra, ampa'paan séra ra'ica meputé wo sé tou ra'ica mapercaya itu, wo ka'i Yaku ra'ica meputé wo sé tou ang kayo'baan sé ra'ica mapercaya.

Roma 8:7

Wo sé tou pakakawasané' ing kasalé'an in owak in esa, séra menséké'an wo si Amang Kasuruan, ampa'paan séra ra'ica le'tek an ukum i Amang Kasuruan. En ulitna en ukum itu ra'ica kaémaan éra.

Lukas 6:26

Icawangkuro mio' kamu sa pakasa sé tou marayo icamu, ampa'paan tanu siitu ka'i e niéma' é apo-apo' éra indior, marayo sé nabi ra'ica wutul.”