Yohanes 7:14 - En Taar Weru a nunuwu' é Tontemboan

¹⁴ Wo ang karoro'an i mapésta, si Yesus muntep ang kintal im Balé Le'nas wo tumo'tolo Sia sumusui.

Yohanes 7:14 Referans Kwoze

Yohanes 7:28

An tutuw i Yesus ang karoro'ané' masusui am Balé Le'nas, Sia taangko' i makua, “Wutul kamu makatuus Yaku wo kailekan iow Aku am bisa owo mai. Taan Aku mai ra'ica ampa'paan ing kasalé'an-Ku in esa. Yaku mai ampa'paan si Amang Kasuruan e mutusai Yaku. Sia itu wutul, taan Sia ra'ica katuusan iow.

Lukas 19:47

Susur in endo si Yesus masusui am Balé Le'nas. Sé kikiiten é imam é tou Yahudi wo sé makailek wutul in Torat wo sé tou pasiri-siriin é tou Yahudi rumaméji maté Sia.

Yohanes 18:20

Isowat i Yesus ai sia, “Ang karapi ra'ica ipaene-enep ipemaa-maar-Ku a sé tou keli ang kayo'baan. Wo ipenusu-nusui-Ku am balé-walé paapo'an é agama Yahudi wo am Balé Le'nas, am pali'usan é tou Yahudi. Ra'ica wana en ayenep-Ku.

Yohanes 8:2

Asi woondona mai, tutuw imamoondopé' keli, si Yesus maréng angé ka'i am Balé Le'nas, wo keli en tou sé imai ai Sia. Wo Sia lumukut en sumusui ai séra.

Yohanes 7:37

Asi endo kaakaran si endo penting keli asi pésta in endo wangko' Terung Lalaina itu, tumulungo mai si Yesus wo kumua in taangko' a sé tou keli, “Si séike' si maré'om, aweso taré sia mai a Yaku wo wéan-Ku oka elepen.

Yohanes 7:2

An tutuw itu matawio in endo wangko' é tou Yahudi si patuulen endo wangko' Terung Lalaina.

Yohanes 5:14

Kekawus in itu si Yesus meta'up wo si tou itu am Balé Le'nas wo icua-Na ai sia, “Ta'néino mangé, ico imasama'o. Yentoo mio' mengaéma' ing kamesé-meséaan wosama' eng kawenduan si lébé uterai ra'ica pendamenmu sa.”

Matius 26:55

Wo an tutuw ituke', icua i Yesus a sé tou keli sé mai itumangka' Sia, “Paweroten iow réén Aku anio' tou léwo' akar kamu mai tumangka' Yaku maali-ali in sa'bel wo im papangkur? Susur in endo penéré-nérén iow Aku makalukut masusui am Balé Le'nas, wo ra'ica tinangka' miow Aku.

Matius 21:12

Wo si Yesus muntep ang kintal im Balé Le'nas. Am bitu sérén-Na sé tou mawangkér wo mateles, wo yusér-Na séra. Iwalintuang-Na e méja-méja pasawelan éra in doit wo em palukutan é mawangkér sé mombo.

Yohanes 8:20

E nunuwu' anio' aicua i Yesus tutuw Sia masusui an diit im piti-piti pengapumpunan in doit raragés am Balé Le'nas. Taan ra'- ica wana mandé esake' tou en tumangka' Sia, ampa'paan ra'ipé' an témpona.