Yohanes 6:7 - En Taar Weru a nunuwu' é Tontemboan

⁷ Isowat i Filipus a si Yesus, “Mandé ka'i telesta roti makawééna in dua ngaatus dinar wo iwéténgta a si esa wo si esa mandé mekélé teké'ke', sé walina ra'ica kawéténgan.”

Yohanes 6:7 Referans Kwoze

Markus 6:37

Taan isowat i Yesus ai séra, “Kamuo e musti méé kanen ai séra!” Sowat éra ai Sia, “Musti réén kami e mangé tumeles roti makawééna in dua ngaatus dinar em béé kanen éra?”

Yohanes 12:5

“Kéitu réén en solo mawou manam itu ra'ica aiwangkér? Sa iwangkér em bééna telu ngaatus dinar, en doit itu ro'na iwéténg a sé tou lengéi.”

Matius 18:28

Taan kekesotai i ata itu am balé i colano, sia meta'up ka'i wo si carapina ata, si mutang ai sia sangaatus dinar. Wo tangkaanna si carapina itu wo kiselenna eng kolot, icuana, ‘Wérano mai en utangmu a yaku!’

Yohanes 1:43

Asi woondona mai si Yesus musé' e maangé an sangkum ing Galilea. Taan Sia mangé meta'up owo wo si Filipus, icua-Na ai sia, “Mayo kumiito mai Yaku.”

Yohanes 1:44

Si Filipus tou ing kota Betsaida, si kota i Andreas wo si Petrus.

Yohanes 1:45

Wo si Filipus mangé meta'up wo si Natanael, icuana ai sia, “Aipeta'upo ami Sia si aicua i Musa ang kitap Torat, wo si pakua é nabi. Siao si Yesus a Nazaret owo toyaang i Yusuf.”

Yohanes 1:46

Taan isowat i Natanael, “Roong Nazaret? Awéan réén esa tou loor si mai an doong itu owo?” Isowat i Filipus, “Mayo sérénmu oka in esa.”

Yohanes 1:48

Wuéien i Natanael a si Yesus, “Tambisa réén Ko wo makatuus yaku?” Isowat i Yesus ai sia, “Ra'ipé' tinowa i Filipus ko, tutuw ko an darem im panga-pangana in tuura in ara, sinéré-Kuo ko.”