Yohanes 6:11 - En Taar Weru a nunuwu' é Tontemboan

¹¹ Wo indon i Yesus e roti itu, wo Sia kumua i makapulu'sama' a si Amang Kasuruan wo yéké-éké-Na ai séra sé makalukut. Taniitu ka'i e niéma'-Na a sé sera' itu. Wo séra kuman akar imawesu.

Yohanes 6:11 Referans Kwoze

Yohanes 6:23

Ang karoro'an in itu awéan londé-londéi sé mai ang kota Tiberias owo wo sumuwa' an diit in tampa kinanan i roti é tou keli, kekawus i Apo' Yesus kumua i makapulu'sama'.

1 Tesalonika 5:18

Sa kamu meta'up ing kawenduan kuma'pa ing kaaruian, musti meméé-méé mangé i makapulu'sama' a si Amang Kasuruan, ampa'paan siitu en casalé'-Na si musti émaan iow sé maémano a si Kristus Yesus.

Roma 14:6

Si tou maanggap si esa endo en lébé pentingai wo sé endo walina, niéma'na en itu e rumayo wo sumiri' si Casuruan. Wo si tou ro'na kuman pakasa ing kakanen, niéma'na en itu e rumayo wo sumiri' si Casuruan, ampa'paan an tutuw ra'ipé' icuman, sia mééo i makapulu'sama' a si Amang Kasuruan. Wo si tou kuman in séndéénke', niéma'na en itu e rumayo wo sumiri' si Casuruan wo sia ka'i kumua i makapulu'sama' a si Amang Kasuruan.

Matius 15:36

Kekawus in itu indon-Na sé pitu roti wo sé sera' itu wo kumua makapulu'sama' wo te'bi-te'biin-Na wo yéké-Na a sé murit-Na wo yéké ka'i é murit-Na a sé tou keli.

Lukas 24:30

An tutuw Sia lumukut kuman mewali-wali wo iséra, Sia mindo roti wo kumua i makapulu'sama' a si Amang Kasuruan wo te'bi-te'biin-Na e roti itu wo yéké-Na ai séra.

1 Korintus 10:31

Anaé, sapa-sapake' en émaan iow, eng kanen iow kuma'pa en elepen iow, émaano mangé em pakasa in itu asaloke' i rumayo wo sumiri' si Amang Kasuruan.

Kisah Para Rasul 27:35

Kekawus sia kumua in taniitu, sia mindo roti wo kumua mangé makapulu'sama' a si Amang Kasuruan an dior éra waya. Te'bi-te'biinna e roti wo tumo'tolo kuman.

Yohanes 6:9

“Am bia'i awéan toyaang tuama makaanu lima ngapokol roti wo rua sera'. Taan pakasa en itu ra'ica wana en torona a sé tou sé taniitu eng kakeli anio'.”

Yohanes 21:9

An tutuw éra in tumana'o, sérén éra awéan waa in api, wo am bawona awéan sera' wo roti.

Yohanes 21:10

Icua i Yesus ai séra, “Paalianai piraan sera' sé pakatangkaané' miow itu.”

Yohanes 21:13

Wo si Yesus rumuru, indon-Na e roti wo iwéé-Na ai séra. Taniitu ka'i mai wo sé sera' itu.