Yohanes 5:5 - En Taar Weru a nunuwu' é Tontemboan

⁵ Am bitu, awéan si esa tuama en sakitna teluo ngapulu' walu ngata'un eng kauré.

Yohanes 5:5 Referans Kwoze

Kisah Para Rasul 3:2

Am bitu awéan papalen wangko', si pengatuulen ‘Papalen Loor’. Am papalen wangko' itu, awéan si esa tuama eng ketounake' mai késo'. Susur in endo si tuama itu pengawuléngen é tou weta' am bitu wosama' sia ro'na mangile-ngilek a sé tou sé mauntep ang kintal im Balé Le'nas.

Lukas 8:43

An uner é tou keli itu, awéan si esa wéwéné sangapulu' rua ngata'uno wenduo in sakit ampa'paan pengeso-ngesotan in enda'. Pakasa eng kasiyaanna aiwangkérnao e mapasama' a sé dokter, taan ra'ica wana e ro'na sumama' isia.

Markus 9:21

Wo wuéien i Yesus a si amang i toyaang itu, “Pirao eng ka- uré sia mamendam in anio'?” Isowat i amang i toyaang itu, “Tumo'tol sia in toyaangé' akar intarépé'.

Kisah Para Rasul 14:8

Ang kota Listra, awéan esa tuama si asalo meluku-lukut ampa'paan eng kécéina késo' ketounake' mai wo ra'ipé' sumangkum ako maya'.

Lukas 13:16

Am bia'i awéan esa wéwéné taranak i Abraham, sia sangapulu' walu ngata'uno kinawasa i kikiiten é sétang. Suméa' réén sa sia iwekar ang kakawasaan i kikiiten é sétang asi endo Sabat?”

Kisah Para Rasul 9:33

Am bitu sia meta'up wo si esa tuama, makangaran Eneas. Si Eneas anio' waluo ngata'un asalo oka imakatekel ampa'paan makésoo.

Yohanes 9:1

An tutuw i Yesus imawaya', kaséréan-Na si esa tou eng ketounake' mai wola.

Yohanes 5:14

Kekawus in itu si Yesus meta'up wo si tou itu am Balé Le'nas wo icua-Na ai sia, “Ta'néino mangé, ico imasama'o. Yentoo mio' mengaéma' ing kamesé-meséaan wosama' eng kawenduan si lébé uterai ra'ica pendamenmu sa.”

Kisah Para Rasul 4:22

Wo ka'i si tou imasama'o ampa'paan ing kakaya'kaan itu, en umurna lébéo epat ngapulu' ngata'un.

Yohanes 9:21

Taan kéitu sia intarépé' ro'nao maséré, ra'ica kailekan ami, wo si séi e méma' isia ro'na maséré, ra'ica kailekan ami. Wuéieno mio' in esa ai sia, ampa'paan sia wangkoo wo ro'nao icuana in esa.”

Yohanes 5:4

Ampa'paan awéan en témpona sé malaékat i Amang Kasuruan tumumpa mai ang kolam itu wo en dano yéro' éra, wo si séike' mangé eng kumataré-taré muntep ang kolam itu an tutuw en dano maéro', sapake' en sakitna masama' oka.

Yohanes 5:6

Sérén i Yesus si tou itu makawé'kél am bitu, wo kailekan-Na en sakit i tou itu uréo keli wo icua i Yesus a si tou itu, “Masalé' réén ko masama'?”