Yohanes 4:53 - En Taar Weru a nunuwu' é Tontemboan

⁵³ Wo kata'néiano i amang i toyaang sumakit itu asi jam ituo si aicua i Yesus ai sia, “Si toyaangmu menonou.” Wo sia wo sé am pamaléna waya mercayao a si Yesus.

Yohanes 4:53 Referans Kwoze

Lukas 19:9

Wo icua i Yesus ai sia, “Asi endo anio', pakasa sé am balé anio' linowiro i Amang Kasuruan, ampa'paan ko wutu-wutul maéman a si Amang Kasuruan meputé si apo'mu Abraham.

Kisah Para Rasul 18:8

Awéan si capala im balé paapo'an é agama Yahudi ang kota Korintus, makangaran Krispus. Sia wo pakasa sé tou am baléna maémano a si Apo' Yesus. Sé tou walina ang kota Korintus sé lumingao in sususuien i Paulus, imaémano ka'i a si Apo' Yesus wo pakasa séra méé in owak em baptisen.

Kisah Para Rasul 16:34

Kekawus in itu, séra in dua iwali i capala im bui mangé am baléna wo séra wéanna kanen. Sia wo sé am baléna arui keli ampa'paan séra im baya maémano a si Amang Kasuruan.

Kisah Para Rasul 11:14

Sia oka eng kumua in abar e méma' ico wo pakasa sé am pamalému malowir.’

Kisah Para Rasul 16:15

Kekawus i Lidia wo sé am pamaléna nibaptis, icuana in tana'i ai cami, “Sa percayan iow aku anio' wutu-wutul maémano a si Casuruan, mayo lumosér am baléku.” Pelepé-lepéienna, akar kiniitan ami eng kasalé'anna en lumosér am baléna.

Kisah Para Rasul 2:39

Ampa'paan sé aijanjio i Amang Kasuruan itu torona pakasa in tou sé tinowa-Na, icauntep icamu wo sé taranak iow wo ka'i pakasa en tou sé maento' an tampa-tampa tayang.”

Matius 8:13

Wo icua i Yesus a si perwira itu, “Maréngo mangé wo mamualio ai co tanu im paémanenmu.” An tutuw ituke' masama'o si atana itu.

Yohanes 4:52

Wo wuéienna ai séra, “Jam pira réén si toyaangku itu tumo'tolo masama'?” Isowat éra ai sia, “Kaawii i ninia asi jam satu, en sakit paso'na icatalao.”

Yohanes 4:51

Am bawayaanna imawaréng, sia sinungkulo é atana wo icua éra sapaoka si toyaangna menonou.