Yohanes 4:21 - En Taar Weru a nunuwu' é Tontemboan

²¹ Icua i Yesus ai sia, “Inang, percayano mangé en icua-Ku anio': Maai oka en témpona sé tou maapo' a si Amang Kasuruan am bisa-wisake', ra'ica sangali sumosor asi kuntung anio' wo mangé an Yerusalem.

Yohanes 4:21 Referans Kwoze

1 Timotius 2:8

Ampa'paano in itu, icasalé'ku wosama' am bisa-wisake' sé tuama mengasombayang angé ang karapi in até weresi a si Casuruan, ra'ica ang karapi in e'bow wo meindoan roma'.

Efesus 2:18

Ampa'paano i Yesus Kristus, kita im baya tou Yahudi kuma'pa tou ra'ica Yahudi ro'na rumuru a si Amang Kasuruan, Amangta ang karapi in tatawang i Roh Le'nas si esa-esa.

Yohanes 4:23

Taan maai oka en témpona, wo intarépé' an témponao sé tou maapo' oka a si Amang Kasuruan Amangta ang karapi ing kawasa i Roh Le'nas wo iciit in sususuien wutul-Na. Ampa'paan sé tou maapo' ai Sia tanu siitu, pangérén-Na.

Matius 18:20

Ampa'paan am bisa awéan rua kuma'pa telu tou makali'us ampa'paan maéman a Yaku, Yaku am bitu ang karapi éra.”

Efesus 3:14

Ampa'paan in ituo, an tutuwku tuma'néi waya in itu, yaku kumundu wo sumombayang a si Amang Kasuruan Amangta,

Yohanes 16:32

Ta'néien! Maai oka en témpona, wo an témponao kamu icasera-serar oka e maréng an tampana i esa wo i esa, wo itela'u oka miow Yaku in esa. Taan en ulitna ra'ica Yakuke' in esa, ampa'paan Si Amang mewali-wali wo Yaku.

Yohanes 16:2

Ampa'paan kamu ra'io ka'i iwéé é kikiiten é agama Yahudi maapo' am balé paapo'an éra. Lébé-lébé ka'i maai oka en témpona si séike' e maté icamu, pawerotenna ang karapi i méma' in taniitu niéma'nao eng kasalé'an i Amang Kasuruan.

Yohanes 5:28

Tioo kamu mangaya'ka' in aicua-Ku anio', ampa'paan maai oka en témpona pakasa en tou sé aicuburo luminga oka in suara-Ku,

1 Petrus 1:17

An tutuw iow mengasombayang a si Amang Kasuruan, Sia patuulen iow “Amang”. Siao e maakim sé tou kumiit im pinengaéma'na, ra'ica maséré ing gio. Ampa'paano in itu, siriino mangé Sia ang kauré miow menonou asi kayo'baan anio' tanu tou sé asalo imanangkéi.

Kisah Para Rasul 6:14

Lininga ami, ipakuana sa si Yesus tou Nazaret itu e tumongkar oka im Balé Le'nas anio' wo rumoba ing kanaramen si aisusuio i Musa indior, si pemaké-makénta akar intarépé'.”

Yohanes 14:6

Wo icua i Yesus, “Yakuo en lalan maangé a si Amang Kasuruan, Yaku ka'i si mengakua in sususuien wutul andumoro' i Amang Kasuruan, wo Yaku ka'i si mengawéé mai ing katouan akar ing kauré-uré. Ra'ica wana esake' tou e maai a si Amang sa ra'ica ipakawali-Ku.

Yohanes 5:25

En ulitna icua-Ku mangé ai camu, awéan oka en témpona wo an témponao, sapaoka sé imatéo, luminga oka in suara i Toyaang i Amang Kasuruan, siituo en suara-Ku. Wo sé tou luminga in suara-Ku menonou oka.

Lukas 21:24

Sé tou itu awéan sé patén oka in sa'bel wo awéan ka'i sé tangkaan mamuali tawanan wo paalin oka a negara-negara é tou ra'ica Yahudi. Wo en Yerusalem anio' mai oka tongkaren é bangsa ra'ica makatuus si Amang Kasuruan wo kawasan éra akar malekep en témpo aitantu-Na ai séra.”

Matius 28:19

Ampa'paano in itu, mangém am pakasa im bangsa, wo émaano mangé séra mamuali murit-Ku. Baptiseno mangé séra ang karapi ngaran i Amang, i Toyaang wo i Roh Le'nas.

Wahyu 21:22

Ra'io kaséréanku mai em Balé Le'nas an untep ing kota itu, ampa'paan em Balé Le'nas ituo si Amang Kasuruan in esa, si Casuruan Si Makakawasa wo ka'i si Toyaang i Domba itu.