Yohanes 4:15 - En Taar Weru a nunuwu' é Tontemboan

¹⁵ Icua i wéwéné itu ai Sia, “Sa taniitu, wééo mai a yaku en dano itu, wosama' aku ra'io ka'i maré'om wo ra'io sangali maréngai e mindo rano asi parigi anio'.”

Yohanes 4:15 Referans Kwoze

Yohanes 6:34

Wo icua éra ai Sia, “Tuang, peméé-méé mai eng kakanen itu ai cami.”

Roma 8:5

Sé tou menonou makiit ing kasalé'an in owak in esa, séra mawerot in andumoro' ing kasalé'an in owak. Taan sé tou menonou makiit i Roh i Amang Kasuruan, séra mawerot in andumoro' ing kasalé'an i Roh i Amang Kasuruan.

Roma 6:23

Ampa'paan em buéna i mengéma-ngéma' ing kamesé-meséaan, makéré oka ukuman icatané a si Amang Kasuruan akar ing kauré-uré. Taan eng kamang aitambér i Amang Kasuruan, siituo eng katouan akar ing kauré-uré. Wo eng kamang aitambér-Na itu tinerimata ampa'paan si Kristus Yesus, Apo'ta.

Yohanes 6:26

Wo isowat i Yesus ai séra, “En ulitna icua-Ku mangé ai camu, pinangéré miow Aku ra'ica ampa'paan sinéréo miow en tuu-tuus kakaya'kaan si niéma'-Ku wo makailek sa si séi réén Aku, taan pinangéré miow Aku ampa'paan kamu icumano i roti itu akar mawesu.

1 Yohanes 5:20

Kailekanta ka'i sa si Toyaang i Amang Kasuruan imayo wo mééo ing kakailekan ai cita wosama' katuusanta si Amang Kasuruan si Wutul. Wo kita menonou meesao wo si Amang Kasuruan si Wutul itu, ampa'paan kita esa wo si Toyaang-Na Yesus Kristus. Si Yesus itu Kasuruan si Wutul wo Siake' e méma' sé tou ro'na menonou akar ing kauré-uré.

Yakobus 4:3

Kuma'pa kamu masombayang taan ra'ica imakéré sapa-sapa ampa'paan em paawo-awon iow an sombayang suméa'. Em pinangilek iow itu asaloke' masalé' ka'pun iow e marui in owak iow in esa.

1 Korintus 2:14

Si tou ra'- ica pengaakinen i Roh i Amang Kasuruan, ra'ica mengaterima sé ipakua i Roh i Amang Kasuruan, ampa'paan paanggapenna sé ipakua i Roh itu ra'ica wana torona. Wo en itu ra'ica kaangéanna, ampa'paan wayake' si tou makaanu i Roh i Amang Kasuruan e ro'na makaangé andumoro' in itu.

Yohanes 4:16

Icua i Yesus ai sia, “Mangé towanai si penanaanmu, wo kamu in dua maréngai sumawel am bia'i.”

Yohanes 6:35

Icua i Yesus ai séra, “Yaku anioo eng kakanen si mengaéma' sé tou menonou akar ing kauré-uré. Wo si tou maai a Yaku, sia itu ra'io ka'i kawisa i maarem, wo si séike' si maéman a Yaku, sia itu ra'io ka'i kawisa i maré'om.