Yohanes 3:5 - En Taar Weru a nunuwu' é Tontemboan

⁵ Isowat i Yesus, “En ulitna icua-Ku mangé ai co, sa si tou ra'ica touen sumawel an dano wo e Roh i Amang Kasuruan, sia ra'ica muntep ang Kakolanoan i Amang Kasuruan.

Yohanes 3:5 Referans Kwoze

Kisah Para Rasul 2:38

Isowat i Petrus ai séra, “Mape'diso wo terimano em baptisan a ngaran i Yesus Kristus wosama' eng kamesé-meséaan iow ampungan oka. Wo in taniitu teriman oka miow en tatambér-Na, siituo si Roh Le'nas.

Efesus 5:26

Niéma'-Na en itu wosama' Sia lume'nas sé jamaat kekawus éra wineresi-Na in dano wo in Taar,

1 Petrus 3:21

Si sonop wangko' an tutuw itu, andéan im baptisan intarépé'. Em baptisan itu pengatuus sapaoka kamu linowiro i Amang Kasuruan ampa'paano tinou-Na sumawel si Yesus Kristus. Em baptisan itu ra'ica i meresi sé kotor an owak iow, taan i mangilek a si Amang Kasuruan wosama' en até miow weresi.

1 Korintus 6:11

Indior awéan piraan tou an uner iow makaperi tanu siitu ka'i. Taan intarépé' eng kamesé-meséaan iow wineresio i Amang Kasuruan. Kamu niéma'-Nao le'nas wo nianggap-Nao wutul an dior-Na ampa'paan kamu maémano a si Apo' Yesus Kristus wo ka'i ampa'paan ing kawasa i Roh i Amang Kasuruanta.

Matius 3:11

Baptisenku kamu ang karapi in dano, tanu tuus mape'diso ang kamesé-meséaan. Taan kekawus yaku, awéan si esa tou e maai, eng kawasa-Na lumébé mai wo yaku akar maalike' in sapatu-Na aku ra'ica patus. Baptisen-Na oka kamu ang karapi i Roh Le'nas wo in api.

Yohanes 3:3

Isowat i Yesus, “En ulitna icua-Ku mangé ai co, sa si esa tou ra'ica touen sumawel sia ra'ica mamuali tou i Amang Kasuruan ang Kakolanoan-Na.”

Markus 16:16

Si séi e maéman a Yaku wo baptisen, sia malowir oka. Taan si séi si ra'- ica maéman a Yaku, makéré oka in ukuman.

1 Korintus 2:12

Wo e roh ai cita ra'ica aiwéé ing kayo'baan anio', taan e Roh si asi Amang Kasuruan owo wosama' kakailekanta pakasa sé loor sé aitambér i Amang Kasuruan ai cita.

Yohanes 1:13

Séra mamuali toya-toyaang i Amang Kasuruan ra'ica ampa'paan é matu'a éra, kuma'pa im basa wo ing kasalé'an i tou. Taan si Amang Kasuruan in esa e méma' iséra mamuali toya-toyaang-Na.

1 Yohanes 5:1

Si séike' e maéman sapaoka si Yesus itu Kristus, sia toyaango i Amang Kasuruan. Wo en tou si mengaupus a si Amang, sia ka'i mengaupus sé tou i mamualio toya-toyaang-Na.

1 Yohanes 2:29

Sa kailekan iow Sia itu wutul, musti ka'i kailekan iow sa sé tou sé mengaéma' im butul, séra ituo sé toya-toyaang i Amang Kasuruan.

Galatia 6:15

Ampa'paan sinunat kuma'pa ra'ica sinunat, en itu ra'ica penting. Em penting ang katouanta, wineru i Amang Kasuruan.

Roma 14:17

Ampa'paan sa si Amang Kasuruan mamuali kolano ang katouanta, eng kumataré-taré ra'ica andumoro' ing kakanen kuma'pa in elepen, taan andumoro' tumambisa mamuali tou nianggap wutul i Amang Kasuruan, menonou meelu-eluran wo sé kakélé tou, wo maaru-arui ampa'paan i Roh Le'nas.

Matius 28:19

Ampa'paano in itu, mangém am pakasa im bangsa, wo émaano mangé séra mamuali murit-Ku. Baptiseno mangé séra ang karapi ngaran i Amang, i Toyaang wo i Roh Le'nas.

Matius 18:3

Wo icua-Na ai séra, “En ulitna icua-Ku mangé ai camu, sa kamu masalé' muntep ang Kakolanoan in Sorga, kamu musti mape'dis wo robano mangé em peri miow meputé im peri i toyaang teké' anio'.

1 Petrus 1:2

Icamu sinisir i Amang Kasuruan, Amangta, tumo'tolke' mai indior kumiit im pawasa-wasan-Na. Wo kamu niéma' i Roh Le'nas mamuali le'nas wosama' kamu le'tek maéma' ing kasalé'an i Yesus Kristus wo eng kamesé-meséaan iow ka'i weresin-Na ang karapi in enda'-Na. Pekiupusenku a si Amang Kasuruan wosama' émaan-Na mai eng katouan iow elu-elur wo méé mai ing kamang si kumeli-keli ai camu.

Kisah Para Rasul 3:19

Ampa'paano in itu, itela'uo mio' eng kaléwo-léwo'an sé pengaémaan iow wo mape'diso mangé wosama' eng kamesé-meséaan iow ampungan i Amang Kasuruan.

Lukas 13:3

Icua-Ku ai camu ra'ica! Taan weroten iow sumama-sama', sa kamu ra'ica mape'dis ang kamesé-meséaan, icamu im baya ka'i maté oka tanu iséra.

Matius 5:20

Icua-Ku mangé ai camu, sa ra'ica émaan iow eng kasalé'an i Amang Kasuruan lumébémai asé makailek wutul in Torat wo sé tou Farisi, en ulitna kamu ra'ica kawisa muntep ang Kakolanoan in Sorga.”

Roma 8:2

Ampa'paan kita sé meesao ang karapi Kristus Yesus, tumerima i Roh i Amang Kasuruan si méé mai ing katouan weru ai cita. Wo kawasa a si Roh i Amang Kasuruan itu, mekar icita asi kawasa ing kamesé-meséaan si makawali icita am papaté.

Lukas 13:24

Isowat i Yesus a sé tou am bitu, “Rumaméjio kumiit im papalen pesut. Ampa'paan, icua-Ku ai camu, keli en tou sé rumaméji kumiit am papalen itu taan séra ra'ica icauntep.

Lukas 13:5

Icua-Ku ka'i ai camu ra'ica! Sa kamu ra'ica mape'dis ang kamesé-meséaan, kamu im baya maté oka ka'i tanu iséra.”

Matius 19:24

Wo icua-Ku ka'i sumawel ai camu, lébé taporak si esa onta muntep am bo'so im biwilit wotaré si tou siya' muntep ang Kakolanoan i Amang Kasuruan.”

Matius 21:31

Anaé, sa iciit icamu, si séi ai séra in dua e méma' ing kasalé'- an i amang éra?” Isowat éra, “Si toyaang luluna.” Wo icua i Yesus ai séra, “En ulitna icua-Ku mangé ai camu, sé matagi im pajak wo sé wéwéné sundal en dior muntep ang Kakolanoan i Amang Kasuruan wo icamu.

Markus 9:47

Sa em berenmu iméma' ico ang kamesé-meséaan, tu'iceno mio', ampa'paan aweso taré ko muntep an untep ing Kakolanoan i Amang Kasuruan in esa weren, wotaré rua weren taan ko itiya' an untep i naraka,

Markus 10:14

Keséré in itu, icae'bow i Yesus séra wo icua-Na, “Iwayao mio' sé toyaang itu mai a Yaku. Tioo pekala-pekalaan séra, ampa'paan sé tou tanu sé ituo e makaanu ing Kakolanoan i Amang Kasuruan.

Yohanes 3:4

Icua i Nikodemus ai Sia, “Tumambisa réén si esa tou matu'ao wo ro'napé' touen? Ro'napé' réén sia muntep sumawel am poot i inangna wo touené' ka'i?”

1 Korintus 15:50

Poo-poow, em peangé-angénku tana'i: en owakta intarépé' niéma' an enda wo an sama'na owo. Wo en owakta anio' sa, ra'- ica toro muntep ang kayo'baan weru i Amang Kasuruan. En owak si ro'na maté tanu si anio' ra'io ka'i pakénta ampa'paan a mangé mbitu ra'io wana ka'i e maté.