Yohanes 3:26 - En Taar Weru a nunuwu' é Tontemboan

²⁶ Wo sé muritna itu mai a si Yohanes wo kumua andumoro' si Yesus, “Tuang Guru, kata'néiané' i guru si Tou si sumangkumo mewali-wali wo si guru an lewet in doyongan Yordan? Si Tou itu si aicua i guru tanu Mesias. Intarépé' Sia ka'i mengabaptis sé tou wo kelio tou sé mangé ai Sia.”

Yohanes 3:26 Referans Kwoze

Yohanes 1:7

Sia mai eng kumua andumoro' in sendot itu a sé im pakasa é tou wosama' lingan éra eng kasairianna wo mercaya in sendot itu.

Yohanes 12:19

Wo sé tou Farisi mengkuanan si esa wo sé walina, “Kita ra'ica toro méma' sapa-sapa! Sérén, icumelio sé tou mengakiit Sia.”

Yohanes 11:48

Sa iwayata Sia mengéma-ngéma' in taniitu, pakasa en tou mercaya oka Sia. Wo sé tou Roma maai oka tumongkar im Balé Le'nasta wo kita tou Yahudi pakapaté-patén.”

Yohanes 1:15

Asi makasa, si Yohanes Mabaptis méé ing kasairian andumoro' si pakua in Taar itu. Icuana ang karapi in taangko' tana'i, “Si anioo Sia si sumangkumo aicuaku ai camu! Indior aicuaku, ‘Awéan oka e maai kekawus yaku. Sia en lébé iparangka' mai wo yaku, ampa'paan ra'ipé' itumou aku Sia awéano.’ ”

Yohanes 3:2

Asi sangawengi sia mai an tampa i Yesus, wo icuana ai Sia, “Guru, kailekan ami si Guru ayutus i Amang Kasuruan en sumusui ai cami. Ampa'paan, ra'ica wana tou e ro'na méma' sé kakaya'kaan kaputé sé niéma' i Guru, sa si Amang Kasuruan ra'ica mewali-wali wo isia.”

Yohanes 1:9

Wo en sendot si uli-ulit itu ang karoro'an i maai ang kayo'baan. Siituo en sendot si sumendot in até im pakasa é tou.

Matius 23:7

Séra masalé' pasiri-siriin é tou am pasar wo masalé' ka'i patuulen é tou ‘guru’.

Matius 23:8

Taan kamu, tioo masalé' im patuulen éra ‘guru’! Ampa'paan si Guru miow wayake' in esa wo icamu im baya mepoow.

Yohanes 4:1

Sé tou Farisi ilumingao sapaoka kelio sé tou mengakiit a si Yesus wo nibaptis-Na, akar ilumébéomai wo sé nibaptis i Yohanes.

Yohanes 4:2

(Mandé ka'i lininga éra en abar itu, taan em butulna ra'- ica si Yesus si mengabaptis taan sé murit-Na e mengabaptis.)

Yohanes 4:31

Ang karoro'an in itu, uwasen é murit-Na Sia eng kuman wo icua éra, “Mayoo kuman é Guru.”

Yohanes 5:33

Ayutuso miow sé tou a si Yohanes Mabaptis e mamuéi andumoro' Yaku, wo sia mééo ing kasairian andumoro' Yaku wo sapa sé aicuana itu wutul.