Yohanes 3:14 - En Taar Weru a nunuwu' é Tontemboan

¹⁴ Wo an tutuw é apo-apo'ta an tana' kapayasan, wo émaan i Musa esa koloi' an tambaga owo wo iwérénna si coloi' itu asi sangapokol kayu. Taniitu ka'i si Toyaang i Tou, musti iwérén an tiang ing kayu,

Yohanes 3:14 Referans Kwoze

Yohanes 8:28

Ampa'paan in itu, icua i Yesus ai séra, “An tutuw airangka' miow Aku Toyaang i Tou ang kayu salip, kakailekan oka miow Yakuo Sia si ipakua-Ku ai camu itu. Wo kakailekan iow oka ka'i Yaku ra'ica maéma' in sapa-sapa kumiit ing kasalé'an-Ku in esa, taan Yaku asaloke' kumua sapa sé aisusui i Amang-Ku.

Kisah Para Rasul 2:23

Si Yesus anio' aisarakano i Amang Kasuruan ai camu kiit im basa-Na. Wo Sia aisalip wo pinatéo miow ang karapi in sumarakan Sia a sé tou sé ra'ica makiit in ukum.

Matius 26:54

Taan sa émaan-Ku en itu, tumambisa sé aipatic ang Kitap Le'nas itu lekepen? Aicua ang Kitap Le'nas sapaoka en anio' musti mamuali.”

Lukas 24:20

Taan Sia aisarakan é kikiiten é imam wo sé kikiitenta tou Yahudi a sé pemerénta Romawi in ukumen patén. Wo Sia aisalipo éra.

Matius 8:20

Icua i Yesus ai sia, “Si serigala awéan wileng paento'an, taniitu ka'i sé burung awéan em parumunan. Taan si Toyaang i Tou ra'ica wana paento'an.”

Yohanes 6:51

Yakuo eng kakanen si mawéé ing katouan si tumumpao mai an sorga owo. Sa si tou kuman ing kakanen anio', sia menonou oka akar ing kauré-uré. Eng kakanen si wéé-Ku itu, siituo en owak-Ku si iwéé-Ku oka a sé tou ang kayo'baan wosama' séra ro'na menonou akar ing kauré-uré.”

Yohanes 18:32

Aicua éra in taniitu wosama' lekepen en aicua i Yesus sa tumambisa Sia maté.