Yohanes 21:7 - En Taar Weru a nunuwu' é Tontemboan

⁷ Wo si murit si caupus i Yesus, kumua a si Petrus, “Siao si Tuang!” Kelinga i Petrus Sia itu si Tuang, sia kumarai ampa'paan sia meke'da', wo sia lumo'tic kuméngkéng angé an tembir in lour.

Yohanes 21:7 Referans Kwoze

Yohanes 13:23

Am bitu awéan esa murit si caupus i Yesus, sia makalukut ang kakan-Na.

Yohanes 20:2

Wo sia tuméron mangé meta'up wo si Simon Petrus wo si murit walina si caupus i Yesus, wo icuana ai séra, “Si Tuang niindoo é tou ang kubur, ra'ica kailekan ami Sia aiweta' am bisa.”

Yohanes 19:26

An tutuw i Yesus makaséré si inang-Na wo si murit icaupus-Na makatulung an duruna, kumuao Sia a si inang-Na, “Inang, si anioo si toyaangmu!”

2 Korintus 5:14

Niéma' ami waya en itu ampa'paan en upus i Kristus en icumawasa icami. Wo kailekan ami sa si esa tou maté torona im pakasa é tou, eng kaangéan in itu pakasa in tou imatéo.

Yohanes 21:24

Si murit ituo si méé ing kasairian wo imatic andumoro' im pakasa in anio'. Wo kailekanta sapaoka eng kasairianna itu wutul.

Yohanes 21:20

An tutuw i Petrus maréng in somoi, sérénna si murit icaupus i Yesus makiit iséra. Si murit itu si ilumukut an duru i Yesus icuman mewali-wali an tutuw i Yesus ra'ipé' mate wo ka'i si mamuéi a si Yesus, “Tuang, si séi réén en sumarakan Ico?”

Kisah Para Rasul 10:36

Siituo en Taar aicua i Amang Kasuruan a sé tou Israel. Icua-Na en Abar Kaaruien andumoro' si Yesus Kristus si maali mai ing kaeluran ai séra e méma' in ubungan éra wo si Amang Kasuruan maloor. Si Yesus Kristuso si Casuruan é pakasa sé tou.

Kisah Para Rasul 2:36

Ampa'paano in itu pakasa sé tou Israel musti wutu-wutul makailek sapaoka si Yesus si aipaku miow ang kayu salip itu, Siao si niangkai i Amang Kasuruan mamuali Kasuruan wo Kristus.”

Lukas 7:47

Icua-Ku ai co, en upusna wangko' itu, itumuru'o sapaoka eng kamesé-meséaanna sé kumeli-keli itu niampungano. Taan sa si tou niampungan wayake' im pira, eng kaupusanna ka'i wayake' im pira.”

Lukas 2:11

En abar itu tana'i: Asi endo anio' ang kota Daud makangaran im Betlehem itumouo si Lumolowir iow, Siao si Kristus, si Kasuruan.

Markus 11:3

Wo sa awéan tou mamuéi, ‘Kéitu réén pawukaan iow en tali i celedai itu?’, sowateno mio' in tana'i, ‘Paperlun i Tuang ami, wo makala'- us oka iwaréng-Na mai sumawel am bia'i.’ ”

Yakobus 2:1

Poo-poowku! Icita anio' tou maémano a si Yesus Kristus, Apo'ta si parayo-rayo wo pasiri-siriin. Tioo kamu masisirke' in tou asalo maséré ing kasiyaan.

1 Korintus 15:47

Si tou kataré-taré niéma' an tana' owo. Taan si Kristus si tou karua, Sia itu a mangé en sorga owo.

Yohanes 20:28

Wo icua i Tomas, “Icoo si Tuangku wo ka'i Amang Kasuruanku!”

Yohanes 20:20

Kekawus-Na kumua in taniitu, ituru'-Na ai séra eng kama wo em petic-Na. Sé murit-Na arui an tutuw éra suméré si Apo' Yesus.

Lukas 12:35

“Matéi-téiro en sumaru im baya-waya. Kamu musti tatap mekarai ing karai patawoi wo en sosoloan iow musti mengembu-ngembung,

Yohanes 21:8

Sé murit walina ka'i mai ang karapi in londéi teké' wo pewali-walian éra i mawéso' en lolombo' si mawuta-wuta in sera' itu wo wésoon éra ang katanaan. Eng katayang éra wo ing katanaan wayake' wona' in sangaatus meter.