Yohanes 21:22 - En Taar Weru a nunuwu' é Tontemboan

²² Isowat i Yesus ai sia, “Sa icasalé'-Ku sia menonouke' melala'us akar Aku maai sumawel, en itu ra'ica urusanmu. Taan ko kumiito mai Yaku.”

Yohanes 21:22 Referans Kwoze

Markus 9:1

Icua-Na ka'i ai séra, “En ulitna icua-Ku mangé ai camu, an unér iow sé lumili am bia'i, awéan sé ra'ipé' maté sa ra'ipé' sinéré éra si Amang Kasuruan kumawasa tanu Kolano.”

Wahyu 2:25

Taan téirano mangé sumama-sama' em paémanen iow itu akar Aku maai.

1 Korintus 4:5

Ampa'paan in tuo tioo kamu mario-rior en tumantu si esa tou meséa' kuma'pa ra'ica, sa ra'ipé' an témpona. Entoon akar si Apo' Yesus maai sumawel. Sia oka e muka' im pakasa sé pakaenep é tou ang kariréimbengan wo Sia oka ka'i en tumuru' pakasa em pawasa-wasan é tou an até. Asi témpo itu oka ka'i si Amang Kasuruan méé mai i rarayo a sé tou asi esa wo si esa sé patus tumerima i rarayo.

Wahyu 3:11

Ra'io uré ka'i Yaku maai! Téirano sumama-sama' sapa sé anu miow, wosama' ra'ica wana tou e rumombit i mahkota miow.

Yakobus 5:7

Ampa'paan in ituo é poo-poow, malese-leseno mangé kamu akar si Apo' Yesus maai sumawel. Séréno tambisa si tou menganguma talesen keli mengento-ngento' in uran an oras i mausew wo an oras in tinanem mua'. Sia talesen mengento-ngento' im buéna si awéan em bééna asi tana'na itu.

1 Korintus 11:26

Anaé, susur iow ing kuman i roti wo melep in anggor asi paelepan am perjamuan itu, ipakua-kuao mio' em papaté i Apo' Yesus akar Sia maai sumawel.

Yohanes 21:19

Icua i Yesus in taniitu, en tumuru' mulur tambisa si Petrus maté, wo irumayo wo sumiri' si Amang Kasuruan. Kekawus i Yesus kumua in taniitu, icua-Na a si Petrus, “Kumiito mai Aku.”

Matius 24:44

Taniitu ka'i wo icamu, matéi-téir angé ampa'paan si Toyaang i Tou maai oka sumawel asi oras si ra'ica pinaarap iow.”

Wahyu 22:20

Sia en icumua a yaku andumoro' im pakasa in anio', icua-Na, “Én, Yaku makala'us oka maai!” Ulit, mayoo, é Apo' Yesus!

Wahyu 22:7

Icua i Yesus, “En ulitna, ra'io uré ka'i Aku maai. Pakakama- ngen sé tou sé makiit i nunuwu-nunuwu' asi Amang Kasuruan owo sé an untep ing kitap anio'.”

Wahyu 1:7

Sérénno, Sia maai pakali'ciren ing kambung-kambung. Wo pakasa é tou suméré oka Sia, icauntep sé tou imengkow Sia. Wo Sia paamé'an oka waya é bangsa asi cayo'baan anio'. Tanu siituo e mamuali sa. Ulit.

Matius 25:31

“Sa si Toyaang i Tou maai ang karapi i rarayo wo in sisiri'-Na mewali-wali wo sé malaékat-Na, Sia lumukut oka am palukutan pasiri-siriin.

Matius 24:27

Ampa'paan an tutuw si Toyaang i Tou maai sumawel ang kayo'baan, Sia kaséréan tanuoka ing kilat si tumélang tumo'tol an tempok ico akar an tempok ako.

Matius 24:3

Kumawus in itu, si Yesus mangé an Tolaina in Zaitun wo ang karoro'an-Na i makalukut am bitu wo mai sé murit-Na mepaar ang karapi-Na, sérake' in esa. Icua éra, “Guru, icua mai ai cami, kawisa réén en aicua i Guru itu mamuali? Wo sapa réén en tuusna sa si Guru maayo sumawel wo sapa réén en tuusna sa an orasnao in endo kaka'puan ing kayo'baan?”

Matius 8:22

Taan icua i Yesus ai sia, “Kumiito mai Yaku wo iwayao mio' si tou imaté eng kumubur si tou imaté.”

Matius 16:24

Wo icua i Yesus a sé murit-Na, “Si séike' e masalé' kumiit Yaku, sia musti sumangkal in owakna, muléng in salipna wo kumiit Yaku.

Yohanes 21:21

An tutuw sérén i Petrus si murit itu, icuana a si Yesus, “Tuang, sapa réén e mamuali asi tou itu?”

1 Tesalonika 2:19

Kami maangé ai camu, ampa'paan icamuke' e mamuali arapan wo kaaru-aruian ami. Anaé, sa si Yesus Apo'ta itu imayo sumawel tantu kita sumaru Sia wo icamuo itu e mamuali kaaru-aruian ami an dior-Na.

Yakobus 5:8

Taniituo ka'i kamu, malese-leseno mangé wo kete-ketereno mangé en até miow ampa'paan ra'io uré en orasna si Apo' Yesus maai sumawel.