Yohanes 17:2 - En Taar Weru a nunuwu' é Tontemboan

² Ampa'paan si Amang mééo mai ing kawasa a Yaku e merénta waya sé tou, wosama' Aku ro'na méé ing katouan akar ing kauré-uré ai séra sé aisarakano i Amang a Yaku.

Yohanes 17:2 Referans Kwoze

Yohanes 6:39

Wo si anioo eng kasalé'an i Amang si mutusai Yaku: Icasalé'-Na pakasa sé tou sé aiwéé-Na a Yaku mandé esake' ra'ica wana en icatala. Wo icasalé'-Na touen-Ku sumawel séra im baya am papaté asi endo kaka'puan ing kayo'baan.

Yohanes 6:37

Pakasa en tou sé aiwééo i Amang-Ku a Yaku maai oka a Yaku, wo si séike' si maai a Yaku, sia ra'ica kawisa yusér-Ku.

Yohanes 17:24

O Amang, icasalé'-Ku wosama' sé tou sé aisarakan i Amang a Yaku awéan mewali-wali wo Yaku asi tampa angéan-Ku. Icasalé'-Ku taniitu wosama' ro'na kaséréan éra e rarayo wo en sisiri'-Ku, siituo e rarayo wo en sisiri' si aiwééo i Amang a Yaku ampa'paan si Amang mengaupuso Yaku an tutuw ra'ipé' niéma' eng kayo'baan anio'.

Matius 28:18

Susuten i Yesus séra wo icua-Na “Tinerima-Kuo waya eng kawasa an sorga wo ang kayo'baan.

1 Yohanes 5:20

Kailekanta ka'i sa si Toyaang i Amang Kasuruan imayo wo mééo ing kakailekan ai cita wosama' katuusanta si Amang Kasuruan si Wutul. Wo kita menonou meesao wo si Amang Kasuruan si Wutul itu, ampa'paan kita esa wo si Toyaang-Na Yesus Kristus. Si Yesus itu Kasuruan si Wutul wo Siake' e méma' sé tou ro'na menonou akar ing kauré-uré.

Yohanes 17:9

Anaé, intarépé' séra ipasombayang-Ku. Taan ra'ica ipasombayang-Ku sé tou sé ra'ica maéman ang kayo'baan anio', sé ipasombayang-Ku séra sé aisarakan i Amang a Yaku, ampa'paan séra itu anu i Amang.

Yohanes 17:6

Aipapatuus-Kuo si Amang a sé tou si aisarakan-Muo a Yaku ang kayo'baan anio'. Séra itu anu i Amang wo séra aisarakano i Amang a Yaku. Wo intarépé' séra le'tek mengaéma' in taar-Mu si aicua-Ku.

Yohanes 4:14

Taan si séike' e melep in dano si aiwéé-Ku, sia ra'io ka'i maré'om akar ing kauré-uré, ampa'paan en dano si iwéé-Ku itu mamuali oka palemboian in dano an owakna. En dano itu melembo-lemboi an owakna akar sia menonou akar ing kauré-uré.”

Yohanes 3:35

Si Amang mengaupus si Toyaang-Na wo aiwéé-Nao eng kawasa ai Sia e merénta am baya-waya.

1 Yohanes 2:25

Wo si anioo en aijanji-Nao in esa ai cita: kita menonou oka akar ing kauré-uré.

1 Petrus 3:22

Intarépé' si Yesus Kristus imangém an sorga wo lumukut ang kakan i Amang Kasuruan. Wo pakasa sé malaékat, pakasa sé makakawasa wo pakasa ing kaketeran, pakasa in itu an darem ing kakawasaan-Na.

Ibrani 1:2

Taan asé endo kaka'puan ing kayo'baan anio', si Amang Kasuruan maroma' ai cita mengapaké si Toyaang-Na in esa. Wo ampa'paano i Toyaang-Na anio', eng kayo'baan wo pakasa sé an untepna émaan i Amang Kasuruan. Wo aitantu-Nao sapaoka si Toyaang-Na awéan kaloasan makaanu im pakasa sé niéma'-Na itu.

Matius 11:27

Wo icua i Yesus, “Pakasa aisarakano i Amang-Ku a Yaku. Ra'ica wana mandé esake' tou e makatuus si Toyaang, aluar si Amang in esa. Wo ka'i ra'ica wana mandé esake' tou e makatuus si Amang, aluar si Toyaang wo sé tou si papatuus-Ku oka a si Amang.

Yudas 1:21

Menonouo mangé ang karapi i mamangén asi upus i Amang Kasuruan, ang karoro'an iow mengento-ngento' si Apo'ta Yesus Kristus tumuru' ing kaupusan-Na, wosama' kéréan iow eng katouan akar ing kauré-uré.

1 Yohanes 1:2

En Taar si mengawéé ing katouan itu mewali-wali wo si Amang an sorga. Sia imayo wo sinéréo ami. Ampa'paan in itu aisairi ami wo icua ami ai camu andumoro' ing katouan akar ing kauré-uré.

1 Timotius 1:16

Mandé ka'i in taniitu, aituru' i Amang Kasuruan eng kaupusan-Na akar turu' i Kristus Yesus eng katalesenan-Na a yaku si tou keli kamesé-meséaan. Wo in taniitu aku mamuali pengaandéan é tou walina sé mengaéma' ing kamesé-meséaan, wosama' séra ka'i ro'na maéman a si Yesus wo makéré ing katouan akar ing kauré-uré.

Filipi 2:10

wosama' pakasa sé an langit wo sé am bawo ing kayo'baan wo sé an darem ing kayo'baan kumundu oka e maapo' a si kawasa i ngaran i Yesus,

Efesus 1:20

si itumou sumawel si Kristus an uner é tou imaté wo méé im palukutan pasiri-siriin ang kakan-Na an sorga.

1 Korintus 15:25

Ampa'paan ra'ipé' ang kaka'puan ing kayo'baan, si Kristus musti merénta tanu Kolano akar kalan i Amang Kasuruan pakasa sé kaséké' i Kristus wo iweta'-Na séra am palara ing kécéi i Kristus.

Roma 6:23

Ampa'paan em buéna i mengéma-ngéma' ing kamesé-meséaan, makéré oka ukuman icatané a si Amang Kasuruan akar ing kauré-uré. Taan eng kamang aitambér i Amang Kasuruan, siituo eng katouan akar ing kauré-uré. Wo eng kamang aitambér-Na itu tinerimata ampa'paan si Kristus Yesus, Apo'ta.

Yohanes 6:27

Tioo matawoi e makéré ing kakanen si ro'na maka'pu wo mawuruk, taan tumawoio mangé e makéré ing kakanen si ra'ica kawisa mawuruk wo si mawéé ing katouan akar ing kauré-uré. Si méé ing kakanen itu ai camu Yakuo si Toyaang i Tou, ampa'paan Aku aitantuo i Amang Kasuruan e méé ing kakanen itu.”

Matius 25:46

Sé tou léwo' anio' ukumen oka an tampa in okoien akar ing kauré-uré, taan sé tou nianggap wutul i Amang Kasuruan makéré oka ing katouan akar ing kauré-uré.’ ”