Yohanes 15:7 - En Taar Weru a nunuwu' é Tontemboan

⁷ Sa kamu menonou meesa wo Yaku wo en taar-Ku an untepo in até miow, mangileko mangé sapake' en icasalé' miow, wo teriman oka miow sé pinangilek iow.

Yohanes 15:7 Referans Kwoze

1 Yohanes 5:14

Wo kita ra'ica maindé' meta'up wo Sia, ampa'paan sa kita sumombayang kumiit ing kasalé'an-Na, percayanta lingan-Na oka sapa em pangilekenta.

Yohanes 14:13

Wo sapake' em pangileken iow a ngaran-Ku, émaan-Ku oka en itu wo si Amang-Ku ro'na iparayo-rayo wo pasiri-siriin ampa'paan Aku Toyaang-Na.

1 Yohanes 3:22

Wo sapake' em pangilekenta ai Sia, kéréanta oka, ampa'paan paémaanta waya em perénta-Na wo ka'i maéma' sapa si mengaarui in até-Na.

Yohanes 15:16

Ra'ica icamu en isumisir Yaku, taan Yakuo en isumisir icamu mamuali murit-Ku. Kamu winéan-Kuo tawoien, wosama' kamu mangé wo méé wua'na kumeli-keli sé ra'ica maka'pu. Anaé, sapake' em pangileken iow a si Amang-Ku a ngaran-Ku, en itu iwéé-Na oka ai camu.

Matius 7:7

“Mangileko mangé, wo kamu wéan oka. Éréno, wo kamu makéré oka. Tuméngkoro, wo em papalen wukaan oka torona miow.

Yohanes 16:23

Wo asi endo itu, kamu ra'io ka'i sangali mamuéi sapa-sapa a Yaku. En ulitna icua-Ku mangé ai camu, sapake' em pangileken iow a si Amang-Ku a ngaran-Ku, iwéé-Na oka mai.

Galatia 5:16

Si anioo em peangé-angénku: Kamu musti menonou kumiit ing kasalé'an i Roh Le'nas. Wo in taniitu kamu ra'ica menonou oka kumiit ing kasalé'an in owakmu in esa.

1 Yohanes 2:27

Wo andumoro' icamu in esa, si Casuruan imééo mai i Roh Le'nas eng kumawasa icamu wo akar intarépé' e Roh Le'nas itu awéané' ai camu. Anaé kamu ra'io sangali susuian é tou walina, ampa'paan kamu penusu-nusuian i Roh Le'nas andumoro' im pakasa in itu. Wo sapa en aisusui-Na itu wutul wo ra'ica towo. Tinerimao miow en sususuien itu ai Sia, ampa'paan in itu kamu musti menonou angé meesa wo si Kristus.

1 Yohanes 2:14

Aipaticku ai icamu, éi toya-toyaang, ampa'paan kamu makatuuso si Amang. Aipaticku ka'i ai camu, éi amang-amang, ampa'paan kamu makatuuso Sia si awéano asi kataré-taré an tutuw ra'ipé' niéma' eng kayo'baan. Aipaticku ka'i ai camu, éi tou wo'bas, ampa'paan em paémanen iow keter. Wo en Taar i Casuruan menonou an até miow wo si léwo' kinalao miow.

Kolose 3:16

Wo iwayao e nunuwu' i Kristus kasake' an até miow ang karapi i mawuta-wuta akar kamu si esa wo si esa ro'na mensun-susuian wo mensin-sina'uan ang karapi wuta ing kapinteran asi Amang Kasuruan owo. Wo icantaro mangé e mazmur, kakantaren rarayoan wo kakantaren rohani wo mawéé mangé i makapulu'sama' a si Amang Kasuruan si lumembo mai an até miow.

Yohanes 8:37

Kailekan-Ku sa kamu anio' taranak i Abraham, taan kamu rumaméji e maté Yaku ampa'paan kamu ra'ica kiim tumerima in sususuien-Ku.

Galatia 4:2

Anaé, musti awéan tou e mewangko' si toyaang itu wo murus waya im bagéanna akar asi témpo si aitantuo i amangna.

Yohanes 8:31

Wo icua i Yesus a sé tou Yahudi sé maémano ai Sia. “Sa kamu menonou kumiit in sususuien-Ku, kamu uli-ulit murit-Ku,