Yohanes 15:10 - En Taar Weru a nunuwu' é Tontemboan

¹⁰ Sa kamu le'tek mengéma-ngéma' im perénta-Ku, kamu ro'na mendam in upus-Ku, meputé Yaku le'tek mengéma-ngéma' im perénta i Amang-Ku, akar Aku mendam in upus-Na.

Yohanes 15:10 Referans Kwoze

Yohanes 14:15

Icua ka'i i Yesus, “Sa kamu mengaupus Yaku, tantu em peré-perénta-Ku émaan oka miow.

1 Yohanes 5:3

Anaé, sa kita mengaupus si Amang Kasuruan, tantu émaanta em perénta-perénta-Na. Em perénta-perénta-Na itu sa émaanta ra'ica uter.

1 Yohanes 2:5

Taan si tou makiit in taar-Na, sia itu uli-ulit mengaupus si Casuruan. Wo ang karapi in tuus itu kailekanta sapaoka kita menonouo esa wo si Casuruan.

2 Petrus 2:21

Aweso taré séra itu ra'ica sumangkum ako makailek in sususuien wutul i Amang Kasuruan, wo taré sumangkumo makailek taan ra'ica kiim makiit im perénta-perénta le'nas si aiwéé i Amang Kasuruan ai séra.

Yohanes 8:29

Wo Sia si mutusai Yaku, mewali-wali wo Yaku. Ra'ica kawisa wo iwaya-Na Yaku in esa, ampa'paan sapa sé pengéma-ngémaan-Ku maarui in até-Na.”

Yohanes 4:34

Icua i Yesus ai séra, “Eng kakanen-Ku mengaéma' ing kasalé'an i Amang Kasuruan si mutusai Aku wo lumekep in tawoien si aiwéé-Na a Yaku.

1 Tesalonika 4:1

Poo-poow, aisusuio ami ai camu tambisa em peri mengaarui in até i Casuruan, wo kamu wutu-wutul menonouo tanu siitu. Wo intarépé' pangileken ami ai camu ang karapi ing kawasa i Apo' Yesus, wosama' kamu rumaméjipé' mangé menonou mengaarui si Amang Kasuruan.

Yohanes 17:4

Si Amang iparayo wo pasiriin-Ku ang kayo'baan anio', ampa'paan pinakatawoi-Kuo waya sé airu'du' i Amang in émaan-Ku.

Yohanes 14:31

Taan émaan-Ku oka sapa si aiperénta i Amang a Yaku, wosama' sé tou ang kayo'baan anio' makailek, Yaku mengaupus si Amang. Tumulungo, mayo kita kumesot asi tampa anio'.”

Yohanes 12:49

Ampa'paan e nunuwu'-Ku ra'ica an owak-Ku in esa owo, taan asi Amang si mutuso mai Yaku. Siao si rumu'du'o mai Yaku eng kumua sapa si musti icua.

Wahyu 22:14

Pakakamangen sé tou sé icumemes in jubana. Séra makéré oka hak e maai a sé tuur ing katouan wo muntep ang kota itu kumiit im papalen-papalen wangker.

Yohanes 14:21

Si séike' en tumerima im peré-perénta-Ku wo pengaémaanna, sia itu mengaupus Yaku. Si séike' si mengaupus Yaku, sia itu icaupus oka i Amang-Ku, wo sia ka'i icaupus-Ku oka. Wo ituru'-Ku oka ai sia si séi Aku.”

1 Korintus 7:19

Ampa'paan sinunat kuma'pa ra'ica sinunat sé rua itu ra'ica penting. Em penting sia makiit im perénta i Amang Kasuruan.

Ibrani 7:26

Anaé, si Yesus ituo si Imam Wangko' si paperlunta. Sia itu le'nas, Sia ra'ica wana kaséaan wo ra'ica wana e ro'na méé kaséaan. Sia aitané asé tou sé iméma' ing kamesé-meséaan, wo niangkai angé asi tampa pasiri-siriin an sorga.

Yohanes 8:55

Taan Sia ra'ica katuusan iow, Yaku makatuus Sia. Sa woo Aku kumua Sia ra'ica katuusan-Ku, Yaku tou kotowo kaputé miow. Taan Aku makatuus Sia, wo le'tek an Taar-Na.

Yohanes 10:18

Ra'ica ka'i wana esaan tou e ro'na maté Yaku, taan kasalé'an-Ku in esa en sumarakan in owak-Ku. Ampa'paan Aku awéan kawasa e méé in owak-Ku im patén, wo Yaku ka'i awéan kawasa en tumou sumawel in owak-Ku. Si Casuruan Amang-Ku e rumu'du'o Yaku méma' in itu.”

Yohanes 14:23

Isowat i Yesus ai sia, “Si tou mengaupus Yaku, tantu émaanna oka en taar-Ku, wo sia icaupus oka i Amang-Ku. Yaku wo si Amang-Ku maai oka ai sia wo mento' ang karapina.

1 Yohanes 2:3

Sa pengakiitenta em perénta-perénta i Amang Kasuruan, si- ituo en tuusna kita makatuus Sia.

1 Yohanes 2:6

Si séike' mangé si mengakua sa sia imeesao wo si Casuruan, em pakatouna ka'i musti meputé wo im pakatou i Kristus.